konka coffee
KONKA

AMAKURU

UKWEZI
Minijust

Umubyeyi w’ umukinnyi uri muri Tour du Rwanda ngo yakoze impanuka arapfa arazuka

Umubyeyi w’ umukinnyi uri muri Tour du Rwanda ngo yakoze impanuka arapfa arazuka
1-03-2019 saa 21:04' | By Nsanzimana Ernest | Yasomwe n'abantu 5286 | Ibitekerezo 2

Hakiruwizeye Samuel uri muri Tour du Rwanda ya 2019, igeze kuri Etape ya 6, Umubyeyi we yavuze ko nawe ari umunyabigwi mu gutwara igare. Ngo yigeze gusiga abandi iminota 14 n’ amasegonda 45, ariko ngo yigeze no gukora impanuka arapfa bamusabira morgue baziko byarangiye, nyuma aza kuzanzamuka. Ubu ariho ni umunyabigwi muri Cinema Nyarwanda.

Niba wibuka ko waba wararebye filime Nyarwanda yitwa ‘Amarira y’ Urukundo, irimo umukobwa witwa Fabiola’, uranibuka umusaza witwa Dialo wakinnye ari se wa Fabiola muri iyo filime, niwe se wa Hakiruwizeye Samuel.

Uyu musaza kuri ubu agize imyaka 51 y’ amavuko, atuye i Kigali yitwa Musabyimana Charles. Mu bitangaje kuri we harimo kuba yarapfuye inshuro ebyiri akazuka inshuro ebyiri.

Charles ngo yamenye ubwenge bamubwira ko ari umwana yigeze gupfa akazuka kubera imibereho mibi n’ ubukene yabanagamo na nyina. Ikimenyetso cyabyo ngo ni ijisho ry’ iburyo rye, ni rito ugereranyije n’ iry’ibumoso. Yagize ati “Byatewe n’ uko ariwo musaya nari ndyamiye uruhande rumwe rwaraboze”


Musabyimana Charles(Dialo) wakoze impanuka mu isiganwa ry’ amagare agapfa akongera akazuka

Musabyimana Charles (Dialo) yavukiye mu karere ka Gisagara mu 1958. Atangira gusiganwa ku magare 1996 (aha ni nyuma y’ umwaka umwe Samuel avutse).

Ati “Nsangamo abitwa Mparabanyi Faustin, nsangamo abitwa Muzehe Bernard, abitwa ba Mugabo, ba Munyawera ba Alphonse, ba Ngwijabanzi Felicien, n’ abitwa ba Francois wo ku Gitikinyoni hariya ariko mba umuhanga kubarusha” – niko yabwiye Inyarwanda.

Mu 1999, uyu musaza avuga ko yasohokeye u Rwanda , akajya gusiganwa ku igare muri Afurika y’ Epfo, bakamuha amadorari 1000, akaza akimura umuryango. Icyo gihe yari agize abana babiri aribo uwo avuga ko ari Hakiruwizeye Samuel na Nshimiyimana Amina. Muri uwo mwaka ngo nibwo bimukiye mu karere ka Huye bavuye Gisagara.

Uko yatoje Hakiruwizeye Samuel

Ari umwana afite imyaka 3, igare rya mbere yanyonze ninjye warimuguriye ryareshyaga nka santimetero 60 nariguze hariya mu Biryogo kwa Siriyake, ntangira kumufatira ari akana aryiga. Amaze kugira nk’ imyaka 12 mugurira irirerire rinini, amaze kugira nk’ imyaka 14 mugurira irya velo de montagne rya kake.

Uko Dialo yize gusiganwa ku igare, n’ uko ryaje kumugusha agapfa akazuka

Uyu musaza avuga ko yari afite akagare ka Muserebende katagira vitensi, akajya ava I Butare ku nzu Mberabyombi, akajya ku Kanyaru, ngo icyo gihe abari bamenyereye uyu mukino bahakoreshaga iminota 57,cyangwa n’ umunani, we atangira ahakoresha isaha kandi akoresha igare ridafite ubushobozi nk’ amagare akoreshwa mu masiganwa.

Ati “Nkavuga nti uwampa igare rya vitensi nanjye nahakoresha iminota 57, cyangwa n’ umunani. Ubwo mba ntangiye gukundwa n’ abantu Abanyabutare,!..Kuruse ya mbere nari nasaze, nageraga hano mu Gakinjiro manuka hano imbere ya gereza, uwa kabiri ari ku Kidirishya. Nasaze induru zavuze, bati ese yanyweye urumogi!? Kuko uwa kabiri namusize iminota 14 n’ amasagonda 45”

Muri 2001, Dialo yakoze impanuka ikomeye asohotse mu ishyamba rya Nyungwe ari uwa Mbere, asiga iminota 5 abo bari kumwe mu isiganwa.

Yagize ati “Maze gusohoka ishyamba rya Nyungwe ndeba hakurya mu Gasarenda, mu makoni yaho ndibeshya mba mfashe feri mfata iyi imbere igare rindenza umuhanda… ku bitaro bya Kigeme nshiramo umwuka, ba Rutayise na ba Karemera banjyana I Butare ku nsabira morgue. Ariko mpageze dogiteri witwa Karengari aravuga ati amaze igihe kingana iki apfuye bati isaha, ati ‘ntabwo twahita tumushyira muri morgue reka tube turetse,”

Akomeza agira ati “Anjyana mu cyumba anshyiraho bya byuma byongera umwuka, antera amaserumu byari saa saba. Aravuga ati mugaruke nka saa kumi n’ imwe turebe. Bagarutse saa kumi n’ imwe basanga natangiye kujya muri koma, nsakuza kubera cya kindi kinyongerera umwuka”

Avuga ko bamufashe ikizami cyo m’uruti rw’ umugongo, bakamubwira ko ubwonko bwavuye mu gitereko. Ngo bamubwiye ko azongera kugarura ubwenge neza nyuma y’ imyaka 10.

Dialo avuga ko nyuma y’ umwaka umwe yibagirwaga mu kanya gato, ku buryo yajyaga abaza umugore we ati ‘wa muntu we uri nde?’.

Uyu munsi, tariki 1 Werurwe Tour du Rwanda yatangiranye n’ abarimo Musabyimana Charles (Dialo), yateye imbere ndetse iherutse gushyirwa ku rwego rwisumbuye. Yavuye kuri 2,3 ishyirwa kuri 2,1.

Kuva Tour du Rwanda yashyirwa kuri 2,1 nta Munyarwanda uratwara etape kugeza uyu munsi. Dialo ati “Niyo mpamvu tugomba gushaka amashuri yigisha amagare naho ubundi twahora duntsindwa”. Niko uyu musaza wemeza ko abatangije amagare mu Rwanda uyu munsi badahabwa ibiraka, yavuze.


INKURU ZA :
Tanga Igitekerezo
Ibitekerezo 2
karamaga Kuya 3-03-2019

Harya ubwo umuntu wavutse mu 1958 afite imyaka 51 ra ???

Natasha Kuya 2-03-2019

Iki gisaza cyahaye umwana amahoro. Kirirwa gisebya amwana wacyo na nyina. Jye numvise interview yacyo kintera umujinya.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...