AMAKURU

UKWEZI
ubumwe

‘Umukobwa werekanye amaguru ye meza ntaba yishe umuco nyarwanda aba yishe uw’ abapadiri’ - Tito Rutaremara

‘Umukobwa werekanye amaguru ye meza ntaba yishe umuco nyarwanda aba yishe uw’ abapadiri’ - Tito Rutaremara
18-07-2019 saa 08:41' | By Nsanzimana Ernest | Yasomwe n'abantu 5346 | Ibitekerezo 14

Umusaza w’ inararibonye mu Rwanda Tito Rutaremara akaba n’ Umusenateri mu Nteko ishinga amategeko y’ u Rwanda ntiyemeranya n’ abavuga ko umukobwa wagaragaje ibibero bye ku mbugankoranyamba aba yishe umuco wa Kinyarwanda.

Ni mu gihe muri iyi minsi mu Rwanda n’ ahandi ku Isi abantu batandukanye by’ umwihariko abagore n’ abakobwa basigaye bashyira ku mbuga nkoranyambaga amafoto yabo batamabaye ngo bikwize.

Senateri Tito Rutaremara mu kiganiro yagiranye na RBA yavuze ko igihe umukobwa afite ibibero byiza byashimisha abantu kubyerekana nta kibazo kirimo.

Umunyamakuru yari amubajije ku bakobwa bahimbwe ‘Slayqeen’ kubera kugaragaza ubwambure bwabo ku mbuga nkoranyambaga.

Senateri Tito ati “Ntabwo ndi moraliste. Niba afite amaguru meza, agashaka kuyerekana aribushimishe abantu yabuzwa ni iki?”.

Abajijwe niba bitaba ari ukwica umuco nk’ uko bamwe babitekereza yagize ati “Uwuhe mucose ko cyera bambaraga ukabona umukobwa ufite amabere ahagaze umukamumenya, bakambara amashabure ageze ku ntuze, umukobwa ufite amaguru meza bakayabona umuco uba wishe ni uwuhe?”

Akomeza agaragaza ko umukobwa werekanye amaguru ye ataba yishe umuco wa Kinyarwanda ahubwo ari umuco wa gikirisitu wazanywe n’ abazungu.

Ati “Oya ntabwo ari umuco wacu wa Kinyarwanda uba wishe umuco w’ abapadiri bazanye”.

Senateri Tito Rutaremara ntabwo ari we muntu wa mbere ugaragaje ko kugaragaza amaguru k’ umukobwa ari ikibazo kuko na Ambasaderi Olivier Nduhungire na Ministiri Johnston Busingye umwaka ushize bagaragaje ko kwambara impenure nta kibazo kirimo ko ahubwo abantu bakwiye kumenya aho bazambarira.

Umunyamabanga wa Leta muri Minisiteri y’Ububanyi n’Amahanga, Ubutwererane n’Ibikorwa by’Umuryango wa Afurika y’Iburasirazuba, Amb. Nduhungirehe Olivier muri Kamena umwaka ushize yanditse kuri Twitter, agaragaza ko atemeranya n’abinubira iyi myambarire y’abana b’abakobwa kuko ari imyumvire itajyanye n’igihe.

Yagize ati “Birarambiranye ko abana b’abakobwa bahozwa ku nkeke kubera imyambarire yabo. Ibi ntabwo bihuye n’igihe tugezemo.”

Yongeyeho ko ikibazo kidafite abana b’abakobwa ahubwo ari abagabo birirwa babareba bagashaka kubagenera uko bambara.

Yagize ati “Ufite ikibazo hano ntabwo ari umukobwa wambaye ijipo, ahubwo ni umugabo uhora umureba, akamugenzura maze akamugenera ibyo yambara. Dukeneye kurenga iyi myumvire idafututse.”

Icyo gihe Minisitiri w’Ubutabera, Johnston Busingye, wavuze ko ‘iyo myumvire idafite ishingiro idakenewe’.

Abanenga abagore n’ abakobwa bagaragaza ibibero byabo bavuga ko binyuranyije n’ umuco nyarwanda, nyamara amateka y’ u Rwanda agaragaza ko kera abanyarwanda n’ abanyarwandazi batambaraga ngo bikwize kuko imyenda yari itaragera mu Rwanda.


INKURU ZA :
Tanga Igitekerezo
Ibitekerezo 14
Byukusenge Belacille Kuya 20-07-2019

Arakoze senateri adukuye mu rujijo. Nanjye najyaga nibaza umuco nyarwanda wicwa uwo ariwo. Ahubwo abazungu batwigishije kwambara kandi ni byiza. Jye sinatinya kuvuga ko mu bijyanye n" imyambarire abanyarwanda nta muco bagiraga

Cecile Kuya 19-07-2019

Nashobewe kukumva pe
Harya ngo nturi Moralist.Wicaye muri Senat
yigihugu mu mwanya tukubahiramo wa FPR
unatwereke ko utitaye na busa kungaruka yijambo
ufite. Burya ntitwitaye kubyo utari ahubwo
aho wicaye ni mu mwanya wimanzi zizira guteshuka.

Cecile Kuya 19-07-2019

Nashobewe kukumva pe
Harya ngo nturi Moralist.Wicaye muri Senat
yigihugu mu mwanya tukubahiramo wa FPR
unatwereke ko utitaye na busa kungaruka yijambo
ufite. Burya ntitwitaye kubyo utari ahubwo
aho wicaye ni mu mwanya wimanzi zizira guteshuka.

petero Kuya 19-07-2019

birababaje,umubyeyi koko?ESE ibibero nibicurizwa?ahhhhaaaa

Chiara Kuya 19-07-2019

Professor ndamwemeye njye ndi umu mama udakuze uri munsi ya 30 ans
Ariko bigishe abo bagabo ko iduka iyo ririmo imyenda utayiba ngo nuko bari bafunguye imiryango
Ntago Alimentation zose abadafite cash twinjira ngo nuko baba barangaje imiryango
Aha ndashimangira ko abagabo.bakeneye kujya barya akagabuye
Nabo.bakobwa bakigishwa gukora ikintu at their own risk
Niba atafashwe kungufu ubwo yarazi ibyo yakoraga
Babyeyi twigishe abana bacu ko ibyo bakora ari ingaruka kuribo kurusha kuba ku mubyeyi cg uwo mugabo

g Kuya 19-07-2019

Erega ubundi kwambara amahenure nta kibazo byagateye. Ahubwo ikibazo ni abagabo bashiturwa niyo myambarire. Kureba ayo maguru n’ibyo bibero bigatuma umwifuje, ugatangira gushaka contact ze, ibirara byo bitewe naho bari bigafata ku ngufu. Nyamara uwabyambaye we ntabwo ari icyo yaragendereye. Mu Rwanda bambaraga amashabure, mu gatuza habaga ari wazi, amabere yose ari hanze. gufata ku ngufu nkeka ko byari bike ugeraranije n’uyu munsi. Kandi uwatwaraga inda y’indaro, yahanishwaga urupfu, kurohwa. Ngo babajyanaga ku IJWI. Abatwa nibo babarohaga, uretse ko akenshi babihoreraga, ngo nibo bavuyemo ABAHAVU. Muri AFRIKA Y’IBURENGARAZUBA, na n’ubu abakobwa, abagore, bambara hasi gusa, hejuru ntakintu. Aha ndavuga mu byaro byaho, iyo bari mu mirimo. Ubanza biterwa n’ubushyuhe buhari, si ukubura ibyo bambara. Ariko ntibafatwa ku ngufu. Barabyubahirwa. Kandi ni ibihugu by’iganjemo ISLAM. Muri BRESIL, byo ni ibindi. Abazungu ibyabo murabizi, kuri za plage na za piscine. YEGO IYO NI IMICO ITANDUKANYE. Mu rwanda umuco ukaba warahindutse, aho imyenda iziye. Ku mwaduko wabazungu. Kwa mbara ukikwiza; Ugahisha imyanya yose ndanga gitsina; UBWO WABAYE UMUCO. Ubirenze akaba yatandukiriye. Ariko ngo imideri igenda igaruka. Nyine ubu, kwambara imyenda iteye isoni, igaragaza ubwambure, ntibikiri mu muco nyine. Nkuko hambere kwimyira muruhame, warangiza ukihanaguza ibiganza byawe, ntacyo byari bitwaye. Gusangirira ku muheha, ku icupa, byabayeho, ariko ubu ni ikizira. NIBA KWAMBARA UBUSA MU RUHAME, HARI ABO BINGAMIRA, BYONGEYE BIGATEZA INGORANE, GUFATWA KU NGUFU, GUTWARA INDA(gusa abambara batyo si nabo bazitwara cyane), ubwo twabireka, bikitwa umuco mubi udakwiye.

Louise Kuya 19-07-2019

Mumureke yivugire.harya agira ABANA mperuka ari umuhungu hhhh ndumiwe

Xxx Kuya 18-07-2019

Oya Mze Tito imyambaro myiza ni iri dessent . Gereranya n_ umwanya uriho upime amagambo uvuze n’ uburemere buterwa n’ ibibazo by’ abangavu batetwa inda imburagihe ( ibyo bibaxo umuryango nyarwanda urabyikoreye) nawe ngo nibahenure.
Yewe garukira aho , nuko nyine akarenze you munwa karushya ihamagkara

Nako Mzee Kijana arakunkosorera araje avuge neza kuko niwe Mutoza w’ ikirenga Ijabo n’ ijambo bye burya bikiza byinshi

Tot Kuya 18-07-2019

Nguko ngayo Rwanda terimbere. Mbabajwe nabirirwa bata umwanya ngo barigisha indangagaciro. Niyo mpamvu abagore bananiranye birirwa bereka ibibero abategetsi nako babashimisha. Hehe numuryango uhamye!

- Kuya 18-07-2019

Njye ariko ibyo TITO avuga ndemeranya nawe. Natwe hari ibyo dutindamo bitakijyanye n’aho isi igeze.

Alisa Kuya 18-07-2019

Yewe ndumiwe.

Pastor Kuya 18-07-2019

Uyu musaza najyaga mwemera ku bitekerezo ariko ibi byo wapi rwose, umusaza nawe aba yikundira kwirebera ibibero pe. Menya n’abakobwa be bambara uko ambyumva akaba ari yo mpamvu afite mbene ibitekerezo. Ni iby’Abapadiri se bihuriye he mzee? (aha rwose uratannye), none bigisha umuco wo mu Rda? ou bigisha indangagaciro! nakwemeraga none ibitekerezo byiza menya bimaze gushiramo.

niyigaba jeandamour Kuya 18-07-2019

mumanze murebe impamvu iyomyenda yakozwe! kuki batakoze igaragaza amaberese ,!!?
Amayeri yashitani nimenshi uzashaka gukizwa azakizwa naho umuco ntago aricyo kibazo murakoze!

chanto Kuya 18-07-2019

Noneho nkulikijuko abivuga ndumva icyaha arukugaragaza amaguru mabi naho ameza kuyanika nibibero byiza ntaribi. Yemwe bako jyamushyira umusaza rwose mujye kumumurikira ibyiza bitatsurwanda yiherijisho ashiragahinda, Abasaza bubu weeee. Ba shaddybu nabandinkawe nababuiriki, nimubityaze rwose akazi kabonetse

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...