AMAKURU

UKWEZI
ubumwe

Senateri Bishagara Kagoyire Thérèse arashyingurwa

Senateri Bishagara Kagoyire Thérèse arashyingurwa
19-07-2019 saa 08:18' | By Nsanzimana Ernest | Yasomwe n'abantu 2343 | Ibitekerezo

Sena y’ u Rwanda yatangaje ko kuri uyu wa Gatanu tariki 19 Nyakanga aribwo hateganyije umuhango wo gushyingura Senateri Bishagara Kagoyire Thérèse waguye muri Leta zunze ubumwe za Amerika mu minsi ishize.

Senateri Kagoyire yitabye Imana tariki 8 Nyakanga aguye mu bitaro mu bitaro bya John Hopkins biri muri Baltimore mu Mujyi wa Maryland muri Leta Zunze Ubumwe za Amerika aho yivurizaga.

Urupfu rwe rwatangajwe na Perezida wa Sena, Bernard Makuza, mu itangazo yasohoye mu izina ry’Inteko Ishinga Amategeko by’umwihariko Umutwe wa Sena.

Umurambo wa Nyakwigendera Senateri Kagoyire wagejejwe mu Rwanda tariki 16 Nyakanga 2019 wakirwa n’ inshuti n’ abavandimwe be.

Gahunda yo gushyingura nyakwigendera ifite ibice bibiri, kimwe kiba ari icy’umuryango n’abavandimwe nk’uko bisanzwe mu muco nyarwanda ariko hari n’imihango ibera muri Sena yo kugira ngo asezerweho mu mirimo yari ashinzwe mu buryo bwemewe.

Abazi nyakwigendera Bishagara bavuga ko yari umubyeyi ukunda umurimo cyane, kandi akarangwa n’ ubwitonzi n’ ubushishozi mu byo akora byose.

Senateri Bishagara yari umwe mu bagize Inteko ishinga amategeko umutwe wa Sena. Yari umwe mu bagize Komisiyo ya Sena y’ Ububanyi n’ amahanga, ubutwererane n’ umutekano.

Nyuma yo gusezerwaho bwa nyuma Senateri Bishagara Kagoyire Therese arashyingurwa mu irimbi rwa Rusororo mu karere ka Gasabo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...