AMAKURU

UKWEZI
ubumwe

Uwo umunyamakuru Constantin abereyemo ideni aramwifuriza kugaruka mu rugo

Uwo umunyamakuru Constantin abereyemo ideni aramwifuriza kugaruka mu rugo
24-07-2019 saa 22:25' | By Nsanzimana Ernest | Yasomwe n'abantu 5254 | Ibitekerezo 5

Umunyamakuru Ishimwe Honore umwe mu bo Umunyamakuru Tuyishimire Constantin uvugwaho ko yahunze igihugu abereyemo ideni arifuza ko yagaruka mu rugo kuko amafaranga amubereyemo ataruta umuryango we yasize.

Umunyamakuru Tuyishimire Constantin yabuze ku wa Kabiri w’ icyumweru gishize tariki 16 Nyakanga 2019. Umugore we bamaranye imyaka 8 Placidie Uwabasindi na Radio na TV1 uyu munyamakuru yakoreraga batanze ikirego mu Rwego rw’ Igihugu rw’ Ubugenzacyaha RIB ko uyu munyamakuru yabuze.

Kuri uyu wa Kabili tariki 23 Nyakanga RIB yatangaje ko umunyamakuru Tuyishimire Constantin ari mu gihugu cya Uganda ndetse ko bishoboka ko yaba yarahunze amadeni abereyemo abantu.

KT Press yatangaje ko Constantin Tuyishimire bivugwa ko abereyemo 40,000 Rwf Dominique Habumugisha akagira ideni ry’ ibihumbi 300 afitiye Honore Ishimwe ukora kuri Radiyo Ishingiro ikorera mu karere ka Gicumbi n’ irindi deni ry’ ibihumbi 50 bivugwa ko abereyemo Alphonse Mihanga.

Ishimwe Honore yabwiye UKWEZI ko amafaranga Tuyishimire amurimo ari aya mashine yamutije ikabura bakemeranya ko azayimwishyura.

Iyi mudasobwa yabuze muri Gashyantare 2019, Constantin amubwira ko azayimwishyura ariko akajya amubwira ko yagize utubazo dutuma adahita abona amafaranga yo kumwishyura.

Muri Kamena 2019 Ishimwe Honore na Constantin ngo bagiranye amasezerano yanditse avuga ko Constantin agomba kujya amwishyura ibihumbi 100 buri tariki 10 ahereye muri Nyakanga kandi ayo mafaranga akajya ayamuha buri kwezi.
Tariki 10 Nyakanga Tuyishimire Constantin ngo ntabwo yishyuye Ishimwe ibihumbi 100 nk’ uko babisezeranye.

Ishimwe akomeza avuga ko umunsi Constantin yabuzeho aribwo yari yamubwiye ko bahura akamuha ibihumbi 100.

Ishimwe avuga ko muri kwezi kwa 7 yagiye muri RIB kugaragaza ikibazo afitanye na Constantin kugira ngo bamugire inama y’ uko yakwishyurwa imashini avuga ko agiye kumara amezi arindwi abuze.

Honore Ishimwe avuga ko Tuyishimire Constantin bari basanzwe banye neza n’ ubwo yari amurimo ideni ngo bari bagihuzwa n’ akazi bahuriyeho bagakorana. Aha niho ahera asaba uyu munyamakuru kugaruka mu rugo.

Yagize ati “Ndifuza ko yagaruka kuko amafaranga mbona abereyemo abantu ntabwo ari menshi cyane ku buryo batajya inama y’ uburyo yazishyurwamo buhorobuhoro ariko ntibimuteshe umuryango we n’ akazi, ngo n’ abantu hazemo urunturuntu”.

Amadeni bivugwa ko Tuyishimire Constantin abereyemo abantu ni ibihumbi 390. Umwe mu bantu bamaze igihe babana nawe yatubwiye ko Constantin ahembwa amafaranga arenze ibihumbi 200 buri kwezi ahamya ko atananirwa kwishyura ibihumbi 390.

Ati “Niyo ryaba ideni rya banki ntabwo Constantin yahunga igihugu”.

Tuyishimire Constantin yakoreye ibinyamakuru bitandukanye byo mu Rwanda birimo na City Radio, magingo aya yakoreraga Radio na TV one mu karere ka Gicumbi.

Umwanditsi mukuru wa TV1 Olivier Ngabirano ahamya ko Tuyishimire Constantin nta kibazo cyo mu kazi yari afite.


INKURU ZA :
Tanga Igitekerezo
Ibitekerezo 5
pata Kuya 25-07-2019

mwiriwe! nkurikije iyi nkuru niba ibivugwamo byose Ari ukuri. byaba bibabaje ko umuntu yahunga igihugu ku kabazo nakwita gato nkako agasiga umuryango. ahubwo RIB ikomeze iperereza kuko wasanga Hari nikindi kibyihishe inyuma pee! guhembwa 200 milles ugahunga wananiwe kwishyurira 390 milles? ese kuki yahungiye Uganda ? niho yari gufatwa neza dukurikije nuburyo babaniye abanyarwanda? nagaruke wenda yake ubufasha ariko I mahanga harahanda!!!

claire Kuya 25-07-2019

Nta umuntu utagiri deni ari

Kabebe Kuya 25-07-2019

Irideni ndabona atariryo ryatuma umuntu ahunga keretse niba harikindi

elias Kuya 25-07-2019

Ubwose wowe Honore niba mwarajyiranye amasezerano wajyaga kuri RIB kugira gute? waramuzengereje ahubwo wowe uri mubatumye acaho,gusa niba nawe ahembwa 200,000 yakabaye yaka credit akishyura nawe ahembwa

nintunze Leonard Kuya 25-07-2019

ndashimiye cane abo baheraniwe ama frw ko bamuremesheje ko yogaruka kukazi.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...