konka coffee
KONKA

AMAKURU

UKWEZI

Rubavu: Umusore yarasiwe ku mupaka yambutsa urumogi

Rubavu: Umusore yarasiwe ku mupaka yambutsa urumogi
2-11-2018 saa 14:42' | By Vincent Nsengiyumva | Yasomwe n'abantu 2546 | Ibitekerezo

Mu masaha y’ijoro ryo kuri uyu wa Kane tariki 1 Ugushyingo 2018, mu Mudugudu wa Bisizi, Akagari Busigari mu Murenge wa Cyanzarwe mu ntara y’Uburengerazuba bw’u Rwanda, harasiwe umusore witwa Ruvuyekure wari wambukanye umufuka urumogi ku mupaka.

Nsabimana Mvano Etienne, Umunyamabanga Nshingwabikorwa w’Umurenge wa Cyanzarwe, yatangarije ikinyamakuru Ukwezi.com ko uwo musore warashwe yari yikoreye ibiro 20 by’urumogi aruvanye muri Congo.

Yagize ati “Uwo warasiwe ku mupaka mu ijoro ryakeye yari yikoreye ibiro 20 by’uburozi bwo kwangiza abaturage. Nubwo atapfuye ariko arimo kugora leta imuvuza.”

Yakomeje avuga ko atari ubwa mbere muri aka gace kuko ngo n’ubushize hari undi mugabo waharasiwe nawe yambutsa urumogi.

Nyuma y’uko Ruvuyekure arashwe yahise ajyanwa ku Bitaro bya Gisenyi akaba ariho ari kuvurirwa.

Mu gitondo cyo kuri uyu wa Gatanu, ubuyobozi bw’umurenge wa Cyanzarwe bwahise bukoresha inama abaturage bubasaba kwirinda ibikorwa bituma bashyamirana n’inzego z’umutekano, bikaba byanashyira ubuzima bvwabo mu kaga.

Umuyobozi wungirije wa Batayo ya 11 ikorera ku mupaka uhuza u Rwanda na RDC, Major Rukundo Eugène, yasabye abaturage kwirinda guca mu nzira zitemewe kuko babitiranya n’abanzi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...