AMAKURU

UKWEZI

Kigali: Urusengero rwa Bishop Rugagi n’urw’Inkuru Nziza zafunzwe

Kigali: Urusengero rwa Bishop Rugagi n’urw’Inkuru Nziza zafunzwe
13-02-2018 saa 18:30' | By Vincent Nsengiyumva | Yasomwe n'abantu 6589 | Ibitekerezo 7

Urusengero Redeemed Gospel Church rw’umuvugabutumwa umaze kwamamara kubera ibitangaza akora abinyujije mu buhanuzi Bishop Rugagi Innocent ndetse n’urw’Itorero Inkuru Nziza ziherereye mu Mujyi wa Kigali rwagati zafunzwe nyuma yo kutubahiriza ibyo zasabwe gukosora n’Akarere ka Nyarugenge.

Ku gicamunsi cyo kuri uyu wa Mbere tariki ya 13 Gashyantare 2018 nibwo ubuyobozi bw’akarere ka Nyarugenge bwashyize ingufuri kuri izi nsengero zombi nyuma y’igenzura ryakozwe bagasanga bataruzuza ibyo basabwe gukora kugira ngo bakorere muri uyu mujyi bidateje ikibazo.

Amakuru agera ku Ukwezi.com avuga ko urusengero rwa Bishop Rugagi rwafunzwe kubera ko rubangamira abaruturiye, aho bavuga ko basakurizwa mu gihe cy’amateraniro akunze kuhabera buri munsi.

Bivugwa ko Akarere ka Nyarugenge kari kahaye izi nsengero zombi amabwiriza y’ibigomba guhindurwa, nyuma hakozwe igenzura basanga nta cyakozwe ari nabwo hahise hafatwa umwanzuro wo kuba zishyizweho ingufuri.

Ibi bibaye mu gihe urusengero rwa Reedemed Gospel Church rwa Bishop Rugagi hari gahunda y’amasengesho y’iminsi 77 yahawe izina rya "Habwa’’ yagombaga kuzajya aba buri munsi nimugoroba.

Twagerageje kuvugana n’Ubuyobozi bw’izi nsengero ubwo twandikaga iyi nkuru ngo batubwire impamvu y’ifungirwa ntibyadukundira.


Urusengero rwa Bishop Rugagi ruherereye mu mujyi wa Kigali rwagati rwafunzwe n’ubuyobozi bw’akarere ka Nyarugenge


Itorero Inkuru Nziza naryo ryashyizweho ingufuri


INKURU ZA :
Tanga Igitekerezo
Ibitekerezo 7
mico Kuya 21-02-2018

Uzafunge nutubari abasinzi barara batega abanu

jack Kuya 19-02-2018

bubahirize amategeko yigihugu

DADA Kuya 15-02-2018

WAMUGANI KO NABWO MUFUNGA TUKABARI?

Rwarakabije Kuya 15-02-2018

Ntibyoroshye nimubabwire bige kubwiriza mumarenga.

dada Kuya 14-02-2018

Nonese gufunga insengero nugukemura ikibazo?Ko mudafunga utubari nutubyiniro?

MJ Kuya 14-02-2018

wasengera abantu bangana kuriya ute utavuga cg ngo ukoreshe indangururamajwi? ikibi ni ukubuza abantu gusinzira kandi amasaha basengera abantu baba batararyama cyane ko mu mugi abenshi bahakorera bataha hanze yawo

Nkunda Kuya 13-02-2018

Ubwo bamaze gihe bataribwirije none inyaka zimaze zikorera cg bahasengera sha nibwa bukene bunuba bagomba nabo gutanga bya Caisari ikigega cyarakamye none na Gikundiro na Cyagikona mwabonye ko baswiswirizwe muhaguruke musengere Rwanda mihagaze.

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...