konka coffee
KONKA

AMAKURU

UKWEZI

Rusizi: Umugabo wasambanyaga abana be 2 ari gushakishwa

 Rusizi: Umugabo wasambanyaga abana be 2 ari gushakishwa
3-10-2018 saa 12:46' | By Vincent Nsengiyumva | Yasomwe n'abantu 6548 | Ibitekerezo 5

Umugabo witwa Murwanashyaka Gaspard utuye mu Kagali ka Kirenge mu Murenge wa Nzahaha mu Karere ka Rusizi akekwaho gusambanya abana be babiri b’abakobwa mu bihe bitandukanye, akabanabangiza imyanya ndangagitsina.

Murwanashyaka Gaspard yari asanzwe akora akazi ko gutwara abagenzi mu modoka ya Taxi Voiture, ari gushakishwa n’inzego z’umutekano nyuma y’uko hamenyekanye amakuru y’uko yajyaga asambanya abana be babiri b’abakobwa , umwe w’imyaka 11 undi afite imyaka 8.

Aba bana bombi biyemerera ko basambanyijwe na Se ubabyara igihe kitari gito, batangarije TV1 dukesha iyi nkuru ko yakundaga kubasambanya iyo yatahaga yasinze.

Bavuga ko Se yatangiye kubakorera ayo mahano nko mu mezi 8 ashize, ubwo bari basigaranye nawe mu rugo nyina yajyanwe mu bitaro kubyara.

Bakomeza bavuga ko ubwo se yamaraga kubasambanyaga, ngo yabihanangirizaga ababwira ko nibaramuka babivuze azabica.

Umwe w’imyaka 11 ubyarwa n’umugore wa mbere wa Gaspard yahoraga abwira mukase ko se ajya abasambanya maze akabitera utwatsi yibwira ko ari ugushaka kubateranya.

Mu ijoro ryo ku wa 30 Nzeri nibwo uyu mugore yafatiye mu cyuho umugabo we, ari gusambanya aba bana, abonye ko afashwe ahita atoroka kugeza magingo aya akaba ataraboneka.

Umugore ati “Mu ijoro ryo ku Cyumweru nibwo nasanze ari kubasambanya. Akimbona yabaye nk’unyikanze ngira ngo ninjire ahita amfata ashaka kumfungirana mu cyumba turagundagurana nuko ahita atoroka. Nabaye nk’ukubiswe n’inkuba.”

Aba bana bahise bajyanwa ku kigo nderabuzima cya Islamic Bugarama, aho ibizamini by’abaganga byagaragaje ko bafashwe ku ngufu ndetse bakanakomeretswa mu myanya ndangagitsina.

Umuvugizi w’Ubugenzacyaha mu Rwanda (RIB) Mbabazi Modeste yavuze ko uyu mugore yatanze ikirego umugabo we yamaze gutoroka, gusa ngo akaba ari gushakishwa kugira ngo ashyikirizwe ubutabera.


INKURU ZA :
Tanga Igitekerezo
Ibitekerezo 5
Mutabazi Kuya 8-10-2018

Birababajebiteye Agahirinagahinda Abanabekweriahaaaa!!!Imanaimwerekane

Elie Kuya 6-10-2018

Ni ikibazo gikomeye cyane ariko Uwiteka ahindure uyu mugabo amwereke inzira akwiye kunyuramo kuko ntabwo ari munzira nziza

maritation Kuya 4-10-2018

NI AGAHOMAMUNWA. AFITE N’UMUGORE?

-xxxx- Kuya 3-10-2018

uyu mugabo ni inkozi yibibi bamushake abiryozwe

Sezikeye Kuya 3-10-2018

Aya ni amahano.Binyibukije inkuru ya Bible ivuga ko igihe LOTI n’abakobwa be 2 bahungaga umujyi wa SODOMA,Loti yarasinze aryamana n’abakobwa be abatera inda.Gusa tujye twibuka ko Imana yaduhaye sex kugirango tuyihe umuntu umwe gusa tuzabana binyuze mu mategeko.Millions and millions z’abantu basambana,ntabwo bemera ko ari icyaha kizatuma batabona ubuzima bw’iteka muli paradizo dutegereje.Ntacyo bimaze kwishimisha akanya gato,hanyuma ukazabura ubuzima bw’iteka muli Paradizo kandi ntuzazuke ku Munsi w’Imperuka.Nukugira ibitekerezo bigufi cyane.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...