AMAKURU

UKWEZI

‘Umushahara muke, ubucukike bw’abanyeshuri’ mu bibazo bikigoye mwarimu

‘Umushahara muke, ubucukike bw’abanyeshuri’ mu bibazo bikigoye mwarimu
6-10-2018 saa 20:44' | By Vincent Nsengiyumva | Yasomwe n'abantu 2222 | Ibitekerezo 8

Abarimu bizihije Umunsi Mpuzamahanga wabahariwe, bagaragaza ibibazo biri mu bidindiza ireme ry’uburezi birimo umushahara muke n’ubucucike bw’abanyeshuri.

Ibi byagarutsweho ku wa 5 Ukwakira 2018, mu birori byahurije hamwe abarimu bo mu Murenge wa Kinyinya mu Karere ka Gasabo.

Abarimu bavuga ko imibereho yabo igenda ihinduka binyuze muri Koperative Umwalimu Sacco bashyiriweho, ibafasha kubona inguzanyo yo kwifashisha mu mishinga ibyara inyunngu.

Bagaragaza ko n’ubwo hari ibyagezweho bakibangamiwe n’umushahara muke ndetse bamwe bafata nk’impamvu muzi ku idindira ry’ireme ry’uburezi.

Murekatete Christine wigisha mu Rwunge rw’Amashuri rwa Kagugu Catholique yavuze ko hakwiye ingamba zo gufasha mwarimu kurushaho gukora akazi yishimye

Yagize ati “Tugira abana barenze ubushobozi bwacu. Nko mu ishuri haba hicaye abarenga 80, ugasanga kubaha ireme rishimishije bitoroshye. Bishobotse hakongerwa ibyumba by’amashuri n’abarimu.”

Mugenzi Deo wigisha mu Ishuri rya World Mission we yashimangiye ko umushahara wa mwarimu ukiri muke ugereranyije n’imibereho y’abaturage.

Yagize ati “ Ikibazo cy’amikoro mu barimu kirahari, umushahara uracyari muto ugereranyije n’ibiciro biri ku soko.”

Mu Rwanda, umwarimu ufite Impamyabumenyi y’Amashuri Yisumbuye (A2) wigisha mu abanza atangirira ku mushahara wa 41 000Frw ku kwezi, akazamurwa bitewe n’uburambe.

Uwigisha mu abanza cyangwa ayisumbuye ufite Impamyabumenyi y’Icyiciro cya Mbere cya Kaminuza (A1) atangirira ku mushahara wa 100 000Frw ku kwezi nawe akazamurwa bitewe n’uburambe.

Naho ufite Impamyabumenyi y’Icyiciro cya Kabiri cya Kaminuza (Bachelor) atangirira ku mushahara wa 135 000Frw ku kwezi.

Umunsi Mpuzamahanga ngarukamwaka wa Mwarimu ku rwego rw’igihugu wizihirijwe mu Karere ka Rwamagana.

Minisitiri w’Uburezi, Dr. Mutimura Eugène yavuze ko hari ibimaze gukorwa ngo ireme ry’uburezi ritere imbere n’imibereho ya mwarimu ibe myiza gusa ntiyakomoje ku kibazo cy’umushahara we gihora gisubirwamo.

Abarimu bo mu Murenge wa Kinyinya basaba ko hakubakwa amashuri menshi mu kugabanya ikibazo cy’ubucucike bw’abanyeshuri


INKURU ZA :
Tanga Igitekerezo
Ibitekerezo 8
gakuba Kuya 8-10-2018

kuki mwarimu aliwe uhenbwa amafaranga make ! nuko ali umurimo, utagize icyo umaze! cyangwa nuko aliko kazi kiroshye! ko abayibagenera baba barigishijwe nabo barimu bo bahembwa angahe! ko bose bahahira.mumasoko amwe!

Moïse Kuya 8-10-2018

Ariko Abalimu Natwe Ntitugakabye,
Ubwo Se Kwirirwa Wigisha "a, B,..., 1,2,.. No Gusoma Ngo Umununi N’ibindi Nk’ibyo" Bihuriye He N’uwirirwa Atunganya Raporo Z’ibyiciro By’ubudehe Leta Ishingiraho Igenamigambi?
Jye Ndi Umwalimu Ariko Mbona Duhembwa Angana N’ibyo Dukora.
Ugaya Umushahara Ajye Ahandi Aho Kwica Ireme Ry’uburezi

Karemera Isaac Kuya 8-10-2018

Nubwo ntari Mwarimu,ndemeza ko Leta ibishatse Abarimu nabo bahembwa neza nk’abandi.Jyewe ndi Director mu kigo gikomeye mpembwa amafaranga menshi.Simbabeshya,mpora nifuza ko “bagabanya umushahara wanjye†,hamwe n’abandi bantu bahembwa amafaranga menshi,noneho na Mwarimu wa primary,agahembwa nibuze 100.000 Frw ku kwezi.Niba koko turi Abakristu nyakuri,tugomba kumvira ihame (principle) dusoma muli matayo 7,umurongo wa 12,havuga ko “icyo utifuza ko kikubaho,utagikorera mugenzi wawe†.Iyi si ni iyacu twese.Tugomba gusaranganya ibyiza imana yaduhaye.Urugero,mu gihe Depite afite umushashara urenga 2 millions,aramutse ahembwe 500 000 Frw,yaba iki?Abakozi ba BNR,Ministers,ibigo byose bya Leta,babagabanyirije imishahara,na Mwarimu nta kuntu atahembwa 100.000 Frw.Biriya bihumbi 40 Mwalimu ahembwa,nta nubwo byakodesha inzu y’ibyumba 2 hano I Kigali.

Papa Lee Kuya 8-10-2018

Namwe nimumbwire ukuntu umuntu yatungwa na 41000 ku kwezi nibiciro biri hanze aha akazatanga umusaruro.kdi ikibazo cyumushahara mucye cyabaye indirimbongaruka mwaka mu munsi wa mwarimu ariko nta gikorwa.

Papa Lee Kuya 8-10-2018

Namwe nimumbwire ukuntu umuntu yatungwa na 41000 ku kwezi nibiciro biri hanze aha akazatanga umusaruro.kdi ikibazo cyumushahara mucye cyabaye indirimbongaruka mwaka mu munsi wa mwarimu ariko nta gikorwa.

Kremera Isaac Kuya 7-10-2018

Benshi ntabwo bazi ko Abarimu benshi ba Primary Schools barangije University bahembwa 40.000 Frw ku kwezi.Nubwo ntari Mwarimu,ndemeza ko Leta ibishatse Abarimu nabo bahembwa neza nk’abandi.Jyewe ndi Director mu kigo gikomeye mpembwa amafaranga menshi.Simbabeshya,mpora nifuza ko “bagabanya umushahara wanjye†,hamwe n’abandi bantu bahembwa amafaranga menshi,noneho na Mwarimu wa primary,agahembwa nibuze 100.000 Frw ku kwezi.Niba koko turi Abakristu nyakuri,tugomba kumvira ihame (principle) dusoma muli Matayo 7,umurongo wa 12,havuga ko “icyo utifuza ko kikubaho,utagikorera mugenzi wawe†.Iyi si ni iyacu twese.Tugomba gusaranganya ibyiza imana yaduhaye.Urugero,mu gihe Depite afite umushashara urenga 2 millions,aramutse ahembwe 500 000 Frw,yaba iki?Abakozi ba BNR,Ministers,ibigo byose bya Leta,babagabanyirije imishahara,na Mwarimu nta kuntu atahembwa 100.000 Frw.Biriya bihumbi 40 Mwalimu ahembwa,nta nubwo byakodesha inzu y’ibyumba 2 hano I Kigali.

ttttttt Kuya 7-10-2018

Bazavuga bazaruha .mubiri mwana kuriyitariki nukwezi muzajya muhora musubiramo

chacha Kuya 7-10-2018

abarimu birirwa barira umushahara muke ariko nuko bihereranya nabandi bakozi Leta. ariko muzanyarukire muri utu tu bank dutoya uzasanga bahembwa 130000 Kandi teller or cashier yahomba akikoramo. nuko mufite abo mubwira abandi twararize turihanagura

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...