AMAKURU

UKWEZI

Padiri Ubald usengera abantu bagakira SIDA arakusanyirizwa inkunga y’imodoka ya 83.000.000

Padiri Ubald usengera abantu bagakira SIDA arakusanyirizwa inkunga y’imodoka ya 83.000.000
24-03-2017 saa 09:57' | By Chief Editor | Yasomwe n'abantu 19686 | Ibitekerezo 23

Padiri Ubald Rugirangonga, amaze kwamamara mu Rwanda no hanze kubera impano idasanzwe afite yo gusengera abarwayi bagakira ubumuga butandukanye n’indwara zikomeye ziba zarananiye abaganga b’inzobere zirimo nka SIDA, Kanseri n’izindi. Ubu arimo gukusanyirizwa inkunga kugirango agurirwe imodoka ifite agaciro k’amafaranga y’u Rwanda arenga 80.000.000 izamufasha gukora neza akazi k’ivugabutumwa no gusengera abarushye n’abaremerewe.

Nk’uko bigaragara ku rubuga rwa Gofundme rumenyereweho kwifashishwa mu gukusanya inkunga zo gufasha abantu batandukanye, hari umunyamerika watangije igikorwa cyo gukusanya inkunga y’amadolari ya Amerika 100.000, ni ukuvuga arenga miliyoni 83.000.000 uyabaze mu mafaranga y’u Rwanda, akaba ari ayo kugura imodoka ya Padiri Ubald Rugirangoga. Ubu butumwa, na Padiri Ubald yabusangije abantu ku rubuga rwa facebook asanzwe akoresha avugaho ibikorwa bye by’ivugabutumwa.

JPEG - 114.7 kb

Ubu butumwa busaba abantu gufasha Padiri Ubald bwatanzwe n’uwitwa Mary K Long uvuga ko yagiye afasha uyu mupadiri mu masengesho yakoreye muri Leta Zunze Ubumwe za Amerika, ndetse akaba yaraje no mu Rwanda mu kwezi k’Ukuboza 2016 akaba ari mu bamufashije gukora filime mbarankuru ye.

Avuga ko Padiri Ubald, mu myaka itanu ishize yakoresheje imodoka ye agenda ingendo zingana n’ibilometero birenga 400.000 afasha abantu kugarura ihumure baba abo mu Rwanda, mu Burundi no muri Congo, none ubu ikaba ishaje kuburyo idashobora gukomeza kumufasha neza kujya mu masengesho ye aba yitabiriwe n’abantu ibihumbi byinshi. Intego y’uwatangije iki gikorwa, ni uko mu mpeshyi ya 2017 Padiri Ubald yagurirwa imodoka nshya imufasha mu mirimo yo kwitanga no kwitangira abantu asanzwe akora, iyo ikaba ifite agaciro k’amafaranga y’u Rwanda arenga 83.000.000. Muri izi miliyoni zose zisabwa, abamaze kugira icyo batanga bamaze kugeza mu yabarirwa muri 2.100.000 uyabaze mu mafaranga y’u Rwanda.

Niba nawe ushaka kumushyigikira KANDA HANO

Ubald Rugirangoga ni umupadiri w’imyaka 62 y’amavuko wo muri Diyosezi ya Cyangugu ariko azenguruka ibice bitandukanye by’igihugu asengera abantu, akanagera mu bihugu bitandukanye byo hirya no hino ku isi akora uyu murimo wo gukiza abarwayi akoresheje isengesho. Aho bizwi ko uyu mupadiri ajya gusengera, abantu baba ari uruvunganzoka imihanda yose batwaranira kudatangwa n’amasengesho ya Padiri Ubald.

JPEG - 220.8 kb

Uretse kuba mu Rwanda hose bimaze kumenywa na benshi ko amasengesho ya Padiri Ubald akiza indwara zananiye abaganga akanavura ubumuga busanzwe budakira, no mu mahanga hirya no hino bamaze kumumenya kuburyo nko muri Leta Zunze Ubumwe za Amerika ajyayo kenshi buri mwaka.

