konka coffee
KONKA

AMAKURU

UKWEZI
ubumwe

Agatha Habyalimana agiye kujuririra ihagarikwa ry’iperereza ku iraswa ry’indege y’umugabo we

Agatha Habyalimana agiye kujuririra ihagarikwa ry’iperereza ku iraswa ry’indege y’umugabo we
27-12-2018 saa 17:31' | By Nsanzimana Ernest | Yasomwe n'abantu 5284 | Ibitekerezo 2

Philippe Meilhac, Umunyamategeko wa Agatha Kanziga wari umugore wa Habyarimana Juvenal, yabwiye France 24 ko bagiye kujurira icyemezo giherutse gufatwa n’ abacamanza b’ Abafaransa cyo guhagarika burundu iperereza ku ihanurwa ry’ indege yari itwaye Habyalimana Juvenal wari Perezida w’ u Rwanda n’ abandi bantu 11 barimo abapilote 2 n’ umwenjenyeri w’ indege.

Muri uku kwezi kwa 12 nibwo abacamanza Jean Marc Herbaut na Nathalie Poux batangaje ko bahagaritse burundu iperereza ku ihanurwa ry’indege ya Habyarimana wari Perezida w’ u Rwanda yarashwe saa mbili na 20 ku mugoroba wa tariki 6 Mata 1994. Habyalimana n’ aba bantu 11 bari mu ndege yo mu bwoko bwa falcon 50, ifite numero 9XR-NN.

Iri perereza ryatangiye nyuma y’ imyaka 4 bisabwe n’ imiryango y’ abapilote b’ Abafaransa bari batwaye iyi ndege.

Abakoraga iri perereza bageze hagati bashyira mu majwi abayobozi 9 b’ u Rwanda babakekaho kuba aribo bahanuye iyi ndege.

Tariki 21 Ukuboza 2018 ubwo bahagarikaga iperereza bavuze ko babuze ibimenyetso, ibyashinjwaga abo bayobozi bakuru b’ u Rwanda biteshwa agaciro.

Aya niyo mazina y’ abari kumwe na Habyalimana ubwo indege ye yarasaga avuye mu masezerano y’ amahoro Arusha muri Tanzania.

Cyprien Ntaryamira, wari Perezida w’ u Burundi
Bernard Ciza, wari Minisitiri w’ imirimo ya Leta mu Burundi,
Cyriaque Simbizi, wari Minisitiri w’ itumanaho mu Burundi
Major General Déogratias Nsabimana, wari Umuyobozi w’ ingabo mu gisirikare cy’ u Rwanda,
Major Thaddée Bagaragaza, wari ushinzwe inzu y’ ingabo ya Perezida Habyarimana,
Colonel Elie Sagatwa, wari umwe mu banyamabanga bihariye ba Perezida Habyalimana akaba n’ umuyobozi mu ngabo,
Juvénal Renaho, wari umujyanama wa Minisitiri w’ ububanyi n’ amahanga w’ u Rwanda,
Dr Emmanuel Akingeneye, wari ushinzwe ubuzima bwa Perezida Habyalimana.

Ikipe y’ abapilote yari igizwe n’ Abafaransa barimo, Jacky Héraud (pilot), Jean-Pierre Minaberry (co-pilot), Jean-Michel Perrine (flight engineer).


INKURU ZA :
Tanga Igitekerezo
Ibitekerezo 2
abana Kuya 29-12-2018

Ni uguta igihe. None se ashaka ko bagaruka????. Ngo bigende bite se? Indege se ntiyarashwe arabiyobewe????????. None se kuki yagiye adakoze iperereza ntiyabaga mu Rwanda? cg yari ahugiye mu kwica abantu gusa?

dusabimana Kuya 29-12-2018

Urubanza rw’iyi ndege rukomeje gukururana.Ese kuki UN itashyiraho International Inquiry Team nk’iyo yashyizeho ku rupfu rwa Prime Minister wo muli Lebanon witwaga Rafik Hariri?Hakajyaho abacamanza bigenga bavuye mu bihugu biri neutral.
Niwo muti wonyine kandi ni urubanza rwakoroha.Nuko gusa nta bushake buhari kubera inyungu za bamwe.Nizere ko umunsi umwe urwo rubanza ruzaba.Bali bakwiye gukora na Inquiry y’imfu z’abami Rudahigwa na Musinga,hamwe na president Kayibanda.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...