konka coffee
KONKA

AMAKURU

UKWEZI

Rusizi: Yagiye mu musarani gukuramo ikofi , akurwamo nyuma y’ iminsi 3 yarapfuye

Rusizi: Yagiye mu musarani gukuramo ikofi , akurwamo nyuma y’ iminsi 3 yarapfuye
9-08-2018 saa 09:42' | By Vincent Nsengiyumva | Yasomwe n'abantu 5776 | Ibitekerezo 5

Umugabo witwa Hategekimana Vincent w’imyaka 40 wo mu mudugudu wa Bitaba, akagari ka Gasayo mu murenge wa Gashonga mu karere ka Rusizi, yagiye mu musarani wa metero 25 akurikiranyeyo kofi yari yaguyemo, akurwamo nyuma y’iminsi itatu yarapfuye.

Hategekimana Vincent yaguye muri uyu musarani wa metero 25 z’ubujyakuzimu kuwa mbere tariki ya 6 Kanama 2018 ahagana saa tanu z’amanywa, nyuma yo kumvikana n’umusore ko we na bagenzi be babiri nibaramuka bamukuriyemo ibyangombwa bye byari byatakayemo ari bubishyure amafaranga ibihumbi 30 by’amafaranga y’u Rwanda.

Uyu mugabo wari wahawe ikiraka n’uwitwa Irabaruta Jean Damascene cyo kumukuriramo iyo kofi yarimo ibyangombwa bye, ngo yafashe umugozi atangira kumanukira muri uwo musarani, aza kugera igihe abura umwuka, ahita arekura wa mugozi, bagenzi be bari bafatanyije icyo kiraka bumvise aguyemo bahita bihutira kujya gutabaza.

Umunyamabanga Nshingwabikorwa w’umurenge wa Gashonga, Nyirazaninka Antoinette, avuga ko batabajwe nk’ubuyobozi bw’umurenge, bagerageza gushaka icyo bamufasha kugeza n’ubwo bashatse imashini nini ikora umuhanda kugira ngo abe yakurwamo.

Abaturaniye n’aha nyakwigendera Vincent yaguye, bavuga ko n’ubundi ngo ku Cyumweru yari yagerageje kujya muri uwo musarani, ngo ageze hagati abura umwuka avamo igitaraganya. Ngo ku wa mbere yaje kongera gusubiramo ari nabwo ibye byahise birangira.

Umunyamabanga Nshingwabikorwa w’akagari ka Kabakobwa ibi byabereyemo, Mukankuranga Odette, avuga ko uwari watanze ikiraka witwa Irabaruta Jean Damascène wari usanzwe ari Veterineri kimwe n’abagabo babiri bari bafatanyije na nyakwigendera Vincent ikiraka, ngo bahise baburirwa irengero aho kugeza na n’ubu bataraboneka.

Kuri uyu wa Gatatu tariki ya 8 Kanama 2018, nibwo inzego zishinzwe umutekano muri uyu murenge wa Gashonga, abayobozi ndetse n’abaturage babashije gukura umurambo wa Hategekimana Vincent muri uyu musarani yari amazemo iminsi 3 yose .

Hategekimana Vincent wari utunzwe no kugenda ashakisha aho atera ibiraka kugira ngo abone igitunga umuryango, asize umugore n’abana 5 .


INKURU ZA :
Tanga Igitekerezo
Ibitekerezo 5
Prince Kuya 11-08-2018

Imana imwakire kd abasigaye bihangane!

Benoit Kuya 11-08-2018

Umuryango was nyakwigendera niwihangane. Naho nyiri umusarani in ikigwali. Let’s yagombye gutanga amabwiriza arebana n’imiterere y’imisarani ku birebana n’ubujyakuzimu bw’umwobo. Abaturage bakabwirwa ubujyakuzimu batagomba kurenza. Kuko so ubwa mbere impanuka nk’iriya iba. Ubundi bitewe n’ahantu, hasi ya metero 6 umwuka wa oxygen ugenda uba muke.
Ikindi, uriya veterineri azashakishwe kuko ari ikigwali. Gutoroka so cyo gisubizo.

sinzi Kuya 9-08-2018

Reka gusebanya ushingiye Ku karere .Ifaranga ni nde uryanga?

sinzi Kuya 9-08-2018

Reka gusebanya ushingiye Ku karere .Ifaranga ni nde uryanga?

Kamanzi Kuya 9-08-2018

Barabivuze abanyacyangugu n ifaranga! !!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...