AMAKURU

UKWEZI
ubumwe

Ntezimana avuye i Burayi kubwiriza iby’Imana y’I Rwanda

 Ntezimana avuye i Burayi kubwiriza iby’Imana y’I Rwanda
27-01-2019 saa 21:28' | By Muhizi Olivier | Yasomwe n'abantu 1561 | Ibitekerezo 4

Ntezimana Sebu n’abagenzi be bibumbiye hamwe bagamije kwamamaza Imana y’I Rwanda aho bagamije kuyibwira n’abanyamahanga .

Ntezimana yagiye i Burayi kubwiriza Imana y’I Rwanda ubwo yageraga ku kibuga mpuzamahanga cya Kigali yagiranye ikiganiro n’itangazamakuru yavuze intego yamujyanye Iburayi.

Yagize ati "Mvuye mu gihugu cy’u Bufaransa na Morishiyasi kubabwira iby’Imana y’i Rwanda, barabyumvise kandi barabyubaha. Abanyarwanda bakwiye kureka kureba ibyo hanze, bakagaruka ku isoko bakareba imyemerere twari dusanganywe, nibajya kwambaza bambaze imana y’I Rwanda.”

Ntezimana, akomeza avuga ko abanyarwanda mbere y’uko bazanirwa Imana n’abanyamahanga ngo bari basanzwe bazi Imana, bayemera kandi bayubaha bakanagira uburyo bwabo bwo kuyisenga kandi ikabumva, ikabasubiza.

Ati "Imana y’I Rwanda yahozeho kuva cyera ahubwo abazungu barebye uburyo dufite imyemerere ihamye tunahagazeho, barayifata barayijyana bayihindura uko bishakiye, aba aribyo batugarurira, aba aribyo dufata turabikoresha tubyita ibyacu kandi atariwo muco n’imyemerere yacu. Aho nkubutse, nabasobanuriye iby’iyi Mana y’I Rwanda babyumva cyane ndetse duhana gahunda ko bazaza mu kwezi wa 7 tariki 7 uyu mwaka wa 2019 mu munsi wera w’umucyo turimo gutegura, bakareba imyemerere n’imisengere biri mu muco nyarwanda.”

Uru rugendo yarukoreye mubufaransa ndetse no muri Morishiyasi

Edouard Mubaraka, wagize igitekerezo cyo kubwira abanyarwanda n’isi ko hari Imana y’I Rwanda ikwiye gusengwa kandi ikubahwa, avuga ko igitekrezo yakigize akagisangiza intumwa 11 bagafatanya urugendo aho abagera ku bihumbi 9 mu Rwanda no hanze yarwo bamaze kubyumva.

Avuga ko Imana y’i Rwanda ikwiye gutandukana n’iy’abandi kuko bafite imyemerere n’imisengere yabo byo mu muco wabo.

Agira ati "Hari Imana zitandukanye abantu bemera, hari izituruka mu mahanga, hari izo abantu bibariza hakaba izo bihimbira, niyo mpamvu twavuze tuti reka tugarukire Imana y’u Rwanda. Iyi mana y’I Rwanda niyo yaremye ijuru n’isi, irema natwebwe abantu. Si ukuyigarura kundi ahubwo ni uguhamya ko isanzwe ihari, ni ukwibutsa ko wowe utari uziko ihari wongere ubyibuke. Abantu barayobye bibagirwa Imana iwabo basengaga, dukwiye gusenga Imana yacu aho gusenga iy’abanyamahanga.”

Mubaraka watangije Umunsi wera w’umucyo mu Rwanda no kwisi avuga ko Abanyarwanda bakwiye gusenga Imana y’iwabo .

Mubaraka kandi avuga ko ubu igihe kigeze ngo asangize Abanyarwanda iby’Imana yabo ndetse harimo kwandikwa igitabo kivuga iby’Imana y’I Rwanda yagiye ikorera Abanyarwanda kuva u Rwanda rwabaho nkuko yagiye ifasha Abami kwagura u Rwanda uko yafashije Inkotanyi kubohora igihugu ibyo byose bazabibumbira hamwe muri icyo gitabo .

Ngo ibyo yababwiye ku Mana y’URwanda barabyumvishe kandi barabikunze

Ngo Abanyarwanda bagasenze basaba Imana yabo bati Mana y’U Rwanda mfasha nkuko wafashije Inkotanyi kubohora igihugu kuko yabikoze aho gusaba Imana ya Isirayeli kandi ari iyabanyisiraheri .


INKURU ZA :
Tanga Igitekerezo
Ibitekerezo 4
Alba pekee Kuya 31-01-2019

None ko imana avuga ariyo irwanda none akaba atangiye kuyijyana ahandi.
Menya ko nabo bafite imana yabo.
Naho ubundi ntaho waba utaniye nabo uvuga bazanye imana yabo Iwanyu

Alba pekee Kuya 31-01-2019

None ko imana avuga ariyo irwanda none akaba atangiye kuyijyana ahandi.
Menya ko nabo bafite imana yabo.
Naho ubundi ntaho waba utaniye nabo uvuga bazanye imana yabo Iwanyu

Gerald Kuya 31-01-2019

Ngaho se banza ukureho iryo Zina Mubarak nyine witwe amazina ya ba so naba sogokuru..

mazina Kuya 28-01-2019

Uyu mugabo namenye ko natwe Abakristu turi Abanyarwanda.Nkuko bible ivuga,nta rindi zina twahawe ryo gukirizwamo uretse YESU.Niwe wenyine utwereka INZIRA nyakuri itugeza ku Mana.Yerekanye ko ariwe Ntumwa nkuru y’Imana igihe yazuraga abantu,agakiza abamugaye n’abahumye,kandi nawe Imana ikamuzura.Aba bakabya ngo barigisha Imana yabo,ngaho nihagire umwe muribo ukora ibyo Yesu yakoze tumwemere.Iri dini rishya bazanye,kimwe n’andi yose yigisha ibinyuranye n’ibyo Bible ivuga,kandi ni menshi cyane,nta handi inyigisho zabo zibajyana uretse kuzabura ubuzima bw’iteka muli paradizo.Muli 1 Yohana 4:1,Imana idusaba "gushishoza",aho kujya mu madini yose.Ntabwo Imana yemera amadini yose.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...