konka coffee
KONKA

AMAKURU

UKWEZI

Urukiko rwatesheje agaciro ubusabe bwo gufungura by’agateganyo Radiyo Amazing Grace

Urukiko rwatesheje agaciro ubusabe bwo gufungura by’agateganyo Radiyo Amazing Grace
22-05-2018 saa 18:27' | By Vincent Nsengiyumva | Yasomwe n'abantu 1179 | Ibitekerezo

Urukiko Rwisumbuye rwa Nyarugenge rwatesheje agaciro ubusabe bw’ubuyobozi bwa Radiyo Ubuntu butangaje, bwo kuba iyi Radiyo yaba ifunguwe by’agateganyo, mu gihe hategerejwe urubanza rwayo ruri mu nkiko.

Mu minsi ishize nibwo Radio Ubuntu butangaje FM yambuwe ububasha bwo gukora isakazamakuru mu Rwanda, nyuma yo kwinangira kubahiriza ibihano yari yafatiwe na RURA izira ko yatambukije ikiganiro gisebya ndetse kikanatesha agaciro umugore muri Mutarama 2018.

Nyuma yo kwamburwa uburenganzira bwo gukorera itangazamakuru mu Rwanda, Umuyobozi wa Radiyo Ubuntu butangaje, Pasiteri Gregg Schoof yahise yitabaza inkiko ngo zimurenganure, aho agaragaza ko ibyo yakorewe na RURA ari akarengane cyane ko yamufatiye ibyemezo byo kumufuingira Radio bitabanje guca mu nkiko.

Uretse gusaba kurenganurwa, Pasitori Gregg Schoof, yahise anitabaza inkiko asaba ko Radiyo yaba ifunguwe by’agateganyo mu gihe hategereje urubanza rugikomeje.

Mu iburanisha ruheruka ku wa 17 Gicurasi, Urwego Rwigenzura rw’Abanyamakuru (RMC) rwasabye ko Radiyo Ubuntu butangaje icibwa amafaranga angana na Miliyoni eshanu z’amande ngo kuko yayishoye mu rubanza kandi icyemezo cyo gufungirwa cyarafashwe na RURA.

Mu mwanzuro w’urukiko kuri uyu wa Kabiri, rwanzuye ko ubusabe bwo gufungura iyi radiyo by’agateganyo nta shingiro bufite, maze rwanzura ko ikomeza gufungwa.

Ubuyobozi bwa Radiyo bwari bwagaragaje ko ko hari amasezerano iyi radiyo yasinyanye n’abikorera mu kwamamaza, hakiyongeraho n’imisoro bagombaga gutanga none byose bikaba byarahagaze avuga ko biri kumushyira mu gihombo gikabije, bikaba biri mu byo nyashingiragaho asaba ko yaba afunguriwe by’agateganyo.

Ku rundi ruhande urukiko rwanzuye ko ikirego cy’Urwego rw’abanyamakuru bigenzura (RMC) ruregera indishyi ya Miliyoni eshanu z’amafaranga y’u Rwanda kuko yashowe mu rubanza nta mpamvu ,nta shingiro gifite maze umucamanza avuga ko gusaba izi ndishyi bidakwiye gushamikira ku kirego cyihutirwa.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...