AMAKURU

UKWEZI

Umurimo w’ubwubatsi ugiye kujya ukorwa n’ abafite impamyabushobozi gusa

Umurimo w’ubwubatsi ugiye kujya ukorwa n’ abafite impamyabushobozi gusa
11-10-2018 saa 18:54' | By Vincent Nsengiyumva | Yasomwe n'abantu 4628 | Ibitekerezo 6

Sendika y’abakozi bakora mu bwubatsi, ububaji n’ubukorikori mu Rwanda (STECOMA), iratangaza ko iri gukora ibishoboka byose mu gushyiraho amategeko agenga iyi mirimo, aho ku ikubitiro hashyizweho gahunda yo gutanga impamyabushobozi ku bayikora mu rwego rwo guca akajagari kagaragaragamo.

Ibi byatangajwe mu nama yabaye kuri uyu wa Kane tariki 11 Ukwakira 2018, yahuje abayobozi ba STECOMA, abayobozi b’amasosiyete akora ibijyanye n’ubwubatsi ndetse n’ubuyobozi bw’Umujyi wa Kigali.

Abitabiriye iyi nama bagaragaje ko yari igamije kurebera hamwe uko bakemura ibibazo binyuranye bigaragara mu murimo w’ubwubatsi.

Umunyamabanga Mukuru wa STECOMA, Habyarimana Evariste, avuga ko hagomba kubaho gukorera hamwe hagati y’amasendika n’amakampani/amasosiyete akora iby’ubwubatsi, kugira ngo akazi ko mu bwubatsi gatere imbere kabe umwuga ufatika.

Yagize ati “Iyi nama yari igamije kurebera hamwe uko twakemura ibibazo bigaragara mu bwubatsi birimo gukora nta contaro (Contract), uko dushobora gukorana kugira ngo umurimo utere imbere ndetse no kureba icyakorwa mu rwego rwo guca akajagari kagaragara muri uyu mwuga.”

Avuga ko akajagari kaba mu mwuga w’ubwubatsi gaterwa n’uko iyinjizwa mu kazi ku bakozi n’isohorwa mu kazi, bikorwa mu buryo bunyuranyije n’amategeko.

Ati “ Umuntu wese arabyuka akiyita umufundi, akiyita umuyede icyo gihe bituma havukamo akajagari.”

Habyarimana ashimangira ko akajagari kaba muri uyu mwuga kagomba gucika vuba hashoboka, kuko hari gutangwa impamyabushobozi ku babikora ku buryo buri wese azajya ahabwa akazi agaragaje ibyangombwa by’uko akazi asaba agafitiye ubumenyi.

Visi Meya ushinzwe iterambere ry’ubukungu mu Mujyi wa Kigali, Parfait Rusabizwa avuga ko gahunda yo guhuza abakora imirimo y’ubwubatsi n’abafite ama Kampani akora iby’ubwubatsi igamije kunoza uyu murimo uteze imbere abawukora (abafundi) ndetse nab a nyiri za kampani.

Ati “ Turashaka ko bumvikana, babe bakorera ahantu heza, bakorera mu mucyo, bafite ubwishingizi kuko bizafasha abafundi ‘ba STECOMA’ gutera imbere ndetse binafashe wa wundi watanze akazi.”

Rusabizwa ashimangira ko gahunda yo gutanga impamyabushobozi ku bakora uyu mwuga w’ubwubatsi bizaca akajagari, maze hajye hakora umuntu ufite icyo azi, ibyo kujya kwigira mu kazi biveho kuko ngo biteza ibibazo.

Kugeza ubu abagera ku bihumbi 16 bakora mu bwubatsi nibo bamaze guhabwa impamyabushobozi, ku bufatanye n’Ikigo cy’igihugu gishinzwe ubumenyingiro (WDA).

Visi Meya mu Mujyi wa Kigali, Parfait Rusabizwa uri hagati n’ Umunyamabanga Mukuru wa STECOMA, Habyarimana Evariste uri iburyo

Iyi nama yahuje abayobozi b’amasendika, ab’amakampani y’ubwubatsi n’Umujyi wa Kigali


INKURU ZA :
Tanga Igitekerezo
Ibitekerezo 6
Damzzo Kuya 17-10-2018

ibyo bavuga nibyo rwose uramwuga wubufundi urimo akavuyo kenshi ahubwo izongamba zishyirwe mubikorwa vuba

Judae Kuya 16-10-2018

Nizeree ko ntawabyemeje. Amazu yubatswe n’abafundi haguye angahe? Nta nimwe. Ariko izubatswe nabiE ziragwa ubutitda

ffffff Kuya 13-10-2018

Akazi ni experince murashaka gusubizaantu kwisuka gusa ntakindi.noneho umugi uzaba uwabize gusa? Murakabya cyane namwe

Mugisha Kuya 11-10-2018

Murasekeje gs

Mugisha Kuya 11-10-2018

Murasekeje gs

Murenzi Leon Kuya 11-10-2018

Gukora ntaho bihuriye namashuri!! Ubwose ntabayobozi muzi batarangije n’ atandatu yisumbuye ?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...