konka coffee
KONKA

AMAKURU

UKWEZI

Bugesera: Ubukwe bwapfuye ku munota wa nyuma, byari amarira n’agahinda ku bageni - VIDEO

Bugesera: Ubukwe bwapfuye ku munota wa nyuma, byari amarira n’agahinda ku bageni - VIDEO
23-01-2019 saa 15:38' | By Chief Editor | Yasomwe n'abantu 16881 | Ibitekerezo 14

Sinarimbazi Jean Damascene na Uwizeyimana Fortunee, ubu bakabaye bari mu kwezi kwa buki kuko bagombaga kuba barakoze ubukwe kuwa Gatandatu tariki 19 Mutarama 2019, ariko ubu barataka agahinda n’ibihombo batewe n’uko ubukwe bwabo bwapfuye ku munota wa nyuma, kugeza aho ku munsi nyirizina hari abaje babukereye bagatungurwa no kumva ko ubukwe butakibaye

Sinarimbazi Jean Damascene na Uwizeyimana Fortunee bari barasezeranye imbere y’amategeko nk’umugabo n’umugore, imihango ya nyuma y’ubukwe bwabo yari iyo gusaba no gukwa ndetse no gusezerana imbere y’Imana mu itorero rya ADEPR. Iyi mihango y’ubukwe yombi yagombaga kuba tariki 19 Mutarama 2019, ariko habura amasaha macye nibwo inshuti n’abavandimwe bamenye inkuru y’incamugongo ko ubukwe bwapfuye, bamwe ntibanabimenya bakomeza kwitegura kugeza ku munsi nyirizina ubwo bageraga ahagombaga kubera ubukwe bakakirizwa iyo nkuru ibababaje.

Umugeni avuka mu murenge wa Kinazi mu karere ka Ruhango naho umusore ni uwo mu murenge wa Ruhuha mu karere ka Bugesera. Umukobwa yasinyiwe n’itorero ry’iwabo ko ashobora gushyingirwa nta kibazo afite cy’uko yaba atwite, ariko icyemezo yajyanye i Bugesera abashumba b’itorero rya ADEPR ntibahise bacyemera biba ngombwa ko bongera gufata ibizamini, nyuma y’igihe kirekire bagoragoza ibizamini baza kwemeza ku munota wa nyuma ko umukobwa atwite bityo ubukwe bupfuye.

Mu kiganiro kirambuye aba bageni bagiranye n’ikinyamakuru Ukwezi ubwo twabasangaga mu mujyi wa Nyamata, badutangarije ko ubu bahisemo kwibera muri uyu mujyi bakibanira nk’umugabo n’umugore kuko babisezeranye imbere y’amategeko. Jean Damascene avuga ko umukunzi we yashatse kwiyahura, kuko abashumba bamubwiraga ko akwiye kumureka akazashaka undi, gusa ngo umugabo yamukomeyeho yiyemeza kwishyingira ubu bakaba bariyemeje kwibanira.

Icyakoze aba bageni bemera ko bari barigeze kuryamana, bakanavuga ko kuba ubuyobozi bw’itorero bwarababujije gusezerana nabyo ari ukubahiriza amahame y’itorero ariko bakanenga cyane uburyo byakozwe ku munota wa nyuma baramaze kwitegura, ndetse umusore anashimangira ko nyuma yo kuvuga ko ubukwe bupfuye batari kureka umukobwa ngo agende batabanje kumuhumuriza kuko byashobokaga ko yari no guhita yiyahura.

Kagarura Pierre Celestin, Umushumba wa Paruwasi ya Rango mu murenge wa Mareba ari naho aba bageni bagombaga gusezeranira, yatangarije ikinyamakuru Ukwezi ko kuba baranze gusezeranya aba bageni byumvikana kuko ibizamini byo kwa muganga byari byagaragaje ko umukobwa atwite bityo bakaba batarashoboraga gushyingira abamaze kwishyingira.

REBA IKIGANIRO KIREKIRE ABA BAGENI BAGARAGAZAMO AGAHINDA KABO:


INKURU ZA :
Tanga Igitekerezo
Ibitekerezo 14
schadrack Kuya 11-02-2019

Yezu ati utarakora icyaha namutere ibuye. nabo bamubujije gushyingirwa nabanyabyaha ijana kwijana..barabizi ko Ari abafarisayo

schadrack Kuya 11-02-2019

Yezu ati utarakora icyaha namutere ibuye. nabo bamubujije gushyingirwa nabanyabyaha ijana kwijana..barabizi ko Ari abafarisayo

maniragaba fabien Kuya 28-01-2019

umva ikibabaje namafaranga yasohotse mutegura ubukwe naho kuba mutarashyingiwe nubundi ibyo bintu ni imihango yidini icyangombwa ni ukwandikwa mubitabo by’Irangamimerere kandi mwarabikoze wibuke ko na Mariya na Yozefu bagiye kwiyandikisha ibyo rero mwarabikoze ntihagire numwe ubacira urubanza

mariamu Kuya 27-01-2019

Ariko murasetsa cyane rwose , none se ubwo iyo baba barasambanye inshuro zose bashaka ariko ntatwite ntimwari kubasezeranya, icyaha ni ugutwiata cg ni ugusambana! muzashake rero uko muzajya mupima abasambanye bose ntimubsezeranye!!