Padiri Ubald ufite iyi ngabire yo gusengera abarwayi bagakira, avuga ko iyo arimo gusenga hari ibyo yerekwa, ndetse we akaba aba abireba nk’ureba filime. Gukiza abarwayi ntabyiyitirira, ahubwo avuga ko bikorwa na Yezu wabikoze kera kandi yasubira mu ijuru agasiga avuze ko abazamwemera nabo bazakora nk’ibyo yakoze mu izina rye.

Padiri Ubald asobanura ko ibi byatangiye kuba mu mwaka w’1987, ariko icyo gihe akaba yarasengeraga abantu, hashira igihe bakazajya bamugaruka imbere bamuha ubuhamya ko hari uburwayi cyangwa ubumuga bakize, kandi ko bakiriye mu masengesho ye. Nyuma y’imyaka 4, ni ukuvuga mu mwaka w’1991, nibwo noneho yatangiye kujya abona ayo mashusho, akerekwa uburwayi bwa bamwe ndetse bagataha noneho bakize.

JPEG - 56 kb

Asobanura kandi ko iyo asenga yerekwa uburwayi abantu batandukanye baba bafite, bamwe bagahita batangira ubuhamya aho ko bakize, abandi bakamushaka nyuma bakamwibwirira ko bakijijwe n’isengesho rye. Indwara z’ibyorezo nka Kanseri, SIDA, Diyabete n’izindi zidakira cyangwa zikira bigoranye, hari benshi bagiye batanga ubuhamya ko bazikiriye mu masengesho ya Padiri Ubald.


INKURU ZA :
Tanga Igitekerezo
Ibitekerezo 23
Jmv Kuya 12-04-2017

Ibyo nibitangaza byo muminsi y,imperuka musome ibyanditswe Byera murabona ibisubizo byibibazo mwibaza matayo7:21-23 ibyahish 13:14 1abakorint3:18-20 2abikorint11:14-15 abantu bitaye kubiboneshwa Amaso y,umubiri aho kwita kwiherezo ryabo niyo mpamvu bayobye batabizi?byorohera nababayobesha ibitangaza,ariko ntimukirengagize igitangaza gikomeye yesu yakoze:ubwo umwenda wari ahera watabukaga,biduhesha kwigirayo twese kubw,amarasoye no kumwizera kuko ariwe nzira n,ukuri,ahubwo natabare pe,ariko nibyahanuwe bisohora .

x Kuya 6-04-2017

arko ntimukumve nabi nonese we ntakenrye kuvuga ubutumwa bimworoheye kd nabakritsu bashaka kuyimugurira kuki muhita musuka amagambo atari meza

Petty Kuya 6-04-2017

Ureste niriya modoka, yaguze isambu ya 250,000,000Fr ari kubakaho IBANGA RY’AMAHORO riri mu Karere ka Risizi. Mwe mubirwanya rero nimuceceke mugumane ibyanyu, Frw yanyu muyajyane mu tubari, utubyiniriro no mu mikino. Ko ushishikazwa n’uko ikipe y’umupira w’amaguru y’iburayi yatsinze se hari igikombe cyayo wari wazana mu Rwanda? Iyi modoka izakorers abanyarwanda, itange imisoro mu Rwanda,.... Ahubwo twihutire kunganira abashyigikiye iki gitekerezo. Nyagasani ukijye imbere .

Honette Kuya 28-03-2017

Ariko mwabaye mute agomba kugurirwa imofoka ikomeye agendamo ajyakuvuga ubutumwa kuko n,lmana dusenga irakomeye ibyokumugurira iyicyumweru kimwe itazatuma agera ahoyavugira ubutunwwa Neza hoya ahubwo twese dufatanye dukusanye iyinkunga kuko biratureba peee lmana ibibemo

lea Kuya 28-03-2017

Mujye mutwara ibintu uko biri mureke gutangira guca imanza no kugereranya ibitagereranywa, Padiri siwe urigusaba inkunga, ni umukristu wo muri America wafashijwe n’inyigisho atanga ,atanga igitekerezo cyo kumufasha kubona imodoka imufasha gukomeza ubutumwa aho agenda hose, Kandi si muri America ajya honyine n’ibindi bihugu abijyamo,abatangiye kubigereranya nayamaturo abapasteri birirwa bishyuza ntaho bihuriye.

