AMAKURU

UKWEZI
ubumwe

Imyiteguro ihambaye y’igitaramo cya Alarm Ministries n’ubuhamya bw’ibihe bikomeye banyuzemo

Imyiteguro ihambaye y’igitaramo cya Alarm Ministries n’ubuhamya bw’ibihe bikomeye banyuzemo
28-08-2019 saa 13:26' | By Chief Editor | Yasomwe n'abantu 1085 | Ibitekerezo

Itsinga rya Alarm Ministries rimaze kwamamara mu ndirimbo zo kuramya no guhimbaza Imana mu Rwanda ndetse no mu mahanga ririzihiza isabukuru y’ imyaka makumyabiri rimaze rikorera ku butaka bw’ u Rwanda, iyi sabukuru ikazizihirizwa mu gitaramo gikomeye bazakorera muri Camp Kigali, kuri iki Cyumweru tariki ya 01 Nzeri 2019.

Mu kiganiro twagiranye n’ umuyobozi wa Alarm Ministries, Mazeze Charles, yadutangarije amavu n’ amavuko y’ iri tsinda. Yagize ati: "Igitekerezo cyatangijwe n’ abasore n’ inkumi, abenshi basengeraga Restoration Church ndetse abenshi babaga muri Chorale ya Rehoboth ( Yari ikiri Chorale ubu yabaye Rehoboth Ministries....) urwo rubyiruko rwari ruto ariko haje kuza iyerekwa nyuma yo gusenga bakajya batekereza icyo bakora, Imana ikabaganiriza ikababwira iti nyamara ntabwo nabahamagariye kuririmba hano muri Restoration Church cyangwa mu Rwanda gusa , mugomba gutekereza ibindi bintu bihambaye, igitekerezo gitangira uko kirakura kugeza aho Alarm igeze uyu munsi"

Alarm Ministries mu myiteguro y’igitaramo cyabo gitegerejwe na benshi

Mazeze Charles yadutangarije ko muri iyi myaka 20 ishize, iri tsinda ryageze kubikorwa byiza bishimira, birimo kuba barabonye ubuzima gatozi bubemerera gukora nk’ umuryango , uyu munsi bafite aho bakorera hazwi, kuba hari abatishoboye bagiye bakorera ubuvugizi bakaba baranabafashije mu buryo bwo kwifasha n’ ibindi. Gusa n’ubwo bageze aho bishimira ariko mbere bagitangira bahuye n’imbogamizi zitoroshye.

REBA VIDEO Y’IKIGANIRO TWAGIRANYE HANO:

Ati "Njya nsetsa abantu, hari umunsi twagiye kuririmba kuri stade baratwirukana, ntitwari twemewe, ikindi gihe twagiye kuririmba i Gikondo kuri Maranatha nabwo baduta hanze, baratwirukana rwose, bati musohoke ntabwo tubashaka, nta n’ubwo batwirukanye turi hanze, batwirukanye turi ku gatuti icyo gihe byari bigoye.”

Iki gitaramo kiswe “20 years Anniversary Celebration concert”, Kizaba kigizwe n’ ibice bibiri, igice cyimwe kikazaba ari ukwizihiza isabukuru y’ Imyaka 20 bamaze babayeho naho igice cya kabiri kikazaba ari igice cya concert. Umuyobozi wa Alarm akaba yadutangarije ko mu gice cya consert bazaririmba bahereye ku ndirimbo ya mbere baririmbye

Yagize ati: "Igice cya Celebration ni akarasisi, ni ibintu byiza rwose, urabyumva ni celebration. Icyo gice ni kirangira hazaza igice cya kabiri cya concert, ni ukuvuga ngo ni indirimbo, nabwo tuzahera kuri diskette, abantu batazi diskette bazayumva, dufite indirimbo tuzaririmba twemye n’ abacuranzi, turirimbe indirimbo ya mbere twatangiranye Alam itangira, uko Alarm yagiye ikura, turirimba indirimbo twagiye turirimba tutaraba abahanga cyane kugera ku ndirimbo za none"

Alarm Ministries yatangijwe n’ abaririmbi cumi na batanu ariko uyu munsi igizwe n’ abaririrmbyi basaga mirongo itandatu.

REBA VIDEO Y’IMYITEGURO HANO:


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...