AMAKURU

UKWEZI
pax

Mu makoraniro niho duhurira ariko ntabwo ariho dusengera- Pasiteri Tumusingize

Mu makoraniro niho duhurira ariko ntabwo ariho dusengera- Pasiteri Tumusingize
20-05-2020 saa 23:16' | By Akayezu Jean de Dieu | Yasomwe n'abantu 572 | Ibitekerezo 2

Umuyobozi w’Itorero Elshaddai mu Mujyi wa Kigali, Pasiteri Tumusingize Eric avuga ko gusenga ari igikorwa kibera mu mutima w’umuntu imbere ariyo mpamvu bishoboka cyane ko abantu basenga kandi bagakorera Imana mu gihe nta nsengero zaba ziriho.

GORILLA GAMES

Mu gihe Isi yose ihangayikishijwe n’icyorezo cya COVID19, giterwa na Coronavirus hari bimwe mu bihugu byashyizeho ingamba zo kukirinda zirimo kuba ibikorwa bihuza abantu benshi byarahagaritswe mu gihe runaka.

Mu bikorwa bihuza abantu benshi byahagaritswe mu bihugu birimo n’u Rwanda harimo insengero aho kuri ubu abakristo basabwa gusengera mu rugo ndetse abandi bakifashisha ikoranabuhanga.

Mu kiganiro yagiranye na UKWEZI, Pasiteri Tumusingize yavuze ko gusenga ari igikorwa gitangirira mu mutima w’umuntu ari nayo mpamvu aho yaba ari hose yasenga.

Yagize ati “Mu nyubako ndavuga mu mazu [icyo abantu bita insengero] ni mu makoraniro aho duhurira, duteranira ariko ntabwo ariho dusengera. Intambwe ya mbere yo gusenga ihera kuri njye kuko gusenga ntabwo ari ibintu bazashyira mu muntu ahubwo ni umutima ugira inyota.”

“Gusenga bikorerwa mu mutima, aho naba ndi hose nasenga Imana ikanyumva ndetse cyane. Noneho twaba babiri cyangwa batatu tugasenga ariko ntabwo bivuze ko insengero zitabayeho abantu bananirwa gusenga.”

Pasiteri Tumusingize yifashishije urugero rwa Daniyeli wasenze iminsi 20 atazi niba amasengesho ye agera ku Mana ariko icyo gihe ngo Imana yaramwumvaga.

Ati “Bibiliya iravuga ngo uhereye ku munsi wa mbere Daniel yatangiriyeho gusenga, amasengesho aragenda agera ku Mana, ariko Daniel we akabona ibintu ntabwo birimo bihinduka ariko akomeza gusenga.”

“ Bigeze ku munsi wa 21, Malayika araza aramubwira ngo uhereye ku munsi wa mbere washishikariyeho gusenga no kwiyiriza ubusa, amasengesho yawe yarazamutse agera ku Mana.”

Uyu mukozi w’Imana avuga ko iyo abantu batabashije guteranira mu rusengero bashobora kwegerana n’Imana ari nayo mpamvu avuga ko nta gikuba cyacitse kuba abantu barabujijwe guteranira hamwe mu nsengero.

Ubwo iki cyorezo cyatangiraga kugira umurindi hirya no hino ku Isi hari abakozi b’Imana bumvikanye bavuga ko kitazagera mu bihugu byabo ariko kikaza kurangira kigezemo.

Ku rundi ruhande ariko hari abavugaga ko iki cyorezo ari igihano cy’Imana ariko kuri Pasiteri Tumusingize we avuga ko kugihe Isi irimo cy’imbabazi Imana idashobora gufata abantu ngo ibateze icyorezo kuko yaba yivuguruje.

Reba hano ikiganiro cyose Pastor Tumusingize yagiranye na UKWEZI


INKURU ZA :
Tanga Igitekerezo
Ibitekerezo 2
Nkusi Norbert Kuya 21-05-2020

Ibaze unisubize ! Wowese hari uwakubajije uko wifata ugiye kuraguza !

munsubize Kuya 21-05-2020

ese ubundi bwo uko musenga mubikura kuri nde ko nta kigaragaza uko YEZU yasengaga ? yararambararaga ? yaricaraga ? yarapfukamaga ? yarabyinaga ? habaga hari chorales ? mutubwire, abakirisitu musenga mushingiye ku nyigisho za nde ?

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...