AMAKURU

UKWEZI
ubumwe

Umuhanzi Nyarwanda Sedy Djano yafashije abasaga 50 baba ku mihanda muri Amerika bibakora ku mutima -AMAFOTO

Umuhanzi Nyarwanda Sedy Djano yafashije abasaga 50 baba ku mihanda muri Amerika  bibakora ku mutima -AMAFOTO
21-05-2019 saa 16:30' | By Vincent Nsengiyumva | Yasomwe n'abantu 1113 | Ibitekerezo

Umuhanzi w’umunyarwanda Sedrick Djano wamenyekanye mu ndirimbo zo kuramya no guhimbaza Imana, uba muri Leta Zunze Ubumwe za Amerika muri Mississipi, yakoze igikorwa cy’urukundo afasha abantu barenga 50 batagira aho kuba, abaha ibyo kurya.

Sedy yakoze iki gikorwa cy’urukundo abinyujije mu muryango yashinze yise ‘Give kindness’.

Uyu muhanzi Sedy aherutse gushyira hanze indirimbo nshya yakoranye na Rideman na Social Mula,bise ‘Be kind to one another’.

Kuri uyu wa Gatandatu tariki 18 Gicurasi 2019 Sedy Djano hamwe na producer we LG Pro batuye muri Leta Zunze Ubumwe za Amerika, basuye ndetse banagaburira abatishoboye baba ku mihanda (homeless) muri Leta ya Texas.

Sedy Djano usanzwe ukora umuziki wo kuramya no guhimbaza Imana, yatangaje ko mu gikorwa cy’urukundo yakoze yagaburiye abantu batishoboye barenga 50 baba ku mihanda muri Texas.

Yagize ati “Twagaburiye abantu barenga mirongo itanu (50) baba ku mihanda muri State ya Texas mu gihugu cya Leta Zunze Ubumwe za Amerika. Aba bafashijwe na Sedy bishimye cyane, bakorwa ku mutima no kuba bagiriwe urukundo n’umuntu utavuka muri Amerika kuko ari gacye bakunze kugira ayo mahirwe.

Yakomeje avuga ko muri iki gikorwa yanaboneyeho kuganira nabo no kubagira inama ibintu ashimangira ko aribyo by’ingenzi kurusha ibindi byose.

Yagize ati “Twanagize n’amahirwe yo kuganira na bo, batubwira ko bishimye birenze uko babivuga. Batubwiye ko ari gake gashoboka bagirirwa amahirwe yo kubona ibyo kurya mu masaha ya Saa sita. Ndetse kandi banatangajwe cyane no kubona umuntu utanavuka mu gihugu cyabo, abagirira ishyaka n’urukundo akaba yabatekereza akigomwa agakoresha amafaranga ye kugira ngo abagaburire. Mbese byari ibyishimo byinshi kuri buri wese wari uri aho.”

Abafashijwe na Sedy badafite aho kuba muri Amerika ni abantu bakuru, ibintu
avuga ko bitandukanye no muri Afrika aho usanga abenshi mu badafite aho kuba ari abana bato.

Sedy avuga ko kuba ageze muri Amerika atari yabona umwana uba ku muhanda. Ati: “Gusa kuva nagera inaha ntabwo ndabona ‘Homeless’ w’umwana. Bose ni bakuru harimo; abagore, abagabo, abasore n’abasaza. Abenshi barara munsi y’ibiraro cyangwa ku mabaraza y’amaduka. “

Sedy avuga ko uretse kugaburira aba baba ku muhanda, ngo yanaboneyeho akanya ko kubaganiriza abagira inama baranasabana

Nyuma yo kubona ko hari abantu bensi bababaye uyu muhanzi yahamagariye abantu batandukanye kugira umutima w’urukundo bagasakaza ineza ku isi hose. Yabibukije ko gutanga bibonerwamo umugisha kuruta guhabwa.

Sedy yunzemo ati:"Ubuvugizi bwo nabwo ni ngombwa kuko ibyo dukoze tugerageza no kubishyira mu itangazamakuru kugira ngo n’abandi bashobore kubibona kuko ni abantu benshi inaha bari ku mihanda . Icy’ingenzi gikenewe kandi twibandaho ni ukuganira nabo, kubagira inama,kuko hari igihe usanga afite umuryango kandi adashaka ko wenda umuryango we umenya aho ari, ikindi kandi kuva ku muhanda bitamukundiye, kubera se ubuzima aba yarabayemo mu muryango we, baramufashe nabi n’ibindi nk’ibyo. Ubundi icy’ingenzi ni ukuganira nabo, kubagira inama no kubahora hafi."

Yavuze ko icyo yateganyaga cyane cyane ari ukuganira n’umuntu umwe kuri umwe akabanza akagira akajya amusura kenshi gashoboka ngo kuko iyo umuntu abikoze atyo, usuwe akabona ko hari umuntu umwitayeho nawe ubuzima arabuhindura.

Ati "Nzi benshi bamaze kuva ku mihanda muri ubwo buryo,..usanga yahindutse rwose kandi akaba yahindura abandi."

Abantu basaga 50 baba ku muhanda bafashijwe na Sedy bose ni abakuze

‘Organization’ izwi ku izina rya ‘Give Kindness’ ihagarariwe n’umuhanzi Sedy ikomeje ibikorwa byiza by’urukundo ndetse iranakangurira buri wese kubana neza n’abandi no gukunda gutanga kuko bibonerwamo imigisha myinsh kuruta iva mu guhabwa.

Yashimangiye ko Give Kindness iteganya ibikorwa byinshi by’urukundo, muri Leta Zunze Ubumwe za Amerika ndetse no muri Afrika harimo n’u Rwanda muri uyu mwaka wa 2019. Ikindi bakora ni ugukorera ubuvugizi abatishoboye bahura nabo.

Ubwo yari mu myiteguro y’iki gikorwa cy’urukundo aherutse gukora, Sedy yafashijwe cyane n’itangazamakuru ryo muri Texas gutangaza byinshi kuricyo.

Tariki 11 Werurwe 2019 Sedy yatanze ikiganiro kuri Walk by Faith Radio yo muri Leta ya Texas, yakirwa n’umunyamakuru witwa Fabian. Ubwo aherutse mu Rwanda, Sedy yaguriye mituweli abatishoboye bagera ku 100 anatanga amabati n’imyenda.

Ubu nibwo buzima babayeho ku mihanda yo muri Amerika

Bakozwe ku mutima n’ibikorwa by’uyu musore w’Umunyarwanda

Aya mashitingi niyo begekamo umusaya mu masaha akuze


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...