Lany Kuya 27-01-2019

Ubundi se Uyu mugabo ko avuga ko yakomeye ku mugore, nkaho atari we wamuteye Inda? Ikindi ko muzi amategeko y’insengero z’abarokore kuki mutavuze ukuri ko umugore atwite. Nimuceceke aho, mwakoreye Satani mujya Gusambana mwa nkozizibibi mwe, none nimwakire ibihembo bibakwiye. None uratinyuka ngo ikosa itorero ryakoze ni ukutamuhumuriza? rimuhumuriza se niryo ryamusamvanyije cg ryamutumye Gusambana?

Nzabandora Kuya 25-01-2019

Rekeraho musore washutswe n’umwanzi urangije usahaka kubihisha none utamajwe ku munota wanyuma? Wakoraga ibyo byose, ugashora amafaranga angana atyo kandi uzirikana ibyo wakoze?? Wagomabaga kubanza kwihana ukatura icyaha cyawe nyuma ukabona gutegura ubukwe. naho ubundi ibyo uriguhura nabyo ni ingaruka y’ibyo mwakoze!!!

yuhi Kuya 24-01-2019

abanyamadini barasaze

gaga Kuya 24-01-2019

Sha ihangane warikuba ikibwa iyo umureka ngwaratwite abandi babuzabana nawugizamahirwe niyushaka warigusezerana nundi mupasteur wakozububwa bwokwigunga nashatse number yawe ngongufashe nsanga wayikuyeho imihango yarigukomeza ubukwe bukaba ntakibazo tungumugorewawe isezerano ryambere niryababiri tuzamwakira vuba

Jean marie Kuya 23-01-2019

Ariko se ko baba baramaze kwishyingira kuki baba bagishaka kurambikwaho ibiganza n’abashumba kdi bicariye icyaha kibi bakoze kdi Imana yanga urunuka!
Imana ntibeshywa buriya ,ushobora gusezerana ubyita umugisha kdi uri gukuramo umuvumo,ntago icyaha gihabwa umugisha

fils Kuya 23-01-2019

ibyo byamatorero aba abihiriza abantu ko batarareka guturisha ngo bavuge ko amaturo ajya mumifuka yabo bakayita ayIMANA nkaho arinkene ark bakamenya ibyinda ngo bigire beza amadini numurunga wubujij

HITAYEZU Kuya 23-01-2019

INKURU NTIHUYE NA GATO N’UMUTWE WAYO. JYE NUMVA WAVUGA KO UBUKWE BWAPFUYE ARI UKO UMWE YIHAKANYE UNDI, AKAMUKATIRA. UBWO NTAWANZE UNDI BAGENDE BIRYAMIRE BAZASEZERANA NYUMA.

segikwiye Kuya 23-01-2019

Icya ngombwa nuko ubu babana nk’umugore n’umugabo.Gusa kuryamana mbere yuko mitera igikumwe,ni ICYAHA imbere y’Imana.Naho kujya mu Kiriziya,si ngombwa.Gusezerana imbere ya Padiri cyangwa Pastor,ntitukavuge ngo ni "imbere y’imana".Bible ivuga ko Imana itaba mu nsengero z’abantu nkuko Ibyakozwe 17:24 havuga.Dukurikije Bible,gusezerana mu nsengero ntabwo ari itegeko ry’imana.Icyo imana idusaba gusa ni ukujya “Kwiyandikisha" imbere y’ubutegetsi.Urugero, Maliya na Yozefu bagiye "kwiyandikisha" imbere y’ubutegetsi bw’I Bethlehem nkuko tubisoma muli Luka 2:5. Abantu bonyine Imana yasezeranyije,ni Adamu na Eva gusa.Kandi ntabwo yabasezeranyije mu Rusengero.
Muli Bible,nta hantu tubona Abakristu bo muli ISRAEL bagiye gusezerana mu rusengero.Ikibabaje cyane nuko abanyamadini b’iki gihe bakoresha iyi mihango bishakira ifaranga.Barihisha ubukwe,abapfuye,ndetse basigaye barihisha na toilets zabo.Nubwo Yesu yasize adusabye “gukorera Imana ku buntu†nkuko tubisanga muli Matayo 10:8,Abakuru b’amadini bafata umushahara buri kwezi.Nyamara nabo bakora Business zisanzwe nkatwe twese.

Canisius Kuya 23-01-2019

Ihangane utunge umugore wa we,kuko ushobora no gusezerana ukabura urubyaro ,nubwo tutashyigikira kwiha (avence)ariko umuntu yajya areba mbere,kko mubiri gutanya ingo, ntibyaburamo kuta byara.

Dada Kuya 23-01-2019

Rekeraho sha,
Wakoreye so Satani araguhemba
Vakuri ADEPR
Wamusamvanyiwe.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...