AMAKURU

UKWEZI

Umuramyi Ada Bisabo agiye gukora igitaramo cy’amateka yatumiyemo umunyabigwi Papane Bulwane

Umuramyi Ada Bisabo agiye gukora igitaramo cy’amateka yatumiyemo umunyabigwi Papane Bulwane
6-12-2018 saa 19:37' | By Vincent Nsengiyumva | Yasomwe n'abantu 645 | Ibitekerezo

Umuramyi w’umunyempano Ada Bisabo Claudine umaze kugira izina rikomeye mu muziki mu Rwanda, agiye gukora igitaramo gikomeye yatumiyemo umuhanzi w’icyamamare Papane Bulwane wo muri Afrika y’Epfo.

Umuramyi Ada Bisabo Claudine yamenyekanye mu ndirimbo zinyuranye nka; ’Nkwiye kujyayo’, Iby’Imana ikora, Data arihagije, Tuzafatanya n’ibizima n’izindi zagiye zikora ku mitima y’abatari bake.

Uyu muramyi akaba n’umwanditsi w’indirimbo zihimbaza Imana ari mu myiteguro y’igitaramo cy’amateka yise ’Ahindura Amateka Live Concert’ kizaba tariki 23Ukuboza2018 muri Kigali Serena Hotel.

Mu kiganiro yagiranye na Ukwezi.rw Ada Bisabo yavuzeko imyitegurro yacyo iriimbanyije ndetse ko n’umunyabigwi Papane Bulwane wo muri Afurika y’Epfo yamaze kwemera bidasubirwaho ko azaza gutaramana n’Abanyarwanda bafatikanya kwinjira muri Noheli neza.

Yakomeje avuga ko uretse uyu muririmbyi w’icyamamare uzaturuka muri Afurika y’Epfo, ngo bazataramana n’abahanzi bakunzwe bo mu Rwanda ndetse n’amatsinda akomeye nka True Promises, Bosco Nshuti n’abandi batandukanye barimo Umuvugabutumwa Antoine Rutayisire uzigisha ijambo ry’Imana..

Ada Bisabo Claudine ugiye gukora igitaramo cy’amateka yinjiza abantu muri Noheli bari mu mwuka, yatangiye kuririmba afite imyaka 7 y’amavuko atangirira muri korali y’abana muri Kiriziya Gaturika.

Ku myaka 12 yatangiye kuririmba muri korali y’abakiri bato mu itorero ryitwa Nazarene Church riherereye mu karere ka Kicukiro. Yakomeje kuririmba mu bigo bitandukanye by’amashuri yisumbuye kandi hose yabaga ari umuyobozi w’indirimbo ( Conductrice ).

Muri 2009 yatangiye kwandika indirimbo atangira no kuzitoza abandi. Yaje gufasha amatsinda n’amakorali atandukanye ndetse n’abaririmbyi ku giti cyabo bo mu Rwanda, Congo no mu Burundi ubwo yari amaze gutorerwa kuyobora GBU-ULK.

Umunyabigwi Pasiteri Papane Bulwane utegerejwe n’abatarri bake, yamamaye mu ndirimbo zinyuranye zirimo "Halempotsa", "Ndohamba" n’izindi zakunzwe cyane muri Africa y’Epfo no hirya no hino ku Isi.

Kwinjira muri iki gitaramo bizava ari ibihumbi bibiri (2000frw) ku banyeshuri, ibihumbi bitanu (5000frw) mu myanya isanzwe n’ibihumbi icumi (10.000frw) mu myanya y’icyubahiro (VIP).

JPEG - 60.1 kb

Umuramyi Ada Bisabo Claudine avuga ko imyiteguro y’igitaramo igeze kure

JPEG - 74.6 kb

Umunyabigwi Papane Bulwane w’Umunyafurika y’Epfo agiye kuza gutaramira Abanyarwanda

JPEG - 121 kb

Kizaba ari igitaramo cy’amateka

Reba hano ’Modimo’ ya Papane Bulwane


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...