konka coffee
KONKA

AMAKURU

UKWEZI
Minijust

Sebeya yitaweho ingo 4000 zacanirwa n’ amazi ntiyongere kubura

Sebeya yitaweho ingo 4000 zacanirwa n’ amazi ntiyongere kubura
14-03-2019 saa 17:51' | By Nsanzimana Ernest | Yasomwe n'abantu 1115 | Ibitekerezo

Uruganda rukora amazi rwa Gihira mu karere ka Rubavu ruhomba amafaranga y’ u Rwanda arenga miliyoni 10 kubera isayo yo mu mugezi wa Sebeya. Iyi sayo ihagarika imirimo y’ uruganda rukora amashanyarazi rwa Gisenyi amasaha arenga 40 buri kwezi.

Amazi y’ umugezi wa Sebeya asa n’ ay’ umugezi wa Nyabarongo. Iyi sura ikomoka ku kuba imisozi y’ u Rwanda itabungabunzwe uko bikwiye aribyo bituma itaka ritwarwa n’ isuri rikajya guhindanya amazi y’ iyi migezi.

Umugezi wa Sebeya ukomatanya amazi yo mu turere twa Rubavu, Rutsiro na Ngororero. Kuba aya amazi aba yivanze n’ itaka rituruka ku misozi yo muri utu turere bihombya inganda n’ abagenerwabikorwa bazo aribo baturage.



Umuyobozi w’ Uruganda rwa GihiraNshimyumuremyi Theonetse

Umuyobozi w’ uruganda rw’ amazi rwa Gihira Nshimyumuremyi Theonetse yavuze ko bahomba arenga miliyoni 10 kubera ko amazi ya Sebeya arimo ibyondo.

Yagize ati “Nko mu bihe by’ imvura aho twakagombye gukoresha miliyoni 10 mu kugura imiti twakoresheje miliyoni 20… Imiti twakoresheje iriyongera amazi twacuruje akaba makeya”

Nshimyumuremyi akomeza avuga ko uretse iki gihombo mu mafaranga hari n’ igihombo ku baturage kuko iyo imvura yaguye ari myinshi uruganda ruhagarika imirimo amasaha atanu kubera ko isayo/ibyondo biba byabaye byinshi muri Sebeya.

Iyo imirimo y’ uruganda rw’ amazi ihagaze amasaha atanu abaturage batuye umujyi wa Rubavu n’ uruganda rwa Bralirwa babura amazi amasaha 6 kuko mu bigega by’ uruganda aba yagabanutsemo.

Uru ruganda ruherereye mu karere ka Rubavu , rutunganya amazi y’ umugezi wa Sebeya n’ amazi y’ umugezi wa Pfunda. Umugezi wa Pfunda amazi yawo ntabwo aba afite isayo ryinshi kuko imisozi aturukamo iteyeho amashyamba n’ ibyatsi byinshi.

Uru ruganda rufata isaha yo guhararika imirimo buri munsi kugira ngo rubanze rumene isayo iba yavuye mu mazi rwatunganyije.

Serugendo Maurice, Umuyobozi w’ uruganda rw’ amashanyarazi rwa Gisenyi ruyakora rwifashishije amazi ya Sebeya avuga ko kubera isayo yo muri uyu mugezi buri munsi bahagarika akazi isaha imwe bagakuramo isayo, hanyuma no mu kwezi bakazafata umunsi umwe bakamara amasaha icyenda bakura isayo mu mashini zabo.

Avuga ko biteza igihombo kuko ku kwezi amasaha bamara bahagaritse akazi kubera isayo yakorwamo umuriro ugana na kwh 66 300 ufite ubushobozi bwo gucanira ingo 4 143.

Serugendo akomeza agira ati “Icyakorwa habaho uburyo bwo kurwanya isuri, abaturage bakareka guhinga iruhande rw’ umugezi kuko iyo imvura ije ihita imanurira bya bitaka mu mazi”

Ntirivamunda Consolée wo mu murenge wa Kanama akagari ka Nkomane avuga ko ku misozi batuyeho haba amasuri menshi.

Ati “Hano haba amasuri menshi. Ingaruka ni uko imisozi ikushumuka yaba ari nk’ ayo mazu akaba yagenda. Urabona nk’ aha ni amasuri yamanutse uyu muhanda uracika”

Ikigo cy’ igihugu gishinzwe amazi n’ amashyamba RWFA, gifatanyije n’ umushinga Water for people cyafashije abaturage bo mu murenge wa Kanama mu karere ka Rubavu gutunganya imisozi kugira ngo isuri ijya muri Sebeya igabanuke.

Uyu mushinga wafashije abaturage ubacira amatarasi y’ indinganire, ubafasha gutera mu mirima yabo ibiti bivangwa n’ imyaka ndetse batera mu mikoki ibiti bifata ubutaka ntibukomeze kugenda.

Ntirivamunda akomeza agira ati “Aho baciriye amatarasi amazi aca mu miyoboro bayahaye.”



Uburyo bwo gufata ubutaka mu mikoki ngo budakomeza gutwarwa n’ amazi

Tetero Francois Xavier, Umuyobozi ushinzwe amazi muri RWFA avuga ko Leta y’ u Rwanda yafashe icyemezo cyo kujya irwanya isuri n’ imyuzure ahantu hamwe ikahava iki kibazo gikemutse burundu bakabona gukomereza ahandi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...