AMAKURU

UKWEZI
ubumwe

Umunyarwandakazi Rosalie Uwimabera yasanzwe mu bwogero yapfuye

Umunyarwandakazi Rosalie Uwimabera yasanzwe mu bwogero yapfuye
3-10-2019 saa 10:38' | By Nsanzimana Ernest | Yasomwe n'abantu 8174 | Ibitekerezo 4

Rosalie Uwimabera wagaba mu Bubiligi ku mugoroba wo ku wa Kabili yasanzwe mu bwogero yapfuye. Birakekwa ko yazize indwara y’ umutima.

Nyakwigendera mu cyumweru gishize yari mu Rwanda yitabiriye umuhango wo gushyingura mu cyubahiro abo mu muryango we bishwe muri Jenoside yakorewe abatutsi. Abo mu muryango wa Uwimabera ni bamwe mu mibiri 100 yabonetse mu murenge wa Rwezamenyo.

Iyi mibiri yashyinguwe mu rwibutso rwa Jenoside yakorewe abatutsi rwa Nyanza ya Kicukiro.

Nyakwigendera Uwimabera yitabye Imana nyuma y’ iminsi 4 gusa asubiye mu Bubiligi kuko ku wa Gatandatu w’ icyumweru gishize aribwo yahagurutse mu Rwanda yerekeza mu Bubiligi.

Umuyobozi wa IBUKA Prof Dusingizemungu Jean Pierre yabwiye The New Times ko umurambo wa Uwimabera wabonywe n’ umukobwa we mu bwogero.

Ntabwo haramenyekana neza icyateye urupfu rwa Uwimabera ariko bikekwa ko yaba yarafashwe n’ indwara y’ umutima akagwa igihumure kubera ibyo yabonye mu cyumweru gishize ubwo yabonaga imibiri y’ abo mu muryango we bishwe mu myaka 25 ishize.

Dusingizemungu ati “Nta gushidikanya ko yashenguwe n’uko bishwe ariko nanone ntiwabura kubihuza n’igikorwa cyo gushyingura iriya mibiri y’abazize Jenoside mu cyumweru gishize. Yari ari aho umuryango we wose wiciwe.”

Prof Dusingizemungu yavuze ko bibabaje cyane kumva umuntu yapfuye amaze kubona imibiri y’abe bishwe.

Amaze gushyingura iyo mibiri irimo n’abo mu muryango we, Uwimabera yabwiye itangazamakuru ko ashimishijwe no kuba abashije kubona imibiri y’abe bishwe akabishyingurira.

Yagize ati “Ndishimye mbonye mu rumuna wange bucura mu muryango wacu, ashinguwe mu cyubahiro, ubu ndabohotse”


Uwimabera Rosalie n’ umugabo we

Uwimabera ni mwene Jean Baptiste Rwagasana yabanaga na Mutabazi Eugène babyaranye abana babiri.


INKURU ZA :
Tanga Igitekerezo
Ibitekerezo 4
Birashoboka Kuya 5-10-2019

Gusa ubudwayi bufata ubwonko numutima witayeho amazi ni BP iyo utaziko uyigira benshi nabonye bagwa murwogero umuryango usigaye wihangane ntawuhindura gahunda y,Imana

Edouard Kuya 3-10-2019

Birababaje pe!Imana ikomeze umuryango we!!!

felicien Kuya 3-10-2019

uumuryangoweniwihangane.

kayitesi Kuya 3-10-2019

ahwiiii,biragoye kubona amagambo yogukoresha.ariko Uwiteka utanga ihumure ahumurize umuryango.kandi yakira mû gituza cye uyu mubyeyi.nimuhumure tuzongera tubone abacu twakundaga.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...