konka coffee
KONKA

AMAKURU

UKWEZI

Padiri Ndikubwimana uvugwaho ubusambanyi n’ubusinzi yahagaritswe

Padiri Ndikubwimana uvugwaho ubusambanyi n’ubusinzi yahagaritswe
24-04-2018 saa 13:59' | By Akayezu Jean de Dieu | Yasomwe n'abantu 7480 | Ibitekerezo 1

Umushumba wa Diyosezi Gatolika ya Gikongoro, Musenyeri Célestin Hakizimana yahagaritse ku mirimo y’ubushumba, Padiri Augustin Ndikubwimana mu gihe kingana n‘imyaka ibiri aho mu bivugwa ko yazize harimo n’ubusinzi n’ubusambanyi.

Kiliziya Gatolika iteganya ko zimwe mu mpamvu zishobora gutuma Umupadiri ahagarikwa ku murimo w’ubusaserdoti ni ukutubaha amasezerano yagenwe ari yo; amasezerano y’ubukene, amasezerano yo kumvira n’amasezerano y’ubumanzi (kudashaka umugore).

Mu kiganiro Musenyeri Célestin Hakizimana yagiranye na TV1 yasobanuye ko Padiri Ndikubwimana, yishe isezerano ry’ubukene kuko yari umusinzi.

Yagize ati “Icyo nari muziho ni uko iyo wamubonaga ari muzima wabonaga rwose azi ubwenge ari umuntu wagirira akamaro Kiliziya, ariko yamara kugasomaho bikaba ibindi, ubwo rero urumva ko n’isezerano ry’ubukene yaryishe.”

Mu bindi byashyizwe mu majwi kuri uyu Padiri Ndikubwimana ngo yaba yahagaritswe kubera kwica isezerano ry’ubumanzi, aho yajyaga mu ngeso z’ubusambanyi.

Musenyeri Hakizimana ntiyigeze yemeza cyangwa ngo ahakane niba iyi ngingo iri mu zatumye afata icyemezo cyo kumuhagarika, akavuga ko ababivuga ubwo bajyaga bamubona wenda ajya mu bagore.

Yagize ati “Ubwo abakirisitu babikubwiye barabizi. Turi abapadiri batorwa mu bantu babana n’abantu kandi ‘nanjye icyo namuhagarikiye ni uko amakosa yakoraga yagiraga ingaruka ku bakirisitu.”

Musenyeri Hakizimana yakomeje avuga ko amaze imyaka ibiri amwihanganira, amuhana ndetse yanamuzanye i Kigali muri Communauté de l’Emmanuel kugira ngo bamumufashe, bamufashe gusenga. Ibi ngo ntacyo byatanze kuko Padiri Ndikubwimana yasubiye muri Diyosezi avuga ko yikosoye ariko bikananirana. Iyi ni ibaruwa ihagarika Padiri Ndikubwimana


INKURU ZA :
Tanga Igitekerezo
Ibitekerezo 1
jacob Kuya 26-04-2018

Musenyeli yakoze agashya ahubwo uwamuha kuyobora Diyosezi ya Kigali hasigaramo mbarwa.Ari umupadiri usezeranya abantu nyuma y’igihe gito agatwara wa mugore yasezeranyije bakaba babana umunsi ku wundi banamaze kubyarana kabiri akirirwa asahura n’um,utungo wa diyosezi yubaka amazu ari n’uwo wa Gikongoro wabahuza ute?uyu utunze umugore yambuye umugabo we birirwa bamugororera kumwimurira ahandi.Imana nitabare.Iyi nkuru yasohotse mu gihe gishizE MU BINYAMAKURU.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...