gahungu Kuya 27-03-2017

Nta Ubald nta na Rugagi, bose niabatekamitwe; none se Ubald yasanze muri Amerika ariho hari imbabare cyane ku buryo ariho akorera ingendo nyinshi kurusha ahandi ku isi?

gahungu Kuya 27-03-2017

Nta Ubald nta na Rugagi, bose niabatekamitwe; none se Ubald yasanze muri Amerika ariho hari imbabare cyane ku buryo ariho akorera ingendo nyinshi kurusha ahandi ku isi?

hhhh Kuya 27-03-2017

haraho numvise imodoka bashakira umukiriya kandi numvise ngo ni
3.000.000frs eshatu gusa bamugurire iyo andiharibenshi yafasha nko mubitaro nahandi

claudine Kuya 25-03-2017

Ubwo nawe araje, mu minsi itaha muzumva avuga ko Imana yamuguriye V8 cg Range lover...

TURATSINZE DESIRE Kuya 25-03-2017

PADIRI IBARDI TURAMUSABA NGO ASENGERE ABAROZI BAREKE KWANGIRIZA NOKWICA INZIRA KARENGANE KUMUSOZI WIWACU IRWIMBOGO BYAYOBYE

mami Kuya 25-03-2017

Agenze mu modoka ijyanye n’Ubushobozi bwe ntiyagera aho ajya? Guteka imitwe ushaje ni agahinda. Ngo kuvurwa iki?

umusomyi Kuya 24-03-2017

This is fake numuntu umwiyitirira

iganze Kuya 24-03-2017

Icyo gitekerezo ni inyamibwa rwose. Nanjye muri bicye cyangwa byinshi Imana izampa gutunga muri uyu mwaka sinabura mu bazatera inkunga iki gikorwa. Ni ukuri aravunika bikomeye, sinzi impamvu twese abafashijwe n’isengesho rye twatinze kubitekereza, kuko aratinda akagwira.
Nta mpamvuy’imodoka idakomeye, kuko Imana akorera irakomeye

J.P. Kuya 24-03-2017

Ibyo Padri Ubald akora mu izina RYA Yezu ukiza ni byiza. Ariko iyo modoka iguze ayo mafranga sinyumva. Bazamugurire iya 30,000,000rwf, andi atabare abakene dufite.

bebeto Kuya 24-03-2017

nonese ko muvugako hari umunyamerika watanze 100.000$ na none mukavugako hamaze kubomeka 2.100.000frw ubwo izo nkuru ntizivuguruzanya

Ngabo Kuya 24-03-2017

Padiri mubyeyi: inyamaswa idakenga yishwe n’abatutizi. Ibi binyamakuru aho bukera bizagusenyera ubutumwa. Wagiye ubiyama bakareka kuguteza rubanda. Utazi gusesengura agirango ni ukugukunda, ashwi daa.Baba bagira ngo babandi babone aho bahera batuka Kiriziya.

bagirigomwa j d amour Kuya 24-03-2017

TURAMUSHYIGICYE

JUDO Kuya 24-03-2017

AGURIWE SE IYA 5,000,000FRW YO NTIYAMUFASHA KUVUGA UBUTUMWA?????

Mujye musobanukirwa Kuya 24-03-2017

iki gitekerezo cyo gukusanya inkunga ni umukristu wo muri America wagitekereje akigeza ku bandi ntabwo ari Ubald ubwe watangaje ko ashaka ariya mafaranga. mujye musoma inkuru neza.

Mahoro Kuya 24-03-2017

Kuri iki gihe, hari inkuru usoma ikagusigira ibibazo 1000.Umenya uwareka gusoma Ibinyamakuru yaba intungane kurushaho!

Hatari Kuya 24-03-2017

Hanyuma ngo aba pastor ni abajura da ubu iyo aza kuba aba pastor tuba dufite comments zirenga ijana hano ngo aribye amafaranga ngo hari abakene etc. Ariko ko ari padiri nta numwe uza kubinenga yewe aha ni hatari

Mujyanama Kuya 24-03-2017

Padiri nawe agiye kuba nka babandi bose. Najyaga nkeka ko ibi bitazagera no mubanya Roma none nimundebere

Mujyanama Kuya 24-03-2017

Padiri nawe agiye kuba nka babandi bose. Najyaga nkeka ko ibi bitazagera no mubanya Roma none nimundebere

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...