AMAKURU

UKWEZI
cheno 2020

Umubyigano wagaragaye i Kigali ngo hari uwatewe n’ibura rya network

Umubyigano wagaragaye i Kigali ngo hari uwatewe n’ibura rya network
4-05-2020 saa 19:49' | By Nsanzimana Ernest | Yasomwe n'abantu 2010 | Ibitekerezo

Mu mujyi wa Kigali kuri uyu munsi wa mbere wo koroshya gahunda ya guma mu rugo hafungurwa bimwe mu bikorwa byari byarahagaritswe kubera covid-19 hagaragaye umubyigano, ku mamodoka n’ubwinshi bukabije bw’abagenzi muri gare ya Nyabugogo.

By’umwihariko kuri za bisi zitwara abagenzi mu buryo bwa rusange, hari amafoto yakwirakwiye ku mbuga nkoranyambaga agaragaza abagenzi babyiganira kwinjira mbere muri bisi. Ibi bigaragaza ko abagenzi bari benshi imodoka ari nkeya.

Bamwe mu bagenzi bavuga ko ni ubwo uyu wari umunsi wo gusubira mu kazi bakerewe kugerayo kubera ikibazo cyo kutabonera imodoka ku gihe.

Umuyobozi w’Ishami rishinzwe ingendo mu Kigo Ngenzuramikorere RURA Anthony Kuramba yavuze ko kimwe mu bishobora kuba byongereye ubwinshi bw’abagenzi mu mujyi wa Kigali harimo amatsiko y’abantu bari bamaze iminsi igera kuri 40 badasohoka bashaka kureba hanze. Gusa ngo aba birengagije ko icyorezo cya covid-19 kigihari kandi ko amabwiriza avuga ko abemerewe kuva mu ngo ari abafite impamvu zihutirwa.

Kuramba avuga ko indi mpamvu ishobora yatumye mu mujyi wa Kigali hagaragara ubwinshi bw’abantu bigateza umubyigano ari ikibazo cy’ihuzanzira cy’abashyira mu mabisi uburyo bwo kwishyura hakoreshejwe tap&go ryagize ikibazo.

Yagize ati “Ikibazo twagize ngira ngo byanagaragaye ko abantu babaye benshi imodoka ntizibonekere igihe ni ikibazo cy’ikoranabuhanga, bagenzi bacu bashyira ibiciro muri sisiteme, batubwiye ko habaye ikibazo cya network (ihuzanzira) aho byagiye bitinda gukora, bituma imirongo itinda mu by’ukuri imodoka zari zihari”.

Tariki ya 1 Gicurasi 2020 nibwo guverinoma y’u Rwanda yafashe umwanzuro wo koroshya ingamba zo kwirinda ikwirakwira rya covid-19.

Minisiteri y’ubuzima ivuga ko uyu mwanzuro wafashwe hashingiwe ku kuba ibipimo birenga 4500 bafatiye mu byaro byaragaragaje ko mu byaro nta bwandu bw’iki cyorezo buriyo.

Mu bikorwa byakomorewe harimo gutwara abagenzi mu buryo bwa rusange, gucuruza ibicuruzwa bitari iby’ibanze, na serivise z’amahoteli.

Kuba kuri uyu munsi wa mbere wo koroshya urujya n’uruza hari aho abantu bagaragaye mu mibyigano biteye impungenge mu kwirinda ikwirakwira rya covid-19 kuko abantu basabwa gushyira intera ya metero hagati yabo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...