AMAKURU

UKWEZI

Kizito Mihigo yakoze igitaramo i Nyamirambo, avuga amagambo yakoze benshi ku mutima - VIDEO

Kizito Mihigo yakoze igitaramo i Nyamirambo, avuga amagambo yakoze benshi ku mutima - VIDEO
19-11-2018 saa 07:30' | By Chief Editor | Yasomwe n'abantu 6894 | Ibitekerezo 9

Kuri iki Cyumweru tariki 18 Ugushyingo 2018, nibwo umuhanzi Kizito Mihigo yakoze igitaramo cye cya mbere kuva yafungurwa, iki gitaramo n’ubwo kitigeze cyamamazwa kikaba kitabiriwe n’imbaga y’abantu benshi bishimiye cyane kongera kubona uyu muhanzi abaririmbira indirimbo zihimbaza Imana. Muri iki gitaramo kandi Kizito yavuze amagambo yakoze benshi ku mutima.

Iki gitaramo cyabereye mu Kiliziya ya Mutagatifu Karoli Lwanga i Nyamirambo, Kizito Mihigo akaba yatangiye afatanya na Korali St Augustin yo muri iyi Paruwasi baririmba mu misa, hanyuma misa ihumuje Kizito Mihigo ahita akomerezaho n’igitaramo cye yaririmbyemo nyinshi mu ndirimbo ze zo gusingiza Imana.

Kizito Mihigo yafatanyije na korali St Augustin mu guhimbaza misa ya kabiri

Kizito Mihigo weretswe urukundo rwinshi n’abakirisitu bitabiriye iki gitaramo, yababwiye ko yishimiye kuba ari bo ba mbere ataramiye kuva yafungurwa. Uyu muhanzi ariko yanasabye iyi mbaga kumusabira no kujya basabira abantu bafatwa nk’ibyamamare kuko ngo ubuzima babamo buba butoroshye, Kizito ati: "Nimubona umuntu abantu benshi bakomera amashyi mujye mumusabira cyane mumusengere."

Kizito Mihigo yavugiye muri iki gitaramo ko mbere gato y’uko afungwa, yari asigaye atakibasha no kujya mu misa kubera akazi k’ubuhanzi no guhora mu bikorwa bijyanye na muzika, aho nawe agaya ukuntu ngo yari asigaye ameze nk’icyapa kiyobora abandi cyo kigasigara kuko ngo indirimbo ze zabaga zirimo gukoreshwa hirya no hino mu bitambo bya misa nyamara we atabashije no kujya mu misa.

Kizito Mihigo kandi yashimangiye ko nyuma y’iki gitaramo azakora n’ibindi byinshi birimo icyo azakorera iwabo i Kibeho, mu gace avukamo ariko kakaba kanasobanuye byinshi ku bakirisitu gatolika kubera amabonekerwa yahabereye.

Kizito yanyuzagamo akaganira n’abakirisitu, akababwiriza n’ubutumwa bwibanda ku bukirisitu, amahoro, gusaba no gutanga imbabazi n’izindi nkingi zifasha abakirisitu gukomera mu kwemera. Yavuze kandi ko amasengesho bamusengeye ubwo yari afunzwe yayumvaga amugera ku mutima, ibi byose bikaba byazamuye imbamutima z’abitabiriye igitaramo cye.

REBA VIDEO Y’UKO BYARI BYIFASHE HANO:


INKURU ZA :
Tanga Igitekerezo
Ibitekerezo 9
Umuzabibu karangwa Kuya 19-11-2018

Imana Iyo Yagutoranyije ,ugatana Ikuburiza Amahoro Mubyo Urimo Ukayigarukira!

NZAYIZERA RODRIGUE Kuya 19-11-2018

Kizito akwiye kurushaho kwiyoroshya, kugabanya kwiyumvamo ko abantu bamukeneye. Abantu dusonzeye Ijambo ry’Imana ariko nta muntu kamara muri iyo nzira, Kristu niwe ukwiye gukura, twese tugaca bugufi.

Impano y’Imana izamubyarire umugisha, yirinda kuyibyaza ubwiyemezi.

Nshimiye Kuya 19-11-2018

Imana igukomereze mumurimo wayo kandi izakurinde ababisha babashukanyi ukundi ðŸ™

Nshimiye Kuya 19-11-2018

Imana igukomereze mumurimo wayo kandi izakurinde ababisha babashukanyi ukundi ðŸ™

Mugabo Kuya 19-11-2018

Cyane rwose tuzajya tubasabira

Mugabo Kuya 19-11-2018

Cyane rwose tuzajya tubasabira

Mugabo Kuya 19-11-2018

Cyane rwose tuzajya tubasabira

Mugabo Kuya 19-11-2018

Cyane rwose tuzajya tubasabira

Mugabo Kuya 19-11-2018

Cyane rwose tuzajya tubasabira

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...