AMAKURU

UKWEZI

Korali Gasave yizihije Yubile y’imyaka 50 mu gitaramo gikomeye,igaruka ku nzira igoye yanyuzemo

Korali Gasave  yizihije Yubile y’imyaka 50 mu gitaramo  gikomeye,igaruka ku nzira igoye yanyuzemo
3-12-2018 saa 17:04' | By Vincent Nsengiyumva | Yasomwe n'abantu 988 | Ibitekerezo 2

Ku mugoroba wo kuri iki Cyumweru tariki ya 2 Ukuboza 2018, Korali Gasave ikorera umurimo w’Imana mu itorero rya ADEPR Paruwasi ya Gasave ku Gisozi yakoze igitaramo gikomeye cyo kwizihiza isabukuru y’imyaka 50 imaze ikora umurimo wo kubwiriza ubutumwa bwiza binyuze mu ndirimbo.

Ni igitaramo cyatangiwemo ubuhamya na bamwe mu bayitangije muri 1968, bagaruka ku bibazo iyi korali yagiye inyuramo, n’urugamba rukomeye abanyamuryango bayo bayirwaniriye kugira ngo ibe ikiriho uyu munsi, ikora umurimo w’Imana.

Iki gitaramo cyari cyitabiriwe n’ibihumbi by’abantu, barimo abashumba b’amatorero atandukanye, abapasitori, abaririmbyi n’abakirisitu baturutse mu bice bitandukanye by’igihugu, cyabereye mu rusengero rwa ADEPR Gasave ku Gisozi.

Korali Gasave ifite amateka akomeye, niyo yagize uruhare rukomeye mu kuvuka kw’andi makorali. Yatangiranye abaririmbyi 6, nyuma y’umwaka umwe abamisiyoneri bagejeje itorero rya Pentekoti i Kigali i Gasave muri 1967. Ubu ifite abaririmbyi bagera ku 116.

Umuyobozi wa Korali Gasave, Justin Kamana avuga ko kuva 1968 iyi Korali itigeze icika intege mu murimo w’Imana n’ubwo hari byinshi byagombaga kuyica intege yagiye ihura nabyo.

Avuga ko muri Jenoside yakorewe Abatutsi muri Mata 1994 bahuye n’ikibazo gikomeye ubwo baburaga bagenzi babo bagera ku 8.

Yavuze ko gahunda korali ifite ari ugukomeza gushyira imbaraga mu bikorwa by’urukundo mu rwego rwo gukomeza kwagura umurimo w’Imana.

Umubyeyi witwa Mukandoli Charlotte uri muri 6 batangije Korali Gasave mu 1968 yavuze urugendo rugoye banyuzemo ubwo bayitangizaga, ariko ko bitatumye baika integer kuko bashobozwaga na Kirisitu wakomeje kubatiza imbaraga.

Yagize ati “Imana yandinze muri iyi myaka 50 sinagwa muri uyu murimo wayo ndayishima. Nabwo ari imbaraga zanjye, nashobojwe na Christ umpa imbaraga.”

Yavuze ko bahuraga n’ibizazane, ariko kuko bari barigishijwe gukunda no gukorera Imana, ngo ntabwo byabagushaga ngo babe bareka kuyikorera.

Rev. Paster Mutabazi wigishije ijambo ry’Imana muri iki gitaramo, yasabye abaririmbyi ba Korali Gasave ko bagomba guhuza ibyo baririmba n’imyitwarire yabo kugira ngo bagaragaze neza igisobanuro cya Yubile bagize.

Yanaboneyeho guhaguruka bakabohora imbohe ziboshwe n’ibyaha binyuranye byigaruriye abakirisitu.

Yagize ati “ Korali Gasave muhaguruke mujye kubohora ababoshywe n’ibyaha. Muhaguruke mujye kurwanya ibiyobyabwenge n’uburaya biri kugaragara mu bice mutuyemo.”

Korali Gasave yamenyekanye cyane mu ndirrimbo zakunzwe n’abatari bake zirimo, "Mana fasha Afurika yacu", "Ishimwe ni iryawe Mana", "Satani Waratsinzwe" n’izindi zitandukanye zagiye zikora ku mitima ya benshi.

Baririmbye indirimbo zakunzwe mu myaka yo hambere

Batangiye ari abarirrimbyi 6 ariko ubu bageze ku 116

Harimo abagabo n’abagore bashesha akanguhe

Iyi korali iririmbano n’abakiri bato

Umuyobozi wa Korali Gasave, Justin Kamana avuga ko kuva 1968 iyi Korali itigeze icika intege mu murimo w’Imana

Rev. Paster Mutabazi niwe wigishije ijambo ry’Imana

Cyitabiriwe n’abantu benshi cyane

Abavugabutumwa banyuranye bari bahari

Korali Rangurura y’Igihogwe yari yaje kwishimana na bagenzi babo muri Yubile bagize

Abaririmbyi ba Korali ya Rangurura ya Paruwasi Gihogwe

Byari ibyishimo ku baririmbyi ba Korrali Gasave

Bashimye Imana kuri byinshi yabakoreye mu rugendo rw’imyaka 50 bamaze mu murimo w’Imana

Abacuranzi ba Korali Gasave


INKURU ZA :
Tanga Igitekerezo
Ibitekerezo 2
mahirwe claude Kuya 4-12-2018

Imana ibahe umugisha.

donatha Kuya 4-12-2018

Iyi chorale ndayikunda cyane igira indirimbo zirimo ubutumwa bwiza

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...