konka coffee
KONKA

AMAKURU

UKWEZI

Abahinzi ba Kawa barabyinira ku rukoma kubera ubumenyi bongerewe na CUP-Rwanda

Abahinzi ba Kawa barabyinira ku rukoma kubera ubumenyi bongerewe na CUP-Rwanda
30-06-2018 saa 08:30' | By Jerome Munyentwari | Yasomwe n'abantu 3528 | Ibitekerezo

Mu imurikagurisha ry’ibikomoka ku buhinzi riri kubera ku Mulindi ku nshuro ya 13 ryatangiye kuri uyu wa 27 Kamena 2018, abahinzi bagize koperative zo mu turere twa Nyamasheke na Karongi, zihinga zikanatunganya kawa barishimira akamaro k’umushinga CUP-Rwanda mu kubongerera ubumenyi mu buhinzi bw’iki gihingwa ngengabukungu.

Abo twaganiriye ni BAGARAGAZA Deogratias waje kumurika ibikomoka ku gihingwa cya Kawa avuye muri Koperative KOTEMUKAMA yo mu karere ka Nyamasheke na TIBANZA Jean Paul uturuka muri koperative KOPAKAKI yo mu karere ka Karongi.

Aba bahinzi ba kawa bose bahuriza ku kuba magingo aya barungutse ubumenyi nkenerwa mu buhinzi n’imitunganyirize ya Kawa kuva igihingwa kugeza isaruwe ikanatunganywa. Ibi ngo babikesha umushinga “Coffee Upgrade and Promotion in Rwanga”(CUP-Rwanda) ushyirwa mu bikorwa n’Ikigo cy’igihugu gishinzwe guteza imbere iyoherezwa mu mahanga ry’ibikomoka ku buhinzi NAEB ku bufatanye n’Ikigo cy’U Buyapani cy’ubutwererane mpuzamamahanga (JICA).

Bwana Bagaragaza agira ati: ”Batwigisha uburyo bwo guhinga no gutunganya Kawa, tugatandukanya kawa mbi n’inziza, ku buryo tugomba kujyana ku isoko ikawa ivuye ku murima kandi ikaba ifite umwimerere, ibi babyita uruhererekane nyongera gaciro, Value Chain”

TIBANZA Jean Paul nawe yunga murya mu Mugenzi we, aho ashimangira ko mbere batarahabwa ubumenyi n’uyu mushinga byatumaga umusaruro wabo ukomeza kuba muke, ubu ukaba ugenda wiyongera. Yagize ati: “Uyu mushinga udukurikirana kuva dutangiye gutera kawa mu mirima, ukatwereka uko tugomba kuyshyiraho ifumbire,abawuyobora bakatuzanira imbuto y’ubwatsi bwiza busasira Kawa neza,bakadufasha kuyisarura, kuyitunganya no kuyishakira amasoko meza hanze y’igihugu”

Bwana NDAYISABA Alexis, ushinzwe itangazamakuru mu mushinga CUP-Rwanda yatangarije ikinyamakuru Ukwezi ko uyu mushinga ufite intego nyamukuru yo kongerera agaciro Kawa y’u Rwanda. Yagizi ati: “Tugamije Kongerera agaciro kawa U Rwanda rusarura kugirango ibashe gupiganwa n’izindi kawa ku isoko mpuzamahanaga yemye.Ibi binyuzwa mu guha imbaraga uruhererekane nyongeragaciro (Value Chain) rw’abafatanayabikorwa bose bafite uruhare mu gihingwa cya Kawa”

Ashimangira ko muri uyu Mushinga bafite Uburyo buhamye mu kugenzura,guhuza ibikorwa, kuyobora no gushyira kuri gahunda urwego rwa kawa binyuze muri urwo ruhererekane nyongera gaciro,no kuzamura ireme ry’ubuhinzi bwa kawa.

Nk’uko Imibare itangwa na Dr.Celestin M. GATARAYIHA, umuyobozi w’ishami rishinzwe Kawa muri NAEB ibigaragaza, mu 2016 Kawa yoherejwe mu mahanga yanganaga na Toni 22,000 ndetse uyu musaruro waje kwiyongera mu mwaka wa 2017 kuko iyoherejwe hanze yageze kuri Toni 23,000. Muri uyu mwaka wa 2018 biteganyijwe ko Kawa izoherezwa mu mahanga izagera kuri Toni 24,500. Uyu muyobozi ashimangira ko mu cyerekezo 2024, hazaba hatewe ibiti bya kawa bishya bigera ku 34,000.

Mu Rwanda ubuso buteyeho kawa buragera kuri Hegitari 36,000 ubu buhinzi bukaba bukorwa n’abahinzi bagera ku 355,000. Magingo aya igiciro cya Kawa y’ibitumbwe Kigeze kuri 300Frw ku kilo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...