konka coffee
KONKA

AMAKURU

UKWEZI
Minijust

Umukecuru Perezida Kagame aherutse kugabira ngo ababazwa n’ uko atarasuhuza Jeannette Kagame

Umukecuru Perezida Kagame aherutse kugabira ngo ababazwa n’ uko atarasuhuza Jeannette Kagame
28-02-2019 saa 17:45' | By Nsanzimana Ernest | Yasomwe n'abantu 5146 | Ibitekerezo

Umukecuru w’ I Nyamagabe witwa Nyiramandwa Rachel avuga ko akunda Perezida Kagame cyane, ngo yatangiye kumunda akimwumva ku Murindi w’ Intwari, magingo aya ari mu byishimo kubera inka yamushumbushije.

Tariki 26 Gashyantare 2019, nibwo Perezida Kagame yasuye akarere ka Nyamagabe, byabaye amahirwe muri Nyiramandwa yokongera kubona Perezida Kagame.

Nyiramandwa tariki 27 Gashyantare yavuze ko yari amaze iminsi asenga asaba Imana ngo izongere imuhuze na Perezida Kagame.

Ati “ Nararwaye ndaremba igifu kiranyica ndavuga nti Mana yanjye mfuye ntongeye kubona Perezida wa Repubulika, Imana irongera iramunyereka. Aho agiye hose mba mwumva mba ndi ku iradiyo yanjye. Iyo avuga ngo aba hariya muranyumva n’ ab’ ino tuba tumwumva”.

Nyiramandwa Rachel atuye mu mudugudu wa Ndiryi, Akagari ka Ndiryi, Umurenge wa Gasaka, mu karere ka Nyamagabe, Yagaragaye mu bikorwa byo kwamamaza Perezida Kagame ubwo yiyamamarizaga kuyobora u Rwanda mu mwaka wa 2010 icyo gihe yari afite imyaka 100.

Muri 2010, Nyiramandwa, umukecuru ukuze cyane, uzi kuganira cyane ndetse usobanukiwe amateka y’ u Rwanda yasabye Perezida inka maze hashize icyumweru kimwe ahita ayihabwa.


Nyiramandwa yahuye bwa 3 na Perezida Kagame tariki 26 Gashyantare 2019 yasuye Nyamagabe

Tariki 26 Gashyantare 2019, uyu mukecuru yegereye Perezida Kagame ubwo yari amaze kuganira n’ abaturage ba Nyamabe, aramwongorera. Televiziyo Isimbi ikorera kuri murandasi yabajije uyu mukecuru icyo yongoreye Perezida Kagame undi asubiza ko yamubwiraga ko inka yamugabiye yapfuye.


Rachel Nyiramandwa yahuye bwa mbere na Perezida Kagame muri 2010, ubwo yiyamamarizaga manda ya kabiri

Perezida Kagame yabajije uyu mukecuru niba anywa amata asubiza ko ayanywa ayaguze, Perezida Kagame ahita amwemerera kuzamuha indi nka ikamwa.

Nyiramandwa afite imyaka 109, ngo yavutse ku ngoma ya Musinga , Rudahigwa yima ingoma yari inkumi isabwa.

Uyu mukecuru avuga ko yabyirutse yambara inkanda, n’ inshabure. Avuga ko yakoze muri shiku akaba yaranakubitwaga iyo yabaga atamaze igipimo bamupimiye. Yishimira cyane ubuyobozi bw’ u Rwanda kuko kuri ubu ntawe ugikubitwa mu gihe babyiruka bakubitwaga ibiboko n’ imivumu.


Perezida Kagame yahuye bwa Kabiri na Nyiramandwa mu bikorwa byo kwiyamamaza muri 2017

Nyiramadwa Rachel ukunda amata, Ati “Nabyirutse nywa amata ntabere nonse niyo mpamvu nkunda amata, sinzi mama. Namenye ubwenge ndi kwa masenge, niho nasabwe mba . Data baramubwiye ngo aze ankoshe , aravuga ngo nta nkosha siwe wandeze”.

Uyu mukecuru yavukiye Nyaruguru aranahashyingirwa ntiyabyara ataha busumbakazi I Nyamagabe , bivuze ko ashaka I Nyamagabe yari ashatse bwa kabiri.

Uyu mukecuru yabajijwe icyifuzo afite avuga ko ikifuzo afite ari ugusabira Perezida ngo urukundo afite azarusazane.

Muri iki gihe hari abavuga ko umuco wacitse ariko Nyiramandwa we avuga ko umuco uriho ubu ariwo mwiza, ngo abantu bambara imyenda, ngo ntibakivumana, ntibagitukana nk’ uko kera byahoze.

Nyiramandwa avuga ko abakibyiruka bakwiye gukomeza umutima nk’ uwa Perezida Kagame kugira ngo Jenoside yabaye mu Rwanda ntizongere kubaho ati “Abakibyiruka icyo nababwira ntibazakore ibyo ab’ inyuma bakoze, abishe abantu twabashize inyuma”

Nyimandwa avuga ko atarasuhuza Jeannette Kagame, ngo yigeze kujya gusuhuza Jeannette Kagame barabimwangira ati “Byarambabaje n’ ubu biracyambaje”


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...