AMAKURU

UKWEZI

U Rwanda rugiye kujya rwamamazwa n’ikipe ya Arsenal

U Rwanda rugiye kujya rwamamazwa n’ikipe ya Arsenal
23-05-2018 saa 09:42' | By Vincent Nsengiyumva | Yasomwe n'abantu 4946 | Ibitekerezo 10

Urwego rw’Igihugu rushinzwe Iterambere (RDB) rwakoze ibintu bidasanzwe, aho rwagiranye amasezerano n’ikipe ya Arsenal yo mu Bwongereza, aho iyi kipe izajya imenyekanisha u Rwanda nk’igihugu cyateye imbere mu bijyanye n’ubukerarugendo.

Iyi kipe yasinyanye n’u Rwanda amasezerano y’ubufatanye azamara imyaka itatu, aho izashyira ikirango cy’u Rwanda ku maboko y’imyenda yayo yose bambara mu gihe barimo gukina.

Iyi kipe y’igihangane mu gihugu cy’Ubwongereza yasohoye itangazo ribivuga ko ayo masezerano yasinywe binyuze mu kigo cya RDB kizwi nka Rwanda Convention Bureau giteza imbere iby’ubukerarugendo .

Ayo masezerano y’imyaka itatu y’ubufatanye hagati y’igihugu cy’uu Rwanda ndetse n’iyi kipe y’igihangange , avuga ko iyi kipe izashyira amagambo agira ati ‘Visit Rwanda’[Sura u Rwanda ] azagaragaraku kuboko kw’ibumoso ku myenda yose y’ikipe ya Arsenal.

Urubuga rw’ikipe ya Alsenal kandi rugaragaza ko aya masezerano yagiye ahagaragara ku wa Kabiri tariki 22 Gicurasi 2018, nyuma y’uko iyi Kipe imuritse imyenda yanditseho ngo ‘Visit Rwanda’, ikaba yanamaze kwemeza ko imyenda yanditseho aya magambo izatangira kwambarwa mu mikino ya Shampiyona y’umwaka utaha.

Umuyobozi ushinzwe ubucuruzi muri Arsenal, Vinai Venkatesham, yavuze ko aya masezerano bagiranye n’u Rwanda azagira akamaro impande zombi ariko by’umwihariko ubu bufatanye buzakomeza gushimangira icyerekezo cy’u Rwanda mu guteza imbere ubukerarugendo.

Yanavuze ko aya ubu bufatanye buzatuma abantu benshi bakunda Arsenal bari mu bice bitandukanye byo ku Isi barushaho kumenya igihugu cy’u Rwanda.

Yagize ati “Iki gihugu cyateye imbere mu myaka mike ishize, ku buryo aya masezerano azafasha abantu benshi bakurikirana Arsenal bakarushaho kumenya iki gihugu kandi bitange umusaruro. Natwe twishimiye gukorana n’iki gihugu muri ‘Sura u Rwanda’ mu rwego rwo gushyigikira iki gihugu kiyoboye mu bijyanye n’ubukerarugendo.”

Umuyobozi Mukuru w’Ikigo cy’Igihugu cy’Iterambere,RDB, Clare Akamanzi yavuze ko ari iby’agaciro gakomeye ku Rwanda gukorana n’ikipe iri mu zikunzwe ku Isi nka Arsenal mu kumenyekanisha ibyiza by’u Rwanda.

Ati “ Tugiye gukangurira abantu gusura u Rwanda binyuze muri ‘Visit Rwanda’ [Sura u Rwanda] maze bamenye impamvu turi ku mwanya wa Kabiri mu bihugu bya Afurika biri kuzamuka cyane mu iterambere. Abashora imari mu Rwanda bashobora kwandikisha imishinga yabo mu masaha atandatu gusa maze bakabyaza umusaruro amasezerano y’isoko rihuriwero riherutse kwemezwa n’ibihugu 50 biri ku mugabane wa Afurika.”

Muri iri tangazo riri ku rubuga rwa Arsenal kandi, isobanura ko muri iyi mikoranire abakinnyi b’ikipe ya Arsenal y’abagabo n’iy’abagore bazasura u Rwanda maze batangize ibikorwa byo kuzamura umupira w’amaguru mu Rwanda.

U Rwanda ruri ku isonga mu bihugu bimaze guteza imbere mu buryo budashidikanwaho mu by’ubukerarugendo, ku buryo ruri ku mwanya wa mbere mu bihugu bifite ibikorwa bikurura abantu.

Mesut Ozil, Alexandre Lacazette na Pierre-Emerick Aubameyang nibo bagaragaye ku mafoto y’itangazwa ry’ubu bufatanye


INKURU ZA :
Tanga Igitekerezo
Ibitekerezo 10
Masumbuko Kuya 30-05-2018

Come and see yabaye ho ngo impunzi zose zizataha none yibagiranye impunzi zose zikibereye hanze. Harya ubu nta mpunzi z abanyarwanda zikiba hanze? Nikuriya cash y’igihugu isohoka mukirirwa muvuza induru. Muzumve bavuga n umubare wayo! Ngo dufite abadepite uzumve hari n umwe uziko byagenze !EVODE YAVUZE UKURI! !@

Masumbuko Kuya 30-05-2018

Come and see yabaye ho ngo impunzi zose zizataha none yibagiranye impunzi zose zikibereye hanze. Harya ubu nta mpunzi z abanyarwanda zikiba hanze? Nikuriya cash y’igihugu isohoka mukirirwa muvuza induru. Muzumve bavuga n umubare wayo! Ngo dufite abadepite uzumve hari n umwe uziko byagenze !EVODE YAVUZE UKURI! !@

Kamanzi Kuya 23-05-2018

Ko kwamaza muri ariya makipe bihenze ntituzabihomberamo tukazasanga n imisoro yacu igendeyemo?ntimwatubwiye ayo u Rwanda ruzajya rwishyura ku mwaka ariko ntiyajya hasi ya million 10US,none ayo turayabona?niba tukabona se nibo tuzajya dukorera?

Rwandan Kuya 23-05-2018

Arsenal yamamaza u Rwanda kandi ni byiza.

Muvunyi Kuya 23-05-2018

Ni mpamvuki birinze kuvuga amafaranga azajya atangwa buri mwaka?Ni uko bigomba kuba biteye isoni

Bimenyimana olivier Kuya 23-05-2018

Noec urabona urwanda arirworwambaye arisenal? cg arsenal niyo yambaye urda

Mutima Kuya 23-05-2018

nimufuobanurire I urwanda rwamamaza cg arsenal??!!

Eliab Ladjab Kuya 23-05-2018

Nge ndabona Arsenal yamamaza u Rwanda. gusa byanaba igikorwa ngirana

Ephrem Kuya 23-05-2018

Kubwubushake n’ubushobozi bw’abayobozi bigihugu cyacu, Ntabyiza bizaducika mw’iterambere.

COME Kuya 23-05-2018

U RWANDA NIRWO RWAMAMAZA ARSENAL CG ARSENAL NIYO YA MAMAZA U RWANDA???????????????????????

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...