konka coffee
KONKA

AMAKURU

UKWEZI

Musenyeri Mbanda yatorewe kuyobora Itorero ry’Angilikani mu Rwanda

Musenyeri  Mbanda yatorewe kuyobora Itorero ry’Angilikani mu Rwanda
17-01-2018 saa 15:00' | By Uwimana Eugene | Yasomwe n'abantu 1431 | Ibitekerezo 1

Kuri uyu wa Gatatu tariki 17 Mutarama 2018 Abepisikopi b’Itorero Angilikani mu Rwanda batoye Dr Laurent Mbanda kuyobora Itorero Anglicani mu Rwanda, asimbura Archbishop Rwaje Onesphore wagiye mu kiruhuko cy’izabukuru.

Dr Mbanda yatowe n’Inama y’Abepiskopi ba Angilikani yateraniye i Kigali muri Katederali yitiriwe Mutagatifu Sitefano iherereye mu Kiyovu.

Musenyeri Dr Laurent Mbanda watorewe kuyobora Angilikani mu Rwanda, yayoboye Diyosezi ya Shyira kuva kuva 2010 kugeza muri Werurwe Umwaka ushize, akaba yarasimbuwe na Musenyeri Samuel Mugisha Mugiraneza wakomereje aho yari agejeje.

Dr Mbanda w’imyaka 64 y’amavuko yavukiye mu Rwanda ariko aza gukurira mu gihugu cy’Uburundi aho yari yahunganye n’ababyeyi be, aza kuhigira amashuri abanza n’ayisumbuye.

Dr Mbanda yamenyekanye cyane mu bikorwa byo gufasha abana no guteza imbere uburezi, aho yashyize imbaraga mu burezi ubwo yayoboraga Diyosezi ya Shyira ku buryo mu myaka ikabakaba muri 7 yahamaze yasize hashinzwe ibigo by’amashuri y’abana b’incuke 217. Mbanda kandi arera abana 30 b’imfubyi.

Bishop Dr Mbanda ubu ugiye kwitwa Archbishop, yakoze muri Compassion International kuva mu 1993 nk’umukozi, nyuma aza kuba umuyobozi wungirije. Yanabaye mu nama y’ubuyobozi bw’icyahoze ari KIE ndetse agenda ahabwa inshingano zitandukanye mu bigo binyuranye hano mu Rwanda.


INKURU ZA :
Tanga Igitekerezo
Ibitekerezo 1
Mob Kuya 17-01-2018

Yakuriye I kigamba ho my cankuzo/Burundi ajya USA 1976

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...