konka coffee
KONKA

AMAKURU

UKWEZI

Rusizi: Umwana wiga mu mashuri abanza yatewe inda n’uwamushukishije igiceri cy’ijana

Rusizi: Umwana wiga mu mashuri abanza yatewe inda n’uwamushukishije igiceri cy’ijana
1-06-2018 saa 12:56' | By Akayezu Jean de Dieu | Yasomwe n'abantu 5597 | Ibitekerezo 1

Umwana w’umukobwa wigaga mu mwaka wa kabiri w’amashuri abanza mu ishuri riherereye mu kagari ka Ryankana, umu murenge wa Bugarama mu karere ka Rusizi ho mu Ntara y’Uburengerazuba atwite inda y’amezi atatu yatewe n’umusore wamushukishije igiceri cy’amafaranga ijana y’u Rwanda

Uyu mwana avuga ko yatewe inda n’umusore w’imyaka 23 amushukishije igiceri cy’amafaranga ijana,yigaga mu mwaka wa kabiri w’amashuri abanza,ku kigo cya Ryankana kuri muri uyu murenge wa Bugarama.

Uyu mwana kuri ubu iyi nda atwite ifite amezi 3 nkuko byemejwe n’abaganga ubwo ababyeyi be baheruka kujya kumupimisha mu bitaro bya Mibirizi.

Umubyeyi w’uyu mwana wakorewe aya mahano yabwiye TV1 ko umwana we yatangiye ishuri atinze kubera ikibazo cy’amikoro bityo bituma atangira ishuri afite imyaka 13 aza guterwa inda ageze mu wa kabiri agejeje imyaka 15 y’amavuko.

Uyu mubyeyi akomeza avuga ko kubera guhora abyuka ajya gushaka amaramuko ngo atigeze amenya ko umwana we atwite gusa ngo yagiye abyumvana abaturanyi nyuma ni bwo yaje kumubaza umwana amubwira ko hari umusore wamusambanyije nyuma biza kwemezwa n’abaganga nyuma yo kumusuzuma.

Avuga ko yahise abimenyesha inzego z’ubuyobozi ariko ababyeyi b’umusore wasambanyije uwo mwana baza ku musaba ko bagirana ibiganiro maze bakazinzika ibyabaye mu rwego rwo kurengera umuhungu wabo ngo adafungwa.

Umuyobozi w’akarere ka Rusizi wungirije ushinzwe imibereho myiza y’abaturage Nsigaye Emmanuel, yabiye TV1 ko iyo umubyeyi abonye umwana we yahohotewe maze uwamuhohoteye akamwihererana icyaha bakakizinzika ngo iyo bimenyekanye uyu mubyeyi amategeko amuhana nk’uwakoze ubufatanyacyaha.

Uyu muyobozi yakomeje avuga ko bagiye kumujyana ku kigo gishinzwe gufasha abahohotewe kizwi nka "Isange One stop center " kugira ngo abashe kwitabwaho ndetse banamufashe mu buryo bw’amategeko kugira ngo uwamuteye iyo nda azabiryozwe.

Imibare itangwa n’ubuyobozi bw’aka karere ka Rusizi igaragaza ko kuva uyu mwaka wa 2018 watangira abana 156 bari munsi y’imyaka 18 bamaze guterwa inda z’imburagihe.

Mu mwaka 2016, Minsiteri y’uburinganire n’iterambere ry’umuryango yatangaje ko abana basaga ibihumbi cumi na birindwi na magana atanu aribo batewe bene izo nda bikabaviramo guta amashuri.


INKURU ZA :
Tanga Igitekerezo
Ibitekerezo 1
jaja Kuya 2-06-2018

akarere se ko udukobwa twahotwinshi konabonye dukunda ibintu cyane hari nabajya kumuhanda nijoro bagiye gishakaabagabo bafiteimyaka 14

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...