konka coffee
KONKA

AMAKURU

UKWEZI

Umusirikare warasiye umuntu i Nyamirambo akamwica azafungwa iminsi 30 y’agateganyo

Umusirikare  warasiye umuntu i Nyamirambo akamwica azafungwa iminsi 30 y’agateganyo
8-10-2018 saa 22:15' | By Vincent Nsengiyumva | Yasomwe n'abantu 4762 | Ibitekerezo 2

Urukiko rwa gisirikare rw’i Nyamirambo rwategetse ko Sgt Rutare Jean Bosco ushinjwa kurasira Niyitanga Jean Claude i Nyamirambo agahita apfa na bagenzi be 2 bafungwa by’agateganyo iminsi 30 mu gihe hagikorwa iperereza.

Aba bantu batatu bakurikiranweho icyaha cy’ubwinjiracyaha n’ubuifatanyacyaha mu bwicanyi bwakorewe Niyitanga Jean Claude, ni ni Sgt Rutare Jean Bosco wo mu ngabo z’u Rwanda, Musanabandi Sadda wari umugore wa nyakwigendera mu buryo bunyuranyije n’amategeko ndetse na Nsanzabarinda Louis wari ukuriye irondo mu ijoro ryabereyemo ubwo bwicanyi.

Kuri uyu wa Mbere tariki 8 Ukwakira 2018 nibwo aba uko ari batatu bagejejwe imbere y’urukiko baje kumva imyanzuro y’abacamanza ku ifunga n’ifungurwa ry’agateganyo.

Ubushinjacyaha bugaragaza ko nyakwigendera Niyitanga Jean Claude yiciwe muri Rwezamenyo na Sgt Rutare Jean Bosco wamurashe amasasu abiri mu mutima agahita yitaba Imana.

Sgt Rutare yemera ko yarashe nyakwigendera ubwo bari bamuhuruje bavuga ko ari umujura, ngo gusa yabitewe n’imyitwarire ye ngo kuko yashatse kumurwanya maze ahita amurasa.

Ubushinjacyaha bwabwiye urukiko ko nyakwigendera amaze gupfa, abaregwa bagiye kuzana radio n’amafaranga ibihumbi 20 babigereka ku murambo kugira ngo bigaragare ko yishwe avuye kwiba.

Mu kugaragaza impamvu abakekwaho icyaha cy’ubwicanyi bagomba kuba bafunzwe by’agateganyo iperereza rigakomeza, urukiko rugaragaza ko imbere y’umucamanza bose bahinduye imvugo, bityo ko bashobora gutoroka ubutabera.

Aba bose uko ari batatu bagaragaje impamvu basaba ko baba barekuwe by’agateganyo zirimo uburwayi, bagakurikiranwa badafunze, ariko umucamanza abitera utwatsi, ategeka ko bagomba gufungwa by’agateganyo iminsi 30 mu gihe iperereza rikomeje.

Mu ijoro ryo ku wa 6 Nzeri 2018, nibwo abasirikare bari ku irondo barashe Niyitanga Jean Claude ahita apfa, bivugwa ko yari amaze kwiba mu rugo rw’umuntu mu murenge wa Rwezamenyo mu karere ka Nyarugenge.


INKURU ZA :
Tanga Igitekerezo
Ibitekerezo 2
gakuba Kuya 9-10-2018

Hari ibimenyetso biba bigaragara ntibihabwe agaciro mbere nambere uru, rupfu rubazwa u wahuruje kandi aziko atari igisambo aba kabiri abanyerondo bitabaje abasirikare kandi nyakwigendera ntanikoni yarafite nta nubwo yirukaga,.abagatatu ninde wazanye radio nayo mafaranga umuntu ya maze kuraswa!! aho niho ubonera ubugambanyi, uwarashe yarashe umuntu wiruka! umurwanya!cyangwa wicaye!! ibi bintu naho hari ukuri honyine. urupfu rwu muntu wishwe rugomba, kugira abarubazwa,

Claver niyonsenga. Kuya 9-10-2018

N’apfungwe agumeyo.nyabuna

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...