konka coffee
KONKA

AMAKURU

UKWEZI

Alarm Ministries yakoze igitaramo cy’amateka mu mbyino n’imyambarire bidasanzwe-Amafoto

Alarm Ministries yakoze igitaramo cy’amateka mu mbyino n’imyambarire bidasanzwe-Amafoto
23-10-2017 saa 08:43' | By Vincent Nsengiyumva | Yasomwe n'abantu 5546 | Ibitekerezo 1

Ku mugoroba wo kuri iki cyumweru tariki ya 22 Ukwakira 2017, Alarm Ministries yakoze igitaramo kidasanzwe cyiswe “True Worship Atmosphere” mu ndirimbo zo kuramya no guhimbaza Imana cyaranzwe n’ubwitabire bwo ku rwego rwo hejuru, imbyino zidasanzwe ndetse n’imyambarire itari imenyerewe kuri aba baririmbyi.

Alarm Ministries ni umwe mu miryango ihuza abakirisitu ikomeye mu Rwanda, imaze imyaka irenga 18 itangijwe. Mu gitaramo cy’agatangaza yakoreye muri Dove Hotel, hanafatiwemo amashusho y’indirimbo zigize album yayo ya cumi bari kwitegura kumurikira abakunzi bayo mu mperra z’uyu mwaka.

Iki gitaramo cyakoze ku mitima y’imbaga yari yacyitabiriye, cyagaragayemo udushya dutandukanye nk’imiririmbire itari imenyerewe y’injyana n’indirimbo zo mu bihe bya kera za gakondo, imbyino zidasanzwe ndetse n’imyambarire idakunze kugaragara mu baririmbyi bo muri iki gihe.

Uretse Alarm Ministries yataramiye abakunzi bayo, banafatanyiuje n’andi matsinda yo kuramya no guhimbaza Imana arimo True Promises Ministries, Healing Worship Team na Gisubizo Ministries.

Umuyobozi wa Alarm Ministries Mazeze Charles yavuze ko batunguwe no kubona ubwitabire budasanzwe mu gitaramo cyabo, ashimangira ko Imana yabakoreye ibirenze ibyo bayisabye.

Yagize ati “Turishimye cyane kuko Imana yadukoreye ibikomeye. Byantangaje kubona ubwitabire bwabonetse hano hantu, mu by’ukuri nk’uko Bibiliya ivuga ngo ‘Ishobora gukora ibirenze cyane ibyo twayisabye’ icyo nabasha kuvuga yadukoreye ibirenze ibyo twayisabye. Abantu babaye benshi kugeza ubwo bahagarara hanze abandi basubirayo kubera kubura aho bicara.”

Mazeze yakomeje avuga ko iki aricyo gitaramo cya mbere Alarm Ministries ikoze cyitabiriwe cyane mu bitaramo byose bagiye bakora, anavuga ko byanabanejeje cyane uburyo bagaragaje gakondo mu ndirimbo baririmbye ndetse n’imyambarire, ashimangira ko kugaruka ku ndirimbo zo ha mbere bibafasha gukomeza kuzizsigasira kugira ngo zitazazima.

Iki gitaramo Alarm Ministries yakoze yakiririmbiyemo indirimbo 17, murizo 12 zikaba zizagaragara muri Album nshya barimo gutegura kumurikira abakunzi bayo mu mpera z’uyu mwaka, amwe mu mashusho yazo akaba yafatiwe muri iki gitaramo.

Abaririmbyi ba Alarm Ministries bakunze kugaragara mu mbyino zidasanzwe

Baserutse no mu myambaro itamenyerewe mu baririmyi mu rwego rwo gukomeza gusigasiro gakondo

Iyi myambarire yatunguye benshi

Baririmbye indirimo zizgera kuri 17 abakunzi babo bataha banyuzwe

Iki gitaramo cyashimishije abantu

Iki gitaramo cyari kibereye ijisho

Iri tsinda rigizwe n’abasore n’inkumi bafite amajwi adasanzwe

Umuyobozi wa Alarm Ministies Mazeze Charles yavuzze ko batunguwe n’ubwitabire babonye muri iki gitaramo

Iki gitaramo cyitabiriwe ku buryo budasanzwe

Abantu benshi babuze aho bicara bakurikirana iki gitaramo bahagaze


INKURU ZA :
Tanga Igitekerezo
Ibitekerezo 1
Laurent Kuya 23-10-2017

I really don’t get the meaning of this title “igitaramo cy’amateka mumbyino no mu myambarire†!! Ni defile de mode se bari harimo?

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...