konka coffee
KONKA

AMAKURU

UKWEZI

Kigali:Hagiye kuba igitaramo kizagararizwamo impano ziidasanzwe

Kigali:Hagiye kuba  igitaramo kizagararizwamo impano ziidasanzwe
20-09-2018 saa 17:29' | By Vincent Nsengiyumva | Yasomwe n'abantu 733 | Ibitekerezo 1

Christian Communication iri gutegura igitaramo gikomeye kiswe Rabagirana Worship Festival, kigaragarizwamo impano zitandukanye ndetse kinatangirwemo ubutumwa bwiza bwibutsa abanyempano kwera imbuto.

Iki gitaramo kizaba ku wa 4 Ugushyingo 2018, muri Kigali Serena Hotel guhera i saa cyenda z’umugoroba .

Iki gitaramo kizitabirwa n’abanyempano b’abaramyi batanddukanye, kizatangirwamo ubutumwa bw’uko bidahage kuba ufite impano cyangwa ufite imirimo myinshi ukorera Imana, ahubwo ko ukwiye kongeraho imbuto, kikaba gifite intego iboneka mu ‘Abafilipi 4:17’ igira iti ’’Nyamara burya si impano nshaka ahubwo nshaka ko imbuto zongerwa kuri mwe’’.

Biteganijwe ko iki gitaramo kizitabirwa n’abahanzi b’abanyempano batandukanye ndetse n’amatsinda akomeye aririmba indirimbo zo kuramya no guhimbaza Imana hano mu Rwanda.

Mu kiganiro n’itangazamakuru, Peace Nicodeme Nzahoyankuye uhagarariye Rabagirana Worship Festival yavuze ko ari ihishurirwa rikomeye Imana yabashyize ku mutima batekereza kuri iki gitaramo.

Yongeyeho ko ari umwanya mwiza wo kugaragaza impano zinyuranye ndetse no kumva ibikubiye mu bihangano Imana iba yarashyize ku mutima w’abaririmbyi.

Nzahoyankuye yashimangiye ko insanganyamatsiko y’uyu mwaka buri wese akwiye kuyitekerezaho kuko ibumbatiye umutima w’iki gitaramo .

Yagize ati:’’Abanyempano n’abandi bose bafite icyo bakorera Imana, bakwiye gutekereza kuri iyi nsangamatsiko . Imana ntabwo ishaka imirimo myinshi twirirwa tuvuga ko tuyikorera ahubwo ikeneye ko dusa n’ibyo dukora,tuzaba rero turi kugendera muri ubwo butumwa nk’uko Imana yabudushyize ku mutima’’.

Peace Nicodeme Nzahoyankuye avuga ko iyi Festival izajya iba buri mwaka kandi bizera ko ibyateguwe bizahembura imitima y’abazitabira iki gitaramo.

Insanganyamatsiko z’ibi bitaramo zo zizajya zihinduka bitewe n’ubutumwa Imana izajya iha abaritegura uko umwaka utashye. Si kenshi mu Rwanda haba festival zo kuramya no guhimbaza Imana kuko iyi ari iya kabiri nyuma y’iyitwa Himbaza Festival nayo yigeze kuba mu Rwanda.

Iki gitaramo kizajya kiba buri mwaka

Peace Nicodeme Nzahoyankuye uhagarariye Rabagirana Worship Festival


INKURU ZA :
Tanga Igitekerezo
Ibitekerezo 1
Judae Kuya 24-09-2018

Abakizwa!!!! Muracyatsa koko. Impano? Izihe se? Ariko kuki mujijisha abayoboke?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...