AMAKURU

UKWEZI
cheno 2020

Kibeho: Hagiye kubakwa Bazilika ya Bikira Mariya izatwara miliyari 70Frw

Kibeho: Hagiye kubakwa Bazilika ya Bikira Mariya izatwara miliyari 70Frw
11-01-2020 saa 12:41' | By Nsanzimana Ernest | Yasomwe n'abantu 2797 | Ibitekerezo

Imirimo yo kubaka bazilika ya Bikira Mariya I Kibeho ku butaka butagatifu iri hafi gutangira nk’ uko bitangazwa n’ ubuyobozi bw’ akarere ka Nyaruguru.

Bazilika ni urusengero rwa kiliziya gatolika rwubakwa ahantu hafite amateka, ku buryo hanakorerwa ingendo nyobokamana. Kugira ngo urusengero rwitwe Bazika uburenganzira butangwa n’ I Vatican kwa Papa.

Hari amoko abiri ya Bazilika bazirika nto na bazilika nini. Muri 2016 ku isi hari bazika enye nini kandi zose zari I Vatican.

Bazilika nto zirenga 1 700, izigera kuri 570 ziri mu Butaliyani naho 171 zikaba mu Bufaransa. Afurika habarizwa bazilika nto 20 gusa, enye muri zo zubatse muri Ghana, muri Aziya hari 55 aho mu Buhinde hari 22. Mu Rwanda habarizwa bazilika imwe nto yitiriwe Mutagatifu Yozefu y’i Kabgayi mu 1992.

Bazilika ya Bikira Mariya igiye kubakwa I Kibeho ahabereye amabonekerwa ya Bikira Mariya tariki ya 28/11/1981 izaba ibaye iya kabiri mu Rwanda.

Immaculée Iribagiza, Umunyarwandakazi uba muri Amerika uri gushakisha mu bakunda Bikira Mariya amafaranga yo kubaka iyi bazilika avuga ko biteganyijwe izuzura itwaye miliyari mirongo irindwi z’amafaranga y’u Rwanda, nk’uko byatangajwe ka Kigalitoday.

Izaba igizwe n’igice kidatwikiriye gishobora kwakira abantu ibihumbi 100, n’ahatwikiriye hashobora kwakira abagera ku bihumbi 10, nk’uko bisobanurwa n’umushumba wa Diyosezi ya Gikongoro, Musenyeri Célestin Hakizimana.

Umuyobozi w’Akarere ka Nyaruguru, François Habitegeko aherutse gutangariza UKWEZI ko umubare w’ abakorera urugendo nyobokamana I Kibeho ugenda ubarusha ubushobozi ari naho ahera asaba abashoramari gutangira kubaka amacumbi n’amaresitora yo kwakira abo bashyitsi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...