konka coffee
KONKA

AMAKURU

UKWEZI

Abakozi b’Imana 35 basengewe, basabwa kuba abagaragu b’abo bakorera - Amafoto

Abakozi b’Imana 35 basengewe, basabwa kuba abagaragu b’abo bakorera - Amafoto
17-09-2018 saa 15:39' | By Vincent Nsengiyumva | Yasomwe n'abantu 1853 | Ibitekerezo 2

Itorero Foursquare Gospel Church, ryasengeye abakozi b’Imana 35 mu byiciro bitandukanye basabwa gukora umurimo wabo batiganda no kuba abagaragu b’abo bakorera.

Kuri iki Cyumweru tariki ya 16 Nzeri 2018, ku Cyicaro cy’itorero Foursquare Gospel Church ku Kimironko mu Karere ka Gasabo habereye umuhango wo gusengera abakozi b’Imana bahawe inshingano nshya muri iri torero.

Muri aba bakozi b’Imana 35 basengewe, harimo Umupasiteri 1, Aba Church Elders 3, Abavugabutumwa 6 (Evangelists), Abigisha 7 ndetse n’Abadiyakoni 18.

Ubuyobozi bw’itorero bushimangira ko intego igenderewe mu guha abantu inshingano zitandukanye ari ukongera abakozi mu murimo w’ivugabutumwa no guhindurira benshi k’ugukiranuka nk’uko ari inshingano ikomeye Kristo yasigiye itorero.

Aba bakozi b’Imana basengewe biyemeje gukomeza umurimo bahindura abantu kuba abigishwa ba Kristo biciye mu nyigisho ndetse n’ibikorwa by’iterambere bifitiye akamaro abanyetorero n’igihugu muri rusange.

Umushumba Mukuru w’itorero Foursquare Gospel Church, Bishop Dr. Fidèle Masengo, yibukije abahawe inshingano ko bagomba kuba abagaragu babo bakorera cyane ko ngo ushaka kuba mukuru mu bwami bw’Imana ari uwicisha bugufi.

Yagize ati “Abahawe inshingano mwese, mugomba kuba abagaragu b’abo mukorera (abakirisitu), kuko ushaka kuba mukuru mu bwami bw’Imana ari uwicisha bugufi.”

Bishop Dr. Fidèle Masengo kandi yanaboneyeho gushishikariza abahawe inshingano nshya bose ndetse n’abandi bavugabutumwa kwitabira inyigisho zijyanye no kuba umugaragu mwiza ukorera abandi.

Itorero Foursquare Gospel Church riyobowe n’umushumba Mukuru Bishop Dr. Fidèle Masengo, rifite icyicaro Kimironko mu Karere ka Gasabo rikaba rifite amatorero agera kuri 30 mu bice bitandukanye mu Rwanda.

Bishop Dr. Fidèle Masengo niwe wasengeye abahawe inshingano nshya Uyu ni Pasiteri Daniel arimo gusengerwa na Bishop Masengo Aba ni Justin, Noel na Ben bahawe inshingano z’ubu Elders(abakuru b’itorero)


INKURU ZA :
Tanga Igitekerezo
Ibitekerezo 2
ddd Kuya 25-09-2018

Yewe,ukurikije amadini yikigihe wasara.wowe se umupasiteri yigisha ijambo ry’Imana bati nimuzane agaseke tumuheshe umugisha atwigishije neza.Iyakorera ntimuhemba.ngo tugere ikirenge mu cya kristo yesu ko yigishaga harubwo taturishaga cgwa ngo asabe ibyacumi?

Karegeya Kuya 18-09-2018

Mujye mwibaza ukuntu buri munsi havuka amadini mashya,nyamara imana isaba Abakristu nyakuri kudacikamo ibice.Nta kindi baba bashaka uretse ibyubahiro n’amafaranga,bitwaje Bible.Niyo mpamvu mu Abaroma 16:18 imana ibita "abakozi b’inda zabo".Yesu yasize asabye abakristu nyakuri kujya mu nzira no mu ngo z’abantu,bakabwiriza abantu kandi ku buntu (Matayo 10:8).Niko abigishwa be babigenzaga.Ndetse na Pawulo niko yabigenzaga.Yabwiirizaga adasaba amafaranga,akabifatanya no kuboha amahema akagurisha (Ibyakozwe 20:33).None abiyita abakozi b’imana bamaze amafaranga y’abantu bitwaje Bible.Ntabwo imana ibemera.Muli Ibyahishuwe 18:4,imana idusaba "gusohoka" mu madini y’ikinyoma,niba tudashaka kuzarimburanwa nayo ku munsi w’imperuka.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...