AMAKURU

UKWEZI
cheno 2020

Gumamurugo yongereweho iminsi 15 ishobora kongerwa

Gumamurugo yongereweho iminsi 15 ishobora kongerwa
2-04-2020 saa 07:39' | By Nsanzimana Ernest | Yasomwe n'abantu 2501 | Ibitekerezo 1

Guverinoma y’ u Rwanda yafashe umwanzuro wo kongera iminsi cumi n’itanu (15) ku gihe cyari giteganyijwe cyo gukurikiza ingamba zo kwirinda ikwirakwira rya covid-19. Ni ukuvuga ko zizageza ku cyumweru tariki ya 19 Mata 2020, saa tanu n’iminota 59 z’ijoro (23:59).

Uyu mwanzuro wafatiwe mu nama y’abaminisitiri yateranye mu buryo bw’ikoranabuhanga rya video conference kuri uyu wa 1 Mata 2020 iyobowe na Perezida Kagame.

Ni ukuvuga ko mu rwego rwo gukomeza kwirinda ikwirakwira rya covid-19 ibyari bisanzwe bibujijwe mu byumweru 2 bishize n’ubu bikibujijwe kugera tariki 19 Mata 2020.

Izo ngamba ni:

a. Kuva mu ngo no gusurana bitari ngombwa birabujijwe, keretse serivisi zihutirwa nko kujya kwivuza, guhaha ibiribwa, kujya kuri banki cyangwa abakozi bagiye gutanga izo serivisi.

b. Ibikorwa by’ubuhinzi n’ubworozi bizakomeza mu rwego rwo gukomeza gutunganya neza igihembwe cy’ihinga B (season B). Ibyo bikazakorwa hubahirizwa ingamba za Minisiteri y’Ubuzima mu gukumira icyo Cyorezo.

c. Insengero zizakomeza gufunga.

d. Amashuri y’ibyiciro byose (yaba aya Leta n’ayigenga) azakomeza gufunga. Inama y’Abaminisitiri yasabye ko abanyeshuri bashyirirwaho uburyo bwo gukomeza kwihugura hifashishijwe ikoranabuhanga.

e. Abakozi bose (aba Leta n’abikorera) bazakomeza gukorera mu ngo zabo bifashishije ikoranabuhanga, kereka abatanga serivisi zikenewe cyane zibasaba kujya aho basanzwe bakorera.

f. Imipaka izakomeza gufungwa, kereka ubwikorezi bw’ibicuruzwa (cargo trucks). Abanyarwanda batahuka mu Gihugu bemerewe gutaha, ariko bagahita bashyirwa mu kato (isolation) k’iminsi 14 ahantu habugenewe.

g. Ingendo hagati y’imijyi n’uturere tw’Igihugu zizakomeza guhagarara, kereka ku mpamvu za serivisi z’ubuzima cyangwa izindi serivisi z’ingenzi. Ubwikorezi bw’ibiribwa n’ibikenerwa by’ibanze buzakomeza.

h. Amasoko n’amaduka y’ubucuruzi bizakomeza gufunga, kereka ahacururizwa ibiribwa, imiti (za farumasi), ibikoresho by’isuku, ibikomoka kuri peteroli n’ibindi bikoresho by’ibanze.

i. Moto ntizemerewe gutwara abagenzi, ariko zishobora gutwara ibintu by’ibanze mu kubigeza ku bandi.
j. Utubari (bars) twose tuzakomeza gufunga.

k. Resitora na café zizajya zitanga gusa serivisi zo kugeza ku bantu ibyo bakeneye batahana (take away). l. Abantu barakangurirwa gukoresha ikoranabuhanga igihe cyose bishoboka haba mu kwishyurana no gukoresha serivisi za banki.

Kugeza ubu mu Rwanda hamaze kuboneka abantu 82 bafite coronavirus nshya yahawe izina rya covid-19.

Imibare yo ku rwego rw’isi igaragaza ko abamaze kwandura iyi virusi ari barenga ibihumbi 936 abo imaze guhitana barenga ibihumbi 47 naho abamaze kugikira barenga ibihumbi 194.


Aha ni muri gare ya Nyabugogo, ubusanzwe hahoraga urujya n’uruza ry’abantu n’amamodoka


INKURU ZA :
Tanga Igitekerezo
Ibitekerezo 1
Nitwa ngenzi daniel Kuya 4-04-2020

Mubyuku buri wese nabishyiramo imbaraga akaguma murugo covd_19 izarangira vuba ariko nitudakuriza inama batugira izaduhitada (please every body stay ta home) then god be with us

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...