AMAKURU

UKWEZI
ubumwe

Ruhango: Umwarimu yibiye muri SACCO amafaranga ya mugenzi we

Ruhango: Umwarimu yibiye muri SACCO amafaranga ya mugenzi we
12-06-2019 saa 12:12' | By Nsanzimana Ernest | Yasomwe n'abantu 7511 | Ibitekerezo 6

Urwego rw’ Igihugu rw’ Ubugenzacyaha RIB rwataye muri yombi umwarimu wo mu karere ka Ruhango akurikiranyweho kwiba mu Mwarimu SACCO amafaranga ya mugenzi we akoresheje uburiganya.

Uyu mwarimu wo ku ishuri rya Munanira yagiye mu Mwarimu SACCO yitwaje agapapuro ka sheke ya mugenzi we abikuza amafaranga ibihumbi 100 arayatwara.

Nyiri konti yibweho amafaranga yakiriye ubutumwa binyuze muri sisiteme ya Mwarimu SACCO online banking ko abikuje amafaranga ibihumbi 100 kandi atigeze agera kuri banki.

Uwibwe amafaranga yahise abimenyesha abayobozi bakurikirana uwabikuje amafaranga afatirwa mu mujyi wa Ruhango.

Amakuru agera ku Kinyamakuru Ukwezi ni uko uyu muntu ukekwaho kwiba amafaranga ari inshuti y’ uwo yibye kuko yari yaramufashije kuzuza impapuro zisaba inguzanyo. Akimenya ko inguzanyo nyiri konti yayihawe nibwo yagiye kuri Koperative Umwarimu SACCO abikuzaho ayo mafaranga.

Umuvugizi w’ Urwego rw’ Igihugu rw’ Ubugenzacyaha Mbabazi Modeste yatangarije UKWEZI ko uwo mwarimu akurikiranyweho ibyaha birimo kwihesha ikintu cy’ undi hakoreshejwe uburiganya n’ ubujura.

Yagize ati “Harimo ibintu bibiri dutekereza: icyaha cyo kwihesha ikintu cy’ undi hakoreshejwe uburiganya hanyuma n’ icyaha cy’ ubujura”.

RIB ivuga ko ikiri gukora iperereza ngo imenye niba uyu mwarimu ukekwaho kwiba amafaranga ya mugenzi we atarabifashijwemo n’ abakozi ba Koperative umwarimu SACCO.

Uyu mwarimu wabikuje amafaranga kuri konti ya mugenzi we yo mu mwarimu SACCO kuri uyu wa 11 Kamena 2019, yarafashwe afungiye kuri RIB Sitasiyo ya Byimana.


INKURU ZA :
Tanga Igitekerezo
Ibitekerezo 6
camarade Kuya 14-06-2019

Ahubwo se uwo we abona sms binyuze mu zihe nzira ko mperuka zarahagaritswe?

Bobo Kuya 12-06-2019

Ntamakuru mufite iyo chek yayimusinyiye kuko yari yamwigiyumushinga yimuhinduka bunvikana kwazayabikuza nagera kuri bank

Pauline Turikumwe Kuya 12-06-2019

Noneko umwarimu sacco utagitanga message mugihe umuntu amaze kubikuza amakosa nkayo Turaza tuyabwirwa Niki? Ndihano igicumbi mutubarize icyabiteye kugirango message zihagarare .

Pauline Turikumwe Kuya 12-06-2019

Noneko umwarimu sacco utagitanga message mugihe umuntu amaze kubikuza amakosa nkayo Turaza tuyabwirwa Niki? Ndihano igicumbi mutubarize icyabiteye kugirango message zihagarare .

sacco Kuya 12-06-2019

Hariya harimo ubufatanyacyaha hagati y’uwo mwalimu n’umukozi wamuhaye service! RIB ikore iperereza irebe aho ukuri kuri

RUTO Kuya 12-06-2019

NIZERE KO ATARI EUGENE WAR I WISHWE NINYOTA AGAKORA AYO MAHANO.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...