AMAKURU

UKWEZI

Ibyishimo bisendereye, imbyino zidasanzwe byaranze igitaramo cy’amateka cya Alarm Ministries - Amafoto

Ibyishimo bisendereye, imbyino zidasanzwe byaranze igitaramo cy’amateka cya Alarm Ministries - Amafoto
26-11-2018 saa 11:59' | By Vincent Nsengiyumva | Yasomwe n'abantu 1645 | Ibitekerezo

Ku mugoroba wo kuri iki cyumweru tariki ya 25 Ugushyingo 2018, Alarm Ministries ku bufatanye n’Umuryango wa Bibiliya (Bible Society of Rwanda) bakoze igitaramo kidasanzwe cyitabiriye n’abaririmbyi ndetse n’amakorali akomeye, cyaranzwe n’ubwitabire bwo ku rwego rwo hejuru, imbyino zidasanzwe aho abacyitabiriye batahanye ibyishimo bisendereye.

Mu gitaramo cy’agatangaza Alarm Ministries yakoreye muri Dove Hotel, yafatanyije n’amakorali akunzwe cyane nka Ambassadors of Christ, Shalom Choir ya ADEPR Nyarugenge, itsinda rya Healing abaririmbyi baririmba ku giti cyabo nka Simon Kabera na Israel Mbonyi bose bashimishije byimbitse abitabiriye iki gitaramo cyiswe “The Bible Is The Source Of Melody Concert” cyari gifite intego yo gushishikariza abakirisitu gukunda Bibiliya.

Iki igitaramo cyamaze amasaha agera kuri atandatu abaririmbye bose banyuze abitabiriye igitaramo,dore abageraga ku ruhimbi basozaga abantu bakigaragaza ko bakibashaka.

Ahagana saa cyenda n’iminota 30 nibwo iki gitaramo cyatangijwe, abaririmbyi ba Healing Worship Team babimburira abandi mu ndirimbo zahagurukije abantu nka “Nta misozi” na “Nguwe Neza”, aho abaririmbyi babyinaga bidasanzwe.

Healing Worship Team yakorewe mu ngata na Shalom Choir yasusurukije abantu ku buryo budasanzwe mu ndirimbo zabo zibyinitse, zumvikanagamo amajwi meza y’inkumi n’abasore bagize iyi Korali.

Alarm Ministries yari itegerrejwe na benshi yaserutse mu masaha ya saa kumi na n’iminota 45, mu myambarirre inogeye ijisho maze abantu bose barahaguruka bayiha icyubahiro.

Aba baririmbyi bamaze kwigarurira imitima ya benshi kuberra imiririmbire yabo irangwa no kwirekura bakava hasi bagacinya akadiho, batangiranye n’indirimbo ihuye neza n’insanganyamatsiko y’igitaramo, yitwa ‘Soma Bibiliya’ yakoze benshi ku mutima kubera injyana yayo n’amagambo meza ayigize.

Bakomereje ku zindi ndirimbo zikunzwe cyane, abantu bafatikanya nabo kucinya akadiho bikoza mu birere, bigaragara ko batangiye gushirra inyota bari bafitiye iki gitaramo.

Alarm Ministries yahawe akanya ko kuruhuka imaze kuririmba indirrimbo 5, bakorerwa mu ngata na Ambassadors of Christ iri mu makorali aza ku mwanya wa mbere mu kwigarurira imitima ya benshi mu Rwanda no hanze yarwo.

Ambassadors of Christ yarirrimbye indirimbo zigera kuri enye zirimo ‘Soma Bibiliya’ bageze ku yitwa Hoziana, abantu bongera gufatwa n’amarangamutima bahagurukira rimwe n’amashyi y’urufaya bafasha abaririmbyi kuyiririmba.

Umwe mu bagize Ambassador’s of Christ Choir yashimye abateguye iki gitaramo, avuga ko ibikorwa byose bishingiye kuri Bibliya bityo ko ikwiye kubahwa na buri wese.

Alarm Ministries yongeye guhabwa umwanya igaruka ku ruhimbiigaruka mu ndirimbo z’igiswahili zirimo n’iyitwa ‘Songa Mbere’ yakunzwe n’abatari bacye maze abantu bongera kuzura imbaraga bacinya akadiho bya nyabyo.

Ku isaha ya Saa moya n’iminota 30 nibwo umuramyi Simon Kabera yakiriwe ku ruhimbi, yibutsa abantu indirrimbo ze zakunzwe n’abatari bacye, zongera kubakora ku mutima bahagurukira rimwe bamufasha kuramya.

Yaririmbye indirimbo zigera kuri 4 arizo “Ukwiye amashimwe”, “Mfashe inanga”, “Hari inshuti”, “Munsi yawo”

Simon Kabera yakiriwe na Israel Mbonyi nawe wakiranwe ubwuzu n’imbaga y’abitabiriye iki gitaramo.

Israel Mbonyi umenyerewe mu kuririmba anicurangira guitar yahereye ku ndirimbo ye yitwa ’Ibihe’ akomereza ku yitwa ’Intashyo’ n’izindi byagaragaraga ko zagendaga zikora ku mitima wa benshi.

Iki gitaramo cyanditse amateka cyitabiriwe n’abashumba ndetse n’abayobozi b’amatorero atandukanye barimo Umushumba mukuru w’Itorero Foursquare Gospel Church mu Rwanda, Bishop Dr. Fidèle Masengo, Pastor Sebagabo Christophe wa Calvary Revival Church, Bishop Rugagi Innocent, Umushumba Mukuru w’Itorero Redeemed Gospel Church mu Rwanda n’abandi.

Cyitabirriwe kandi n’abaramyi banyuranye bari baje gushyigikira bagenzi babo barimo Patient Bizimana, Aime Uwimana, Serge Iyamuremye n’abandi

Healing Worship Team yabimburiye abandi ku ruhimbi ishyira abantu mu mwuka

Shalom Choir ya ADEPR Nyarugenge yashyimishije abitabiriye iki gitaramo

Ambassadors of Christ yishimiwe bikomeye

Bageze kuri Hoziana abantu barafashwa cyane

Israel Mbonyi, Aime Uwimana na Aimable Twahirwa

Iki gitaramo cyakoze ku mitima ya benshi bataha banyuzwe

Umunyamakuru Bibio yari MC

Israel Mbonyi yaririmbaga anicurangira guitar

Simon Kabera yashimishije imbaga y’abitabiriye iki gitarramo

Imbyino zidasanzwe nizo zaranze abaririmbyi ba Alarm

Iki gitaramo ntikizava mu mitima y’abacyitabiriye

Alarm yaserutse mu myambaro ibereye ijisho

Bahaye abantu ibyishimo bisendereye


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...