AMAKURU

UKWEZI

Rusizi: Gitifu bivugwa ko yari yasinze yagonze uwari wambariye abageni ahita apfa

Rusizi: Gitifu bivugwa ko yari yasinze yagonze uwari wambariye abageni ahita apfa
7-05-2018 saa 14:18' | By Akayezu Jean de Dieu | Yasomwe n'abantu 9313 | Ibitekerezo 5

Habiyaremye Janvier, Umunyamabanga Nshingwabikorwa w’Umurenge wa Giheke mu karere ka Rusizi, Intara y’Uburengerazuba aravugwaho gutwara imodoka yasinze akagonga umusore wari wambariye mugenzi we wari wakoze ubukwe mu mpera z’Icyumweru gishize.

Uyu musore wagonzwe na Gitifu yitwa Harindintwari Evarde ,uyu muyobozi yamugonze kuwa Gatandatu w’Icyumweru gishize tariki 5 Gicurasi 2018. Yagongewe hafi y’ibitaro bya Gihundwe ari naho yahise ajyanwa ngo yitabweho n’abaganga.

Harindintwari ukomoka mu murenge wa Nkombo nawo wo muri aka karere ka Rusizi asanzwe ari umwarimu kuri Groupe Scolaire Ishywa mu murenge wa Nkombo.

Abaturage bavuga ko babonye kuva kare uyu Gitifu yasomye ku gasembuye harimo bamwe bahamya ko yari yanasinze ku buryo mu gutwara imodoka yasinze aribyo byatumye agonga uyu musore ukomoka ku Nkombo.

Harindintwari wapfuye azize impanuka/Ifoto:Interineti

Kuri ubu Gitifu Biziyaremye Janvier yahise atabwa muri yombi akimara kugonga uyu muturage ndetse akaba acumbikiwe na Polisi yo muri kariya karere mu rwego rwo kugira ngo hakorwe iperereza ku cyatumye akora iyi mpanuka.

Umuyobozi w’akarere ka Rusizi, Harelimana Frederic yahamirije Ukwezi.com koko ko uyu Gitifu yakoze impanuka ndetse uwo yagonze agahita yitaba Imana, gusa nk’ubuyobobozi ngo ntabwo bakwemeza niba koko uyu gitifu yari yasinze bikaba bizemezwa n’urwego rwa Polisi rushinzwe umutekano wo mu muhanda ari narwo ruri gukora iperereza.

Meya Frederick kandi yakomeje avuga ko kuri ubu Gitifu Janvier atari mu kazi aho ari kubazwa na Polisi mu rwego rwo gukorwaho iperereza kuri iyi mpanuka yahitanye umuntu


INKURU ZA :
Tanga Igitekerezo
Ibitekerezo 5
Bebe Kuya 9-05-2018

yooo uno muhungu.Imana imwacyire pee.umuryango we ukomeze kwihangana

Sibomana Ezechiel Kuya 9-05-2018

Uyu nyakubahwa Gitifu Janvier Twamubonye yasomye inzoga koko ahitwa Ku cyampa i kamembe mukabari kuwo bahimba Kanzungu. Gusindako yari yasinze kuko yatangiye agonga izindi modoka zari ziparitse aho yagiriwe inama nabenshi ngo ashake uwamucyura arananira ninabwo yahise akora iyo mpanuka bitewe nisindwe

Sibomana Ezechiel Kuya 9-05-2018

Uyu nyakubahwa Gitifu Janvier Twamubonye yasomye inzoga koko ahitwa Ku cyampa i kamembe mukabari kuwo bahimba Kanzungu. Gusindako yari yasinze kuko yatangiye agonga izindi modoka zari ziparitse aho yagiriwe inama nabenshi ngo ashake uwamucyura arananira ninabwo yahise akora iyo mpanuka bitewe nisindwe

Fils Kuya 8-05-2018

No gutwara wasinze ( byongeye nk’ umuyobozi) naryo ni icyaha gihanwa n’ amategeko, akurikiranwe kuko abaye aribyo yaba yararengereye.

kabera erneste Kuya 7-05-2018

ariko rero nimba atarapfuye akimugonga agapfira kwamuganga ntago yakagombye kuba afunze yakabaye akurikiranywe arihanze ,ashake umwunganira mumategeko kuko haricyo itegeko riteganya.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...