konka coffee
KONKA

AMAKURU

UKWEZI

Nta mukirisitu wishe umuntu ,ndongeye mbisubiyemo nta mukirisitu wishe umuntu- Padiri Ubald

Nta mukirisitu wishe umuntu ,ndongeye mbisubiyemo nta mukirisitu wishe umuntu- Padiri Ubald
15-04-2018 saa 17:55' | By Akayezu Jean de Dieu | Yasomwe n'abantu 5716 | Ibitekerezo 7

Padiri Ubald Rugirangoga yavuze ko abanyarwanda mu ngeri zitandukanye bafite ibikomere basigiwe na Jenoside yakorewe Abatutsi muri Mata 1994, ariko ashimangira ko muri iki gihe cya Jenoside yakorewe Abatutsi nta mukirisitu wishe umuntu ahubwo ababikoze ngo ni ababatijwe ariko batigeze baba abakirisitu.

Padiri Ubald yagarutse kuri ibi kuri iki Cyumweru tariki 15 Mata 2018, kuri sitade Amahoro i Remera mu masengesho ategurwa n’abakirisitu ba paruwasi Regina Pacis Remera agamije gusabira, kuzirikana no kwibuka abazize Jenoside yakorewe Abatutsi.

Mu butumwa bwe, Padiri Ubald usanzwe azwiho gusengera abantu ndetse akanakora ibitangaza birimo kubasengera bagakira indwara zitandukanye yavuze ko impamvu bahuriye aha nk’abakirisitu ari ukugira ngo Yezu abakize ibikomere bafite ku mutima.

Yagize ati "Si ubwa mbere duhurira kuri iyi sitade Amahoro, Padiri mukuru yatwibukije ko iyi nshuro ari iya gatatu duhurira aha ngaha kuri iyi sitade y’Amahoro ngo Kirisitu umwami w’Amahoro aduhumurize adukize ibikomere binyuranye dufite twatewe na Jenoside yakorewe Abatutsi. igikomere ubundi umuntu abona kimugwirira nta wifuza guhura n’igikomere, turabyirinda ibikomere noneho ishyano ryakugwira ugahura n’igikomere bamwe bararyama abandi bakavunika biterwa n’aho cyagufashe ariko uhita wivuza vuba na bwangu kugira ngo kidakomererwa cyangwa kitakwica"

Yakomeje agira ati "Ibikomere ntitugomba kubyemera, twahuriye aha ngaha ngo ibikomere dufite ku mutima Yezu abidukize, bibaye byiza ko duhuriye aha mu gihe twibuka Yezu wazutse ugenda ahumuriza abe, tubyumvishije mu ivanjiri abe arabwiye ati ’Ni mugire amahoro, arabahumurije!, Uko umubiri ukomereka burya niko n’umutima ukomereka"

Padiri Ubald yakomeje avuga ko ibikomere abanyarwanda bafite ari nabyo baje ngo Yezu abibakize ’Ni ibyo basigiwe na Jenoside yakorewe Abatusti muri Mata 1994’

Yagize ati "Iyi Jenoside rero yakorewe Abatutsi hano mu Rwanda yaradukomerekeje twese (....) Iyi jenoside yagaragaje urwango rudasanzwe ku buryo wagira ngo abanyarwanda ntitwigeze twigishwa ivanjiri, abakirisitu b’abanyarwanda turakomeretse kuko wasangaga Petero ariwe uri kwirukanka kuri Yohani kandi Petero akica Yohani nta comment , Petero yishe Yohani, ubundi Petero yarabatijwe? Yohani yarabatijwe?"

Yakomeje agira ati "Kuko niba Petero yirukanka akica Yohani yarangiza ati ndamuhitanye daaaa (....) Akabyigamba , ubundi nta mukirisitu wakagombye kwica, hari ukuntu njya ntera amahane n’abantu bakavuga ngo abakirisitu baricanye, ni ukuri kose nta mu kirisitu wishe umuntu, nta mu kirisitu wishe umuntu n’aha ngaha ndongeye mbibasubiriyemo abantu bose babyumve nta mukirisitu wishe umuntu abantu bishwe n’abantu babatijwe ariko batigeze baba abakirisitu n’aha ngaha rwose barahari babatijwe ariko batari abakirisitu"

Padiri Ubald yakomeje avuga ko abakirisitu bakomeretse baba n’abapadiri nabo bakomeretse aho ubona umupadiri yigisha ivanjiri nyuma wajya gusarura ugasarura Jenoside

Ati "Hari igihe njya nibaza nti ariko se Mana habure paruwasi n’imwe yarokoka mu Rwanda ngo ivuge iti twebwe ntitwakoze Jenoside?, hari iyo mwari mwumva? usanga abantu bose iyo ari iki gihe cyo kwibuka buri wese afite abe ari kwibuka"

Padiri Ubald kandi yavuze ko nk’uko Yezu yapfuye asabira imbabazi abamubambye ati ’Bababarire Dawe kuko batazi ibyo bakora’ ahera ko asaba abarokotse Jenoside yakorewe Abatutsi kubabarira nk’uko Yezu yabikoze anavuga ko bizafasha mu gukira ibikomere kuko nihabaho kubabarira hazanabaho gukira ibikomere. Abasaba kwishakamo imbaraga zo kubabarira ababiciye ababo.


INKURU ZA :
Tanga Igitekerezo
Ibitekerezo 7
Etienne Kuya 26-04-2018

Ntamukirisitu wishe umuntu. Nkibyo kuko abicanyi ni ingirwa abakirisitu. Papa we ni umunyapolikike. Ese we yibuka ba musenyeri baguye I kabgayi cg se abakristu gath. Bazize genocide?

Karangwa Kuya 25-04-2018

Wowe wiyita huh niwowe uhuzagurika.umuyoboke w’idini Papa yasabiye imbabazi atandukanye n’umukristu Padiri Ubald avuga.umukristu ni umuntu wakitiye yezu kristu mu mutima we akemerwa kuyoborwa nawe.uwo rero ntiyakora jenoside nanjye ndabihamya.naho abayoboke bidini bo nyine ni ba Padiri Seromba naba Ngirumpatse Matayo.abo nibo Papa yasabiye imbabazi.urumva??

Karangwa Kuya 25-04-2018

Wowe wiyita huh niwowe uhuzagurika.umuyoboke w’idini Papa yasabiye imbabazi atandukanye n’umukristu Padiri Ubald avuga.umukristu ni umuntu wakitiye yezu kristu mu mutima we akemerwa kuyoborwa nawe.uwo rero ntiyakora jenoside nanjye ndabihamya.naho abayoboke bidini bo nyine ni ba Padiri Seromba naba Ngirumpatse Matayo.abo nibo Papa yasabiye imbabazi.urumva??

Karangwa Kuya 25-04-2018

Wowe wiyita huh niwowe uhuzagurika.umuyoboke w’idini Papa yasabiye imbabazi atandukanye n’umukristu Padiri Ubald avuga.umukristu ni umuntu wakitiye yezu kristu mu mutima we akemerwa kuyoborwa nawe.uwo rero ntiyakora jenoside nanjye ndabihamya.naho abayoboke bidini bo nyine ni ba Padiri Seromba naba Ngirumpatse Matayo.abo nibo Papa yasabiye imbabazi.urumva??

huh Kuya 18-04-2018

Mwicare mwige Urukundo nyakuri aho kwitega ibitangaza satani ayoboye,akarimi ke gashyeshyenga(uburyarya bw’abanyamadini b’ibinyoma) 2 abanyakorinti 11:14-15

-xxxx- Kuya 17-04-2018

Ubwo HUH wumvise neza context yabivuzemo? Hari abiyita abakristu kandi mu by’ukuri atari bo nibo yashakaga kuvuga.

huh Kuya 16-04-2018

Ubwo Ashatse kuvuga ko nta bakirisitu Gaturika bakoze ayo mahano? ubwo se Papa umuyobozi wabo akaba yarasabiye imbabazi abaki? we ubwe yivugiye ko ari abayoboke b"idini rye. Guhuzagurika gusa.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...