AMAKURU

UKWEZI

Umunyamakuru Robert Mugabe wari ufungiwe gusambanya abana babiri bava inda imwe yarekuwe

Umunyamakuru Robert Mugabe wari ufungiwe gusambanya abana babiri bava inda imwe yarekuwe
8-10-2018 saa 16:51' | By Chief Editor | Yasomwe n'abantu 6764 | Ibitekerezo 2

Umunyamakuru Robert Mugabe ukekwaho gusambanya abakobwa babiri bava inda imwe barimo utagejeje ku myaka y’ubukure, kuri uyu wa Mbere nibwo yasomeye imyanzuro ku bijyanye n’ifungwa n’ifungurwa ry’agateganyo, urukiko rukaba rwategetse ko afungurwa akazakomeza gukurikiranwa adafunze.

Robert Mugabe n’abo bareganwa babiri b’abaganga ari bo Dr Rurangwa Emmanuel na Dr Karegeya Byambu Adolphe, b’inzobereye mu kuvura indwara z’abagore, ntibigeze bagaragara ku cyicaro cy’Urukiko rw’Ibanze rwa Kagarama mu Karere ka Kicukiro mu gihe cy’isomwa ry’uru rubanza, ndetse nta n’umwe mu babunganira wigeze ahagera.

Mu byaha bitatu Robert Mugabe akurikiranweho, umucamanza yagaragaje ko bibiri muri byo nta bimenyetso bihagije bigaragaza ko uregwa koko yakoze ibyo byaha. Umucamanza yavuze ko ibimenyetso byo gusambanya umwana muto mu bavandimwe ashinjwa gufata ku ngufu bidahagije, ndetse n’iby’umwana mukuru watewe inda ngo ntibihagije cyakoze ngo ibijyanye n’uruhare rwe mu gushaka gukuriramo uwo mwana mukuru inda byo ibimenyetso byatanzwe n’ubushinjacyaha birahagije. Umucamanza yavuze ko nta mpamvu zikomeye zatuma abaregwa baburana bafunzwe, ategeka ko barekurwa gusa ngo ntibemerewe kurenga imbibi z’u Rwanda.

Umunyamakuru Robert Mugabe akurikiranyweho gusambanya umwana utarageza imyaka y’ubukure, gufata ku ngufu umukobwa ufite imyaka y’ubukure akamutera inda ndetse agakora n’icyaha cy’ubwinjiracyaha bwo gukuramo inda.

Iki cyaha cy’ubwinjiracyaha bwo gukuramo inda ni nacyo Dr Rurangwa Emmanuel ashinwa mu gihe Dr Karegeya Adolphe we akaba ashinjwa kumena ibanga ry’akazi. Aba bose ubwo baburanaga ku bijyanye n’ifunga n’ifungura ry’agateganyo tariki 2 Ukwakira 2018, bahakanye ibyaha byose baregwa.

Ubushinjacyaha buvuga ko Robert Mugabe, tariki 8 Nzeri 2018, yagiye iwabo w’aba bana bombi, umwe w’imyaka 17 akamushyira mu modoka akamujyana ku ishuri yigaho rya IPRC Kicukiro avuga ko amuhaye lifuti, akamuyobya akamujyana iwe mu rugo akamusambanya. Ubushinjacyaha bwatanze ibimenyetso birimo amasohoro yasanzwe mu gitsina cy’umwana, ibizamini yakorewe bikagaragara ko ahura n’ayo basanze mu mashuka ya Robert Mugabe. Ikindi ngo mu ibazwa, uyu mwana yavuze ibara ry’amashuka basanga bihura koko n’ayo abagenzacyaha basanze kwa Mugabe.

Ubushinjacyaha kandi bwavuze ko Mugabe yakundaga kuvugana kenshi n’uwo mwana, bunashimangira ko bufite amajwi yafashwe n’uyu mwana ubwo yaganiraga na Robert Mugabe, amubwira ko nawe agiye gushaka imiti yamubuza gusama, kuko ngo yari yamaze kumenya ko mukuru we atwite.

Ikindi cyaha ni icy’uko Mugabe yafashe ku ngufu mukuru w’uyu mwana we ufite imyaka 19 akamutera inda, ngo byo byabaye mu mpera za Nyakanga. Nyina w’aba bana usanzwe ari umunyamakuru ngo yari aziranye na Robert Mugabe uyu munyamakuru akaba yarakundaga no kujya iwabo w’aba bana, ngo rimwe ajyayo kumugoroba avuga ko afite impano ya nyina akagira n’iy’uwo mwana yihariye. Uwo mugoroba ngo Robert Mugabe yabwiye umwana kujya gufungura inyuma (butu) ku modoka agakuramo impano, ngo undi amuturuka inyuma aramusambanya.

Uyu mwana yagejejwe kwa muganga basanga atwite ndetse ngo anafit ibimenyetso by’ihungabana ariko ibi byose ngo bwari butegereje ibizamini by’isano muzi y’amaraso (DNA) kugira ngo byemezwe niba koko iyo nda ari iya Mugabe.

Ku cyaha cy’ubwinjiracyaha bwo gukuramo inda, Mugabe ashinjwa kuba amaze kumenya ko umukobwa yasamye, yashatse umuganga w’inshuti ye witwa Dr Rurangwa Emmanuel akamusaba kubimufashamo bagakuramo iyo nda, uyu muganga akaba ngo yaramuhaye ibinini bitatu ariko muganga we akemeza ko bidakuramo inda ahubwo yamuhaye ibyo mu bwoko bwa Paracetamol agirango amwikize, akanavuga ko n’ikimenyimenyi inda itavuyemo kandi koko ibyo binini bikaba bidakuramo inda.

Mu bindi ubushinjacyaha bwagaragaje, harimo kuba Mugabe yarabanje gushidikanya ku kuba uwo mukobwa mukuru atwite akigurira agakoresho kifashishwa mu gupima abagore batwite agahamagara umukobwa ngo amupimire iwe, kandi ngo ubugenzacyaha bwasanze ako gakoresho kwa Robert Mugabe ubwo bwajyagayo mu iperereza.

Ibi byaha byose ariko Robert Mugabe yaburanye abihakana, avuga ko ari ibyo badoze ndetse ko n’ubwo bitabaye biteguye neza kuburyo uwabyumva wese yakwibeshya ko byabaye koko. Yavuze ko ibyo gusambanya umwana mukuru ku gasozi amuturutse inyuma areba mu modoka bidashoboka ukurikije aho uwo muryango utuye, ahakana ibyo gushukisha umwana muto imodoka kuko na nyina ayifite ndetse anavuga ko atari gushaka gukuramo inda mu gihe ari umusore ukuze ukeneye umwana kuburyo ateye inda atakwitesha uwo mwana.

Yavuze kandi ko kuba barasanze amasohoro mu gitsina cy’umwana, bidasobanuye ko ari aya Mugabe Robert kuko uwo bazajya bayasangana wese bidakwiye kubazwa Mugabe. Yavuze ko ibirego bye ari akagambane ka nyina n’ubugenzacyaha kuko bafitanye ibibazo, nyina ngo yamusabye urukundo aramwangira amubwira ko azamwihimuraho akamufungisha akamukura mu itangazamakuru.


INKURU ZA :
Tanga Igitekerezo
Ibitekerezo 2
koko Kuya 10-10-2018

AHa ntabwo byoroshye ariko ubutabera buzakore ibyabo ukuri kugaragare

dada Kuya 9-10-2018

Baraguharabitse.mugemukoma urusyo mukome ningasire.ubwo bukobwa bwo bwajyagahe?yabufashe kungufu nibarinabyo?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...