AMAKURU

UKWEZI
cheno 2020

‘Namaze imyaka ine umugore wanjye ankubita kandi atandusha imbaraga’ Ubuhamya bwa Past. Mazimpaka [VIDEO]

‘Namaze imyaka ine umugore wanjye ankubita kandi atandusha imbaraga’ Ubuhamya bwa Past. Mazimpaka [VIDEO]
21-09-2019 saa 17:57' | By Nsanzimana Ernest | Yasomwe n'abantu 7509 | Ibitekerezo

Mazimpaka Jean Nepomscene, ni umuvugabutumwa uvuka mu Ntara y’ Amagepfo mu karere ka Nyanza umurenge wa Busoro. Mu buhamya bwe avuga ko yabaye mu buzima bugoye cyane nyuma yo gutabwa mu musarane na nyina.

Uyu mugabo uvuga ko yagize ikibazo cyo kubyarwa n’ umubyeyi abana baramaze kuba benshi: 32 agira ati “Umubyeyi agira ikibazo cy’ umupapa wange wajyaga amumerera nabi. Mu gihe cyo kumbyara rero abona nta kundi yakwisayidira anjugunya mu musarane.”

Avuga ko nyuma y’ iminsi ibiri baramutaye mu musarane Imana yohereje abantu bamukuramo bamujyana mu bitaro bitandukanye, bamwe mu baganga bakajya bavuga ko atazakira.

Yagiye mu bitaro bya Kaminuza bya Butare, amazemo imyaka ibiri Imana yohereza umumama witwa Bujeniya. Bujeniya yajyanye Mazimpaka aramurera aba mukuru noneho amubwira ko ashaka kujya kumwereka iwabo.

Bageze I Busoro aho nyina yarari yasanze basa cyane, biramukomeretsa yumva ko nta muntu ugira neza ubaho. Avuga ko byatumye anyura mu buzima bukomeye abantu bose yababona akagira ngo ni abagome.

Ati “Ndakakara mbaho ndi imfubyi, ndavuga nti uyu mubyeyi wampemukiye reka ndebe ukuntu namwitura.”.

Kwihorera kuri nyina byaramunaniye, akomeza kubaho mu buzima bugoye, arara mu muhanda, kurya no kwamba bigoye.

Mazimpaka yaje kujya gusenga, nabwo ubuzima bukomeza kumusharirira inkweto yajyanye simusaziraho. Inshuti ye yitwa Manweli yari yarigeze kugirira neza imukuburira inkweto za bodabona zidasa.

Abo basengana izo nkweto bazihimbye amazina urw’ umutuku barwita Tereza, urw’ ubururu barwita Tereziya.

Uyu mugabo mu kiganiro yagiranye na UKWEZI online TV yakunze kumvikana avuga ati “Umugambi w’ Imana ntabwo uyoba uko waba umeze kose Imana iragukoresha”.

Avuga ko yinjiraga mu rusengero bakavuga ngo Tereziya arinjiye. Nyuma ngo Imana yaje kumuha umwuka wera atorerwa kuyobora korari irimo abakire akajya ababwiriza bakishima ariko ati “Imana itakwibutse nta muntu wakwibuka. Iyo Imana itarakingura urakomeza ukazenguruka Yeriko yawe”.

Uyu muvugabutumwa avuga ko yaje gushaka umugore nawe amubera ikigusha. Ati “Namaze imyaka ine umugore wanjye ankubita kandi atandusha imbaraga”.

Ngo ibi byatumye abantu bajya kuvuza uyu mugabo, agira ngo ahantu bamujyanye ni hazima agezeyo asanga ni mu bapfumu ngo yuzura umwuka wera arabasarana.

Akomeza avuga ko umugore we yigeze kumukubita umuhini w’ isekuru. Ajya mu bitaro amara icyumweru muri koma. Avuye mu bitaro asanga umugore yaragiye. Ngo mu bibazo byose yahuraga nabyo yakomezaga gusenga no kwizera amasezerano Imana yamuhaye agitangira gukizwa.

Ati “Ngarutse ku by’ umugore, ikintu cyatumye dutandukana, yari umusambanyi akunda inzoga. Ikintu cyatumaga ankubita si uko yandushaga imbaraga ahubwo iyo yatahaga nijoro yabaga ari kumwe n’ abagabo bamuherekeje. Rimwe na rimwe akambwira ngo ninsohoke nkisohokera agasigara mu bye n’ abo bagabo bamuherekeje”.

Batandukanye bamaze kubyarana abana babiri, uyu munsi abo bana barerwa na se. Bamaze gutandukana uyu mugore yashatse abandi bagabo nka 5 batandukana. Yabanaga na Mazimpaka batarasezeranye.

Mazimpaka avuga ko nyuma yaje gutangira umwuga w’ ivugabutumwa akajya ambwiriza muri Kigali, magingo aya afite inzu mu Gatenga avuga yayihawe n’ Imana. Anafite umugore basezeranye witwa Ntakirutimana Venantie.

Ubuhamya mu majwi n’ amashusho


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...