konka coffee
KONKA

AMAKURU

UKWEZI
Minijust

Uko Meya na Musenyeri Smaragde bafashije abana banze kuva mu mujyi

Uko Meya na Musenyeri Smaragde bafashije abana banze kuva mu mujyi
11-01-2019 saa 18:52' | By Nsanzimana Ernest | Yasomwe n'abantu 3167 | Ibitekerezo 2

Ikibazo cy’ abana bo mu muhanga ni kimwe mu bibazo bigoye kubonera igisubizo cya burundu kuko aba bana bajya mu mihanda ku mpamvu zitandukanye. Mu mujyi wa Muhanga hari abana batatu bo mu muhanda banze gusubizwa mu miryango yabo biba ngombwa ko bafashwa kuwubamo.

Ubuyobozi bw’ akarere ka Muhanga buvuga ko bwegera abana bo mu muhanda bukaganira nabo. Bamwe muri aba bana bavuga ko impamvu zituma bahunga imiryango yabo ari ibibazo by’ amakimbirane yo mu ngo.

Aba bana batatu barimo uwitwa Silas begereye Umuyobozi wa Diyoseze ya Kabgayi Musenyeri Smaragde Mbonyintege bamubwira ko bakeneye icumbi abashakira inzu yo kubamo.

Umuyobozi w’ akarere ka Muhanga Uwamariya Beatrice avuga ko abana bamaze kubona inzu yo kubamo bamwegereye bakamubwira ko Musenyeri yabahaye icumbi bakamusaba abashakira ishuri bagasubira kwiga.

Yagize ati “Hari abanze kuva muri uyu mujyi, umwana witwa Silas , n’ undi witwa niba ari D’ amour ni abana batatu basubiye ku ishuri ubu twabasabiye ishuri biga hano hakurwa I Gahogo”


Musenyeri wa Diyoseze ya Kabgayi Smaragde Mbonyintege

Yakomeje agira ati “Baraje barambwira ngo Musenyeri yabashakiye inzu babamo, barambwira bati nawe meya rero dushakire ishuri hanyuma uge uduha n’ ibyo kurya. Buriya bajya kurya kuri biro sociale, usanga baba bafite ibibazo ariko bakiga”

Aba bana uko ari batatu ngo mu ishuri batsinda neza ndetse bemeye meya kujya bajya kumwereka indangamanota yabo cyangwa bakayereka gitifu w’ umurenge wa Nyamabuye. Silas ngo aherutse gusuhuza meya aramubaza ati “Amakaye ko utayegeranya na uniforme bite?”

Ikinyamakuru UKWEZI ntabwo kirabasha kubona aba bana ngo kimenye impamvu nyamukuru yababujije gusubira iwabo.

Musenyeri Smagarde yabwiye UKWEZI ko aba bana uko ari batatu bafashwa na diyosezi ya Kabgayi ishami ryita ku burezi.

Meya Uwamariya avuga ko nta mwana ukwiye kuba ku muhanda, akavuga ko uburyo bwose bwashoboka bwakoresha ariko abana bakava ku muhanda.

Akarere ka Muhanga gashyize imbere kwigisha ababyeyi ko aribo ba mbere bafite inshingano yo kwita ku bana babo abandi bakaza ari abaterankunga.


Meya Uwamariya Beatrice

Ngo nta mwana ugipfa kurenga Kamonyi ngo age kuba inzererezi I Kigali

Meya Uwamariya avuga ko akarere ka Muhanga gakorana n’ akarere ka Kamonyi, Kamonyi yabona umwana werekeza I Kigali, bakamuhagarika bakamubaza aho agiye, bagahamara ababyeyi be. Iyo hari umwana bafashe yari agiye kuba inzererezi I Kigali bahamagara akarere ka Muhanga kakajya gufata uwo mwana kakumva impamvu uwo mwana yari ahunze umuryango we, ubundi bakongera bagahuza umwana n’ umubyeyi umwana agasubira mu rugo.


INKURU ZA :
Tanga Igitekerezo
Ibitekerezo 2
NIYOMUGABO samuel Kuya 14-01-2019

ABOBANA NIBASUBIRIMUMIRYANGO YABO PE

icyubahiro daniel Kuya 12-01-2019

munge mushakira ababana bokumuhanda akazi namashuri yimyuga wenda abo bana babona ibizababeshaho mungihe kizaza bazabaho neza

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...