AMAKURU

UKWEZI

Iby’umuyobozi w’Itorero Inkuru Nziza wagaragaye yikinisha byahagurukije Komite idasanzwe

Iby’umuyobozi w’Itorero Inkuru Nziza wagaragaye yikinisha byahagurukije Komite idasanzwe
15-02-2018 saa 14:28' | By Akayezu Jean de Dieu | Yasomwe n'abantu 6940 | Ibitekerezo 6

Nyuma y’amahano yagaragaye ku muvugizi mukuru w’Itorero Inkuru Nziza mu Rwanda, Pastor Ngaboyisonga Theoneste wagaragaye mu mashusho yakwirakwijwe ku mbuga nkoranyambaga arimo kwikinisha, kuri ubu bamwe mu bayobozi b’iri torero bitandukanyije n’uyu muyobozi wabo maze bashyiraho icyo bise ‘Komite igamije kugarura isura nziza mu itorero’.

Kuri uyu wa Kane tariki 15 Gashyantare 2018, nibwo iyi komite yamurikiwe ku mugaragaro itangazamakuru aho igizwe n’abayobozi barimo; Umuyobozi wa Komite ishinzwe kugarura isura nziza y’itorero Inkuru Nziza, Kamanugire Elijah, uyu akaba ari n’Umubitsi ku rwego rw’Intara ya Kigali, undi mu Pasiteri uri muri iyi komite ni Pastor Muhirwa Josue, Pastor Ruzindana Rambert, Umunyamabanga muri Region ya Kigali.

Harimo kandi Pastor Bazatsinda Fred; Umuyobozi wungirije muri Kigali, Pastor Biziyaremye Leonce ushinzwe imirimo y’ivugabutumwa mu Ntara ya Kibungo, ndetse na Ev. Gikundiro Rwamigabo James ushinzwe ivugabutumwa mu Ntara ya Kigali.

Pasiteri Kanamugire Elijah ari nawe muyobozi mukuru w’iyi komite yavuze ko iyi komite yabo ishingiye ku Ijambo ry’Imana ndetse uyu yanashimangiye ko kugeza ubu uyu wari umuvugizi wabo yamaze guhagarikwa kuri ubu ari umuyobozi mu biro gusa kuko aho ageze mu matorero agiye kwigisha abakirisitu basohoka kubera ko Imana yamaze kumukuraho. Yakomeje avuga ko ibyo bari gukora bari kwifashisha Bibiliya ndetse icyo bagamije ari ukuvugira Itorero ryose muri rusange.

Yagize ati “Hari umugani abanyankore bo muri Uganda baca bati ‘ Ikinyoma cyabyutse kare ukuri kugitangayo, ibi tuvuga biri hejuru kandi impamvu turi aha ntabwo ari ukurwanira ubuyobozi ahubwo ni ukurwanira ubusugire bw’Izina ry’Imana niyo mpamvu twakoresheje imirongo ya Bibiliya, muzabona muri Bibiliya hari abandi batabashije kuyobora Imana ibakuraho natwe rero tugiye kumukuraho atari ukugirango biteze akaduruvayo ahubwo turavugira Itorero”

Ev. Gikundiro Rwamigabo James ushinzwe ivugabutumwa mu Ntara ya Kigali we yagize ati “Iyi komite igomba kwita ku cyo Bibiliya ivuga aho kwita ku byo abantu bavuga, ndetse ibyagaragaye ku muvugizi w’Itorero ryacu twebwe ibyo byose turashaka kubirenza amaso tugakomeza imirimo y’Imana kuko we inteko rusange yamukuyeho kandi uburyo umuyobozi ajyaho n’uko ashyirwaho byose bigaragara muri Bibiliya”

James kandi akomeza avuga ko bakomeza gushaka umuyobozi mushya wayobora iri torero dore ko uyu muvugizi mukuru we bamaze kumwambura inshingano binyuze mu nteko rusange yateranye.

Iyi komite yabonye ibibazo by’ingutu biri mu Itorero

Aba ni abagize Komite Ishinzwe kugarura Isura Nziza mu Itorero Inkuru Nziza

Nk’uko bigaragara mu Itangazo rigenewe abanyamakuru ryashyizwe ahagaragara n’Abagize iyi komite bavuga ko hari ibibazo by’ingutu babonye bikomeje kugariza iri torero ari nabyo ahanini byabateye guhaguruka bagafatanyiriza hamwe mu kugarura isura nziza mu itorero ryabo.

Iyi komite ivuga ko hashize imyaka itatu nta Nama rusange iba kandi ubundi iba igomba kuba rimwe mu mwaka. Bavuga kandi ko kugeza ubu batazi uko umutungo w’Itorero ukoreshwa muri iyo myaka 3 yose nta ngengo y’Imari igaragazwa nta na raporo y’umutungo itangwa. Bavuga ko ibigo by’itorero byinjiza amafaranga birimo Ibigo by’amashuri, ibitaro n’ibindi ntawe uzi imikoreshereze n’imicungire yabyo.

Hari n’ikindi iyi komite igaragaza kirimo kuba tariki ya 1 Gashyantare 2018, harabaye Inteko rusange yatumijwe n’umuvugizi Theoneste kandi atayiteguranye n’abo bakorana.

Abagize iyi komite baratabaza inzego bwite za Leta kwinjira muri iki kibazo

Abagize iyi komite bavuga ko basaba inzego bwite za Leta n’abakirisitu muri rusange kumenya ko itorero Inkuru Nziza rikiri itorero kandi rigendera ku mahame n’imyemerere ya gikirisitu ndetse na Bibiliya. Bavuga kandi ko inzego bireba n’imiryango ya gikirisitu bakomeza gufasha iri torero kugarura umwuka mwiza n’isura nziza isimbura iyo ryambitswe n’umuvugizi waryo ubwo yagaragaraga arimo kwikinisha.

Aba bayobozi b’iyi komite kandi bavuga ko basabye ko Umuvugizi w’Iri torero, Ngaboyisonga Theoneste ko yarekeraho kugandisha abakirisitu bamwe bo muri iri torero

Itorero Inkuru Nziza mu Rwanda ryatangiye gukora muri 1961 ariko riza kwemererwa gukorera mu gihugu mu 1962, aho ryagiye rikora ibikorwa binyuranye mu Rwanda

Iri torero rifite amatorero 190 mu gihugu hose, rikaba rifite ibitaro biri i Gikondo, rikagira n’ishami. Iri torero rifite ibigo by’amashuri ari ayisumbuye n’abanza, aho banafite ikigo cy’amahugurwa kiri i Gihogwe mu karere ka Gasabo, Umujyi wa Kigali.

Umuyobozi wa Komite ishinzwe kugarura isura nziza y’itorero Inkuru Nziza, Kanamuugire Elijah (Wambaye lunette)

Pastor Bazatsinda Fred Umuyobozi wungirije muri Kigali (Ufite mikoro), na Ev. Gikundiro Rwamigabo James Ushinzwe ivugabutumwa mu Ntara ya Kigali


INKURU ZA :
Tanga Igitekerezo
Ibitekerezo 6
NI BIBI Kuya 4-06-2018

ESE BO NTIBIKINISHA ? UWABAFOTORA KABIRI CYANGWA GATATU MURI TOILETTE MAZE AMAFOTO CGA VIDEO AKABIHUZA WAIRANGO BASAZE. NGAYO NGUKO.

CYOKOZE URIYA MUGABO N’IGIHE AMAZE ABAYOBORA YARAGERAGEJE.

UZIKO DAWIDI YATINYE GUSOGOTA SAWURI?

BA URETSE UZAREBA UWO IMANA YIMIKISHIJE AMAVUTA. BAZAJYA HE?

betty Kuya 26-02-2018

NTABWO BAKOZE NEZA GUKURAHO UMUVUGIZI...ESE NIKI KIBABWIRA KO ARI UKURI KOKO NINDE WAFASHE UMUGABO MUKURU NKURIYA YIKINISHA??? BIRASHOBOKA CYANE RWOSE KO ARIKINYOMA CYAMBAYE UBUSA.HUBWO KUMUKURAHO NIBYO BIBI KUKO MURAHA IJAMBO ABAPAGANI NGO BAKUNDE BATUKE IZINA RYIMANA

PP Kuya 22-02-2018

NGESIMBYEMEYE YIKINISHIRIZAGA KWIREMBO CYANGWA MURUSENGERO IMBERE YABAKRISTU? KUKI BITABA UKUMUSEBYA BIFITE GIHAMYA KI?AHAA

Munyembabazi Diogene Kuya 16-02-2018

Kenshi itorero rigereranywa n, umuryango kandi koko ni umuryango w, abizera. Yesu kristo aba aribereye umutwe natwe abaririmo turi ingingo zuzuzanya. Yesu rero yarimeneye amaraso byunvikana ko arihoza ku mutima. Ubwo Petero yabonaga umuroma w, umusirikare agiye gusumira Kristo, yatabaye vuba yikura inkota ashaka guca uwo musirikare ijosi arahusha amuca ugutwi! Ariko Yesu yamubujije kurwana ahubwo afata ugutwi k, umwanzi agusubizaho! ni isomo rikomeye ku bizera, uko tubona ibintu mu itorero burya siko Kristo abibona, turasabwa gusenga cyane no kumwegera byimbitse kuko ubwe aba afite icyo abitekerezaho. ishyaka ry,inzu y, Imana niryiza ariko hashingiwe ku rugero RW,imibanire n, abana mu muryango

bwimba Kuya 15-02-2018

iyi komite irimo Bazatsinda ikabamo James ikabamo Yosuwa,muyitege kuko niba INKURUNZIZA itazemera kujya kumurongo ababo ndabiyiziye ntamikino,sha reka niturize agahu gahuye numunyutsi,bose amatorero bayobora niyo mazima munkurunziza,uzanye imikino baramwereka

John Kuya 15-02-2018

Iyi komite yari yaratinze, igire vuba ishyire ibintu byose kumurongo

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...