konka coffee
KONKA

AMAKURU

UKWEZI

Umuramyi Joel Lwaga watumiwe na Kingdom of God Ministries yageze i Kigali

Umuramyi Joel Lwaga watumiwe na Kingdom of God Ministries yageze i Kigali
13-09-2018 saa 09:43' | By Vincent Nsengiyumva | Yasomwe n'abantu 1315 | Ibitekerezo 1

Umuramyi ukomeye muri Tanzania , Joel Lwaga yageze i Kigali mu gitondo cyo kuri uyu wa Kane, tariki 13 Nzeri 2018, aho aje mu gitaramo cyiswe ‘Victorious Live Concert’ cya Kingdom of God Ministries.

Iki gitaramo giteganyijwe ku Cyumweru tariki 16 Nzeri 2018. Kizabera kuri Christian Life Assembly (CLA) i Nyarutarama.

Lwaga yageze ku Kibuga Mpuzamahanga cy’indege cya Kigali i Kanombe ahagana saa kumi n’ebyiri z’igitondo. Yakiriwe n’itsinda ry’abaririmbyi bo muri Kingdom of God Ministries, umuramyi Aline Gahongayire n’abandi.

Uyu muhanzi wamamaye mu ndirimbo nka ‘Sitabaki Nilivyo’ na ‘Yote Mema’ yabwiye itangazamakuru ko yishimiye gukandagira ku butaka bw’u Rwanda.

Yagize ati “Nshimishijwe no kugera mu Rwanda ku nshuro ya mbere. Kuri njye nta kidasanzwe mwakwitega. Mwitege icyo Imana izakora muri Victorius Concert gusa ni cyiza.”

Lwaga yavuze ko yiteguye bihagije ku buryo azataramana n’Abanyarwanda bakanyurwa.

Uyu muramyi utazi byinshi ku bahanzi bo mu Rwanda, arateganya kuva mu Rwa Gasabo asoje umushinga w’indirimbo azakorana na Gahongayire Aline.

Victorius Live Concert ni igitaramo kiri mu bikomeye bizabera mu Mujyi wa Kigali mu mpera z’iki cyumweru.

Kingdom of God Ministries yamamaye mu ndirimbo zirimo “Nzamuhimbaza” yatumiye andi matsinda yo kuramya no guhimbaza Imana azwi muri Kigali, arimo Healing Worship Team, Alarm Ministries, Gisubizo Ministries, True Promises na Asaph Music International ya Zion Temple Gatenga.

Iki gitaramo kizatangira saa Cyenda z’igicamunsi (3:00 pm) kucyinjiramo ni ukwishyura 3,000Frw mu myanya isanzwe na 5,000Frw mu myanya y’icyubahiro.

Ngaga Sinkabumwe Micheal umuyobozi wa Kingdom of God Ministries aherutse gutangariza Ukwezi.com ko bageze kure imyiteguro y’iki gitaramo, ndetse ko ngo bizeye ko kizagenda neza.

Kingdom of God Ministries yaherukaga gukora igitaramo cy’imbatrumugabo muri Kamena umwaka ushize cyabereye muri Serena Hotel, ubwo bamurikaga album yabo ya mbere bise “Nzamuhimbaza” yari igizwe n’indirimbo 8 .

Joel Lwaga yageze ku kibuga Mpuzamahanga cy’indege cya Kigali i Kanombe mu rukerera rwo kuri uyu wa Kane

Joel Lwaga yakiriwe n’itsinda ry’abaririmbyi ba Kingdom of God Ministries

Ibyishimo byari byose ku bagiye kumwakira barimo na Aline Gahongayire


INKURU ZA :
Tanga Igitekerezo
Ibitekerezo 1
uzayisenga jilienne Kuya 13-09-2018

Imana is him we kubwobutuma burimo niterambere turimwis ngizaduha ubukire nicyubahiro hanyumayiby iduhe ubugingo.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...