konka coffee
KONKA

AMAKURU

UKWEZI
ubumwe

Urubyiruko rwa Kinyinya rwasabwe kugira umutima ugira imikorere mpinduramatwara

Urubyiruko rwa Kinyinya rwasabwe kugira umutima ugira imikorere mpinduramatwara
18-02-2019 saa 12:16' | By Vincent Nsengiyumva | Yasomwe n'abantu 450 | Ibitekerezo

Urubyiruko rwibumbiye mu rugaga rushamikiye ku muryango wa FPR Inkotanyi rwo mu Murenge wa Kinyinya mu Karere ka Gasabo rwasawe kugira umutima ugira imikorere mpinduramatwara kugira ngo bagaragaze uruhare rwabo mu iterambere ry’igihugu.

Ibi byagarutsweho ubwo uru rubyiruko rwari mu Nteko rusange iba rimwe mu myaka ibiri, barebera hamwe ibyo bagezeho, ndetse bakanareba ahakiri ibibazo bagafatira hamwe ingamba zo kubihashya.

Muri iyi nteko rusange , urubyiruko rushamikiye kuri FPR Inkotanyi rwagaragaje ko ruri ku isonga mu karere ka Gasabo dore ko rumaze no kwegukana ibihembo byinshi by’urubyiruko rwagaragaje ibikorwa by’indashyikirwa muri aka Karere.

Mu biganiro bitandukanye by’abayobozi baje impanuro uru rubyiruko, bashimiwe ibikorwa binyuranye by’indashyikirwa bamwe muri bo bakoze, banasabwa gukomeza kugira umutima ufite imikorere mpinduramatwara.

David Musirikare ufite urubyiruko mu nshingano mu Karere ka Gasabo yavuzez ko urubyiruko nk’imbaraga z’igihugu rukwiye kugira imyumvire iteye imbere mu rwego rwo kugira uruhare rukomeye kugera kuri rwa Rwanda twifuza.

Yabasabye kutikunda kurusha uko bakunda inyungu z’igihugu

Yagize ati “Kugira ngo ugire impinduka, imikorere bihindura ubuzima bw’abomuri kumwe ni uko ugomba kutikunda cyane kurusha uko ukunda inyungu z’igihugu, kurusha uko ukunda abo ubana nabo.”

Yunzemo ati “Mugomba kugira umutima ugira imikorere mpinduramatwara binyuze mu kwitanga mu buryo budasanzwe kandi buhindura ubuzima bw’abaturage.”

Urubyiruko rwitabiriye iyi nteko rusange rugaragaza ko rwakuye impanuro zitandukanye ku bayobozi barusuye, aho zigiye kubafasha mu kwikebuka bakareba aho bagifite imbaraga nke maze naho bakahazamura bagakomeza kuba ku isonga

Uwitwa Ndayisenga Jean Claude yagize ati “Turimo kwishimira ibyagezweho ariko tunumva impanuro z’abakuru.Nk’urubyiruko rwagize amahirwe yo kuza muri iyi nteko rusange tugomba kureba ahakiri ibitagenda tukabikosora. Tugomba kuba urubyiruko ruzira ingeso mbi. Turi gukora ubukangurambaga bwo kurwanya ibiyobyabwenge nka kimwe mu bibazo byugarije urubyiruko.”

Umuyobozi w’Urugaga rw’urubyiruko rushamikiye ku muryango wa FPR Inkotanyi mu Murenge wa Kinyinya Nambajimana Jean Damascene avuga ko urubyiruko rwo muri uyu Murenge wa Kinyinya bahagurukiye ibibazo byugarije urubyiruko rugenzi rwabo binyuze mu bukangurambaga bunyuranye bagenda bakora.

Umuyobozi w’Urugaga rw’urubyiruko rushamikiye ku muryango wa FPR Inkotanyi mu Karere ka Gasabo, Hakizimana Emmanuel avuga ko urubyiruko rw’umurenge wa Kinyinya ruhagaze neza mu ngeri zitandukanye.

Hakizimana asaba buri wese by’umwihariko abari mu cyiciro cy’urubyiruko ko agomba gutewkereza ko ariwe Rwanda rw’ejo maze agatanga umusanzu we mu guteza imbere igihugu.

Ati " Buri wese nk’urubyiruko agomba kumva ko ariwe Rwanda rw’ejo. Dufite imbaraga , turiga, dufite ubumenyi butandukanye twabwifashisha mu guhanga imirimo. Muri uko guhanga umurimo bizagenda bituma na babandi badafite icyo gukora babona umurimo."

Uru rubyiruko rwasabwe kugira umutima ugira imikorere mpinduramatwara

Umuyobozi w’Urugaga rw’urubyiruko rushamikiye ku muryango wa FPR Inkotanyi mu Karere ka Gasabo, Hakizimana Emmanuel


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...