konka coffee
KONKA

AMAKURU

UKWEZI

Light Family Choir igiye gukora igitaramo cy’amateka yatumiyemo Ambassadors of Christ

 Light Family Choir  igiye gukora igitaramo cy’amateka yatumiyemo Ambassadors of Christ
19-08-2018 saa 11:15' | By Vincent Nsengiyumva | Yasomwe n'abantu 2376 | Ibitekerezo 4

Korali Light Family ikorera umurimo w’ivugabutumwa mu itorero rya Makoro ry’Abadiventisite b’umunsi wa Karindwi, rikorera mu Karere ka Rubavu iri gutegura igitaramo cyo kumurika Volume yabo ya 6 y’indirimbo zikozwe mu majwi, kizitabirwa n’abaririmbyi bakomeye ndetse n’amakorali anyuranye arimo na Ambassador of Christ Choir.

Iki gitaramo kiri gutegurwa n’iyi Korali, kizakorwa mu byiciro bibiri, aho icya mbere kizabera i Rubavu basangiza abakunzi babo kuri izo ndirimbo zirimo ubutumwa bwiza, ndetse icyiciro cya kabiri gikorerwe i Kigali i Nyamirambo ku rusengero rw’Abadiventisite b’umunsi wa Karindwi.

Umuyobozi wa Korali Light Family Nzabonimpa Augustin yabwiye Ukwezi.com ko iki giterane kigamije kongera guhura n’abakunzi bayo bakabasangira ku ndirimbo zabo nshya bazinyuza mu kumurika Volume DVD ya Gatandatu y’indirimbo z’amajwi n’iya 4 mu ndirimbo z’amashusho.

Yakomeje avuga ko igitaramo cyabo kizakorwa mu byiciro bibiri, kimwe kizabera i Rubavu n’icyiciro cya Kabiri kizabera i Kigali muri Nyamirambo.

Akomeza avuga ko iki gitaramo kizaba gikomeye cyane, kuko cyatumiwemo abahanzi bakomeye barimo abazaturuka muri Congo, amakorali akomeye kandi akunzwe mu gihugu no hanze yacyo.

Yagize ati “Ni igitaramo cyo gushyira ahagaragara DVD audio Volume ya 6 na DVD y’amashusho Volume ya 4.Kizaba mu buryo bubiri. Igitaramo cya mbere kizabera i Gisenyi tariki ya 26 uku kwezi, igitaramo cya kabiri kibere i Kigali Nyamirambo ku itorero ry’Abadiventisite tariki ya 2 Nzeri uyu mwaka.”

Nzabonimpa Augustin yanavuze ko intego y’igitaramo muri Kigali harimo kwigaragariza abakunzi babo , bagahura bagasabana ndetse bakanasangira ibyiza birimo indirimbo zo guhimbaza Imana.

Igitaramo cya nbere kizabera ku Gisenyi tariki ya 26 Kanama 2018, kizitabirwa n’amakorali atandukanye nk’ Abakurikiye Yesu b’i Kigali Kacyiru, Ababimbuzi ba Kacyiru, hazaba hari Korali Abakanguzi yo muri Congo, hazaba hari Hallellua Familly Choir yo ku Gisenyi ndetse na Korali Iwacu Heza nayo yo Ku Gisenyi.

Mu bahanzi ku giti cyabo bazitabira igitaramo cya mbere hazaba hari uwitwa Fanuel w’i Kigali na Jonathan wo muri Congo.

Igitaramo cya Kabiri kizitabirwa na Korali Ambassador of Christ, iyitwa Ibyiza by’Ijuro, Korali Abahamya yo ku Muhima, New Paradise Choir ya Kabeza ndetse na Korali Abakurikiye Yesu n’Ababimbuzi.

Umuyobozi wa Korali Light Family Augustin avuge ko kwinjira muri iki gitaramo bizaba ari ubuntu kuri buri wese, ariko bakaba bifuza inkunga mu mishanga bari gutegura yo kugura ibyuma bisobanutse bizajya bibafasha gutunganya umurimo w’Imana mu buryo bugezweho.

Korali Light Family yatangiye gukora umurimo w’Imana tariki ya 15 Gashyantare 2005 ikaba imaze gusohora Volume 4 y’indirimbo z’amashusho na Volume 6 mu ndirimbo z’amajwi. Iyi Korali kugeza ubu ifite abaririmbyi 20.

Umuyobozi wa Korali Light Family Nzabonimpa Augustin

Korali Light Family imaze imyaka 13 ikora umurimo w’ivugabutumwa binyuze mu ndirimbo


INKURU ZA :
Tanga Igitekerezo
Ibitekerezo 4
Faustin Kuya 26-08-2018

Ndabakunda cyane muri ikorali ifite intego kdi ifite umusanzu ukomeye mu murimo w’Imana. Mukomeze umurimo

justin bweyeye Kuya 20-08-2018

nibyiza cyane niba koko bakorera imana kubushake bere kuguma mu migi gusa bage bagera no mu byaro cyane nka hano iwacu mu Bweyeye

.

justin bweyeye Kuya 20-08-2018

nibyiza cyane niba koko bakorera imana kubushake bere kuguma mu migi gusa bage bagera no mu byaro cyane nka hano iwacu mu Bweyeye

.

justin bweyeye Kuya 20-08-2018

nibyiza cyane niba koko bakorera imana kubushake bere kuguma mu migi gusa bage bagera no mu byaro cyane nka hano iwacu mu Bweyeye

.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...