konka coffee
KONKA

AMAKURU

UKWEZI
ubumwe

Umunyeshuri wigaga muri Kaminuza y’ u Rwanda yitabye Imana bitunguranye

Umunyeshuri wigaga muri Kaminuza y’ u Rwanda yitabye Imana bitunguranye
27-05-2019 saa 17:12' | By Nsanzimana Ernest | Yasomwe n'abantu 9117 | Ibitekerezo 2

Chebalonza Joseph Kotolengo bakundaga kwita Jeff yitabye Imana mu gitondo cyo kuri uyu wa Mbere tariki 27 Gicurasi 2019 aguye mu bitaro bya Gahini.

Jeff wigaga muri Kaminuza y’ u Rwanda ishami rya Rukara mu bijyanye no kwigisha imibare n’ ubumenyi bw’ isi Mathematics Geography Education (MGE).

Amakuru UKWEZI twahawe n’ inshuti ze zahafi zirimo n’ uwahoze ari umukunzi we avuga ko Jeff nta gihe kinini yari amaze arwaye.

Umukobwa wahoze ari inshuti ya Jeff yatubwiye ko Jeff atari umusore ukunda kurwaragurika, kuko mu myaka 3 bamaze bakundana atigeze yumva Jeff yarwaye.

Uyu musore wigaga mu mwaka wa mbere wa Kaminuza, inshuti ze zivuga ko yari mu kigero cy’ imyaka 26. Yitabye Imana mu gihe yiteguraga gukora ibizami bya kaminuza bisoza igihembwe cya kabiri.

Umwe mu nshuti ze za hafi yatumbwiye ko ejo aribwo bamenye ko Kibalonza Joseph yagiye mu bitaro. Ati “Yari amaze iminsi ibiri gusa afashwe”.

Iyi nshuti ye yavuze ko Kibalonza Joseph iwabo ari mu karere ka Huye mu Ntara y’ amagepfo. Ikomeza igira iti “Yavugaga imivugo, yari umusizi uzi gutera stories cyane”.

Uwahoze ari umukunzi we yavuze ko amakuru yamenye ari uko Jeff yazize indwara ya typhoid yo mu mutwe.

Amakuru y’ urupfu rwa Jeff yemejwe n’ Umuyobozi ushinzwe abanyeshuri muri Kaminuza y’ u Rwanda ishami rya Rukara.

Yagize ati “Murihangana turahugiye muri byo nyine, turaza kuyaguha”.

Ntabwo turashobora kuvugana n’ ibitaro bya Gahini nyakwigendera yaguyemo ngo tumenye niba koko yazize indwara ya typhoid.



Jeff yari umusizi ubirimo neza, abamuzi baravuga ko u Rwanda rutakaje umusizi mwiza w’ ahazaza


INKURU ZA :
Tanga Igitekerezo
Ibitekerezo 2
Mob Kuya 28-05-2019

Typhoide yo mumutwe?ibyo bisobanuye iki?

Mob Kuya 28-05-2019

Typhoide yo mumutwe?ibyo bisobanuye iki?

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...