AMAKURU

UKWEZI
ubumwe

‘Watoto Children’s Choir’ yijeje Abanya-Kigali uburyohe mu gitaramo kibinjiza muri Noheli

‘Watoto Children’s Choir’ yijeje  Abanya-Kigali uburyohe mu gitaramo kibinjiza muri Noheli
22-12-2018 saa 07:23' | By Vincent Nsengiyumva | Yasomwe n'abantu 642 | Ibitekerezo

‘Watoto Children’s Choir’ y’abana bato bo muri Uganda, yaje i Kigali mu gitaramo gikomeye yise “Turabakunda Cyane Christmas Tour Rwanda” nyuma yo kuzenguruka Isi isangiza abantu ibyiza byayo, ikaba igiye kubisoreza mu Rwanda mu rwego rwo kwifatanya n’Abanyarwanda kwizihiza Noheli.

Ni igitaramo giteganyijwe kuri uyu wa Gatandatu tariki 22 Ukuboza 2018 muri Kigali Conference and Exhibition Center ahazwi nka Camp Kigali kuva saa kumi n’ebyiri z’umugoroba kugeza saa tanu z’ijoro.

Wototo Children’s Choir ibarizwa mu itorero Watoto Ministries ikorera muri Uganda, ndetse rikaba ryaranashinze umuryango ufasha abana bagiye bahura n’ibibazo bitandukanye barimo imfubyi ndetse n’abaturuka mu miryango itishoboye.

Iyi Korali yagaragaje ko yishimiye gutaramana n’abanyarwanda cyane ko ari nayo nshuro ya mbere ihageze, yari ikubutse mu bihugu binyuranye by’i Burayi no muri Amerika y’Epfo nka Brezil, Ubudage, Switzerland, Sweden bakaba barahakoreye ibitaramo bikomeye cyane.

Wototo Children’s Choir yashinzwe mu 1994, ikaba igabanyijemo amatsinda 7 agizwe n’abana bari hagati y’imyaka 16 na 20.

Bitewe n’ubuzima bugoranye bagiye banyuramo, aba bana bafite ubuhanga mu kuririmba, indirimbo zabo zibanda cyane mu guhumuriza no gusana imitima y’abababaye n’abihebye.

Umuyobozi wa Watoto children’s choir, Nathan Kisabilaruwa yabwiye abanyamakuru ko bishimiye kuza gusoreza ibitaramo byabo mu Rwanda avuga ko biteguye gutaramana n’Abanyarwanda bagataha banyuzwe.

Yagize ati “Iyo korali by’umwihariko yagiye mu bihugu bitanu mu mezi atandatu ashize. Twakoze igitaramo muri Guatemala, muri Brazil mu mezi atatu, tumara ibyumweru bibiri muri Suède, icyumweru kimwe mu Busuwisi, twanamaze ukwezi n’ibyumweru bitatu mu Budage. None twishimiye kubisoreza mu Rwanda.”

Nathan yijeje abazitabira iki gitaramo kuryoherwa n’imbyino n’indirimbo za Noheli z’aba bana. Aba bana kandi bazatanga ubuhamya ku buzima busharira banyuzemo, ariko ubu bakaba bameze neza.

Kwinjira muri iki gitaramo ni amafaranga ibihumbi 100Frw ku meza y’abantu batandatu, ibihumbi 10Frw mu myanya y’icyubahiro na 5000Frw mu myanya isanzwe.

JPEG - 319.6 kb

Ni korali igizwe n’abana 16 bafite ubuhanga buhanitse mu kuririmba indirimbo zihimbaza Imana

JPEG - 292.3 kb

Ni abana babayeho mu buzima bubi baza guhurizwa hamwe none bamaze kuba ibyamamare

JPEG - 308.7 kb

Umuyobozi wa Watoto children’s choir, Nathan Kisabilaruwa avuga ko bishimiye kuza gukorera ibitaramo byabo mu Rwanda

JPEG - 417 kb

Watoto Children’s choir mu kiganiro n’abanyamakuru

JPEG - 272.1 kb

INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...