konka coffee
KONKA

AMAKURU

UKWEZI

Korali Amahoro igiye gukora igitaramo cy’imbaturamugabo kizasana imitima ya benshi

Korali Amahoro igiye gukora igitaramo cy’imbaturamugabo kizasana imitima ya benshi
22-12-2017 saa 21:47' | By Vincent Nsengiyumva | Yasomwe n'abantu 1054 | Ibitekerezo 1

Korali Amahoro ikorera umurimo w’Imana mu Itorero rya Pentekote (ADEPR) I Remera, yateguye igitaramo gikomeye cyo gushima Imana muri izi mpera z’umwaka aho izanatanga ubutumwa bwo gutanga ihumure no gushimangira umurongo bihaye wo gutanga umusanzu wabo mu kubaka amahoro arambye.

Iki gitaramo kizaba ku itariki 31 Ukuboza 2017, kuri ADEPR Paruwase ya Remera kuva saa kumi n’imwe z’umugoroba, aho Korali Amahoro izaba inishimira imyaka 23 imaze itangiye gukora umurimo w’Imana ndetse inatanga ubutumwa bw’amahoro ibinyujije mu bikorwa binyuranye yise “Amahoro Iwacu Celebration’’.

Korali Amahoro izafatanya n’ abahanzi batandukanye, itsinda ryamenyekanye cyane mu ndirimbo zikunzwe zo kuramya ryitwa "New Melody " ndetse n’andi makorari ya ADEPR Paroise ya Remera.

Mu kiganiro na Perezida wa Korali Amahoro, Ntakirutimana Zacharie, yavuze ko batangije ibibitaramo nk’ibi kuva muri 2014 mu ntego yo kwimakaza umuco wo gusigasira amahoro n’ibindi byiza byinshi Imana igenda igeza ku Rwanda n’itorero muri rusange, bigakorwa binyuze mu nzira yo gushimira Imana intambwe imaze gutewa, no gukomeza gusabira igihugu umugisha.

Uretse iki gitaramo gikomeye Korali Amahoro iri gutegurira abakunzi bayo bose, hari ibindi bikorwa bikubiye muri gahunda yabo bise ‘Amahoro Iwacu Celebration 2017’ zirimo ibitaramo byo gusigasira umuco w’amahoro, ibiganiro n’inyigisho, ibitaramo by’umugoroba w’umukiro n’ihumure (Healing Worship Night) bizabera kuri Kigali Marriott Hotel tariki ya 29 Ukuboza 2017 guhera saa kumi n’ebyiri z’umugoroba, bikaba biugenewe abayobozi bakuru b’amatorero, inzego bwite za Leta, imiryango ya Gikirisitu n’ibindi bigo byigenga bikorera mu Rwanda, aho kwinjira bizaba ari ukwerekana ubutumire.

Ibi bikorwa bikubiye mu ‘Amahoro Iwacu Celebration 2017’ bizasozwa n’igikorwa gikomeye cyo kubakira inzu umuryango utishoboye warokotse jenocide yakorewe Abatutse mu 1994.

Ubuyobozi bwa Korali Amahoro buvuga ko iki gitaramo bacyiteguye mu buryo budasanzwe kandi ko abakunzi bayo bose bararitswe cyane ko kwinjira bizaba ari ubuntu mu rwego rwo kurangiza umwaka bishimana ndetse banishimira byinshi bagezeho.


Korali Amahoro izakora igitaramo kizatangirwamo ubutumwa buzasana imitima ya benshi


INKURU ZA :
Tanga Igitekerezo
Ibitekerezo 1
gatera Albert Kuya 26-12-2017

Korari Amahoro. Imana ibahe umugisha yo kuyikorera mutegura igitaramo cy’ isanamitima

